自家制樹頭蛋糕

工作太忙太多激氣事，放左一日假去整樹頭蛋糕!! 不錯呀....而且，同我一樣又靚又sweet^^

今天的提醒

黑暗，點解總是找我呢? 最後，鼓起勇氣講我要求調組，希望一切順利

Prison break is over

天神村村民外出上兩日whole day computer trainning，話咁快就完左>_<

明天，我又再次坐牢啦....唉，究竟真正天朗氣清的日子幾時會來到呢? 今個冬天真的好寒冷!

今日又有posting出，又望到好多我熟悉的名字。我真的好想知道哪天我的名字也會出現呢?

不快樂的小雲

畢業禮完左，畢業相都影左接近兩個月啦!一切都從回原點。就連工作中的不知所謂的阿姐，又再繼續不知所謂。佢竟然完全地將佢個位的所有工作都撥晒俾我，佢返工完全係齋坐唔做....救命呀!! 我真不知道聖經邊章邊節咁樣教佢，我的痛苦日子又再來啦:-(

I can graduate la ^^

好耐都無寫blog啦！因為真係好忙！不過，今日再忙都要好好咁記低我今日的心情！我o既第十科考試合格了，亦即係我可以畢業啦！原來真係可以咁興奮，好耐都無試過今日的開心！兩年了，咁快又過左兩年。天父爸爸為我預備的真是豐富豐盛，總不欠缺！這是你所應許我的，所以我得到你所應許的！哈利路亞！！

地球人與天神村

似乎我lazy左，讀書lazy左，做事lazy左，就連update個blog都lazy左！好耐都無寫啦！其實係我這個小雲係天神村生活得太辛苦啦！調左去P&MS都足足一年了，system其實係唔係真係岩我呢？我開始諗我幾時夠鐘post out，唉！日日對住個神經又痴Q線的阿姐，我怕好快係我搬去青山住了。

佢成日都唔知想點，俾大老闆丙佢就put her anger on me，咁落去我幾高EQ都會頂唔順！每隔一段時間就教我一堆天神村管理學，我真係好唔想學呀！琴日的經典係要impress你老闆對你的印象，就要令自己變得與眾不同！！就係…唔好同同事傾計，唔好幫人，人地問你野都唔好答，因為佢做的你唔識，你做的佢又唔識 (其實，成個section都好似係得佢一個講極都唔識囉！)，自己遇到問題都唔好問人，自己坐係到諗，諗諗下就會諗到喎！(真係痴Q線！我好"興"呀！)，就算自己下面幾條o靚問你野都同佢講唔識，唔好同條o靚咁熟，唔好同你同rank個幾個同事玩、傾計同行咁埋喎！

究竟佢係咩人呀？！又話自己係基督徒，佢有無睇聖經？？聖經同耶穌幾時講過唔好幫人，唔好愛你的鄰舍架？！唉…

佢究竟係咩人？成日都將唔應該講的都講埋出來？！呀……我好想講︰拖佢出去斬呀！！我唔想見到佢呀！

成日jealous人，自己寫份enhancement，contribute左幾多？成份enhancement，起碼九成係我同color幫佢，佢究竟做左咩？咁樣…仲要搞到我份appraisal呀！真係跟著佢好無運行呀！！

I am really really angry !!天父爸爸，願你的公義、國度臨在呀！求你親自教導呀！！

2012

今個2012個人好似懶左，少左寫blog、溫少左書、做野都慢左同唔專心左。我諗係因為天氣太凍，凍到個人都唔想郁啦！！

踏入2012，不論新曆新年或舊曆新年，大家都只係問左我同一個問題！真心的，好多謝大家！人大左，顧慮真的也比以前多左，又或者係P&MS日子中成長左成熟左，睇法想法都不同左。但係…仍是那句，禱告和隨緣吧！因為一切不由我，卻是神的安排！點都好，最最最意外係會阿獻的提意，哈哈…真係好搞笑！多謝你，或許這個午飯都讓我學懂了一些事！

今個2012只係過左個多月，但係做白金好似仲多過我收到的利是。所以，這個新年都其實唔係太開心，真的要活在當下，珍惜身邊的人和事和你現在所擁有的，因為神要你離開就可以好快好快。

我要感恩且高舉你的名呀

混混亂亂又過左year 2的sem 1，連續兩晚的考試讓我唔知點算好！特別係corporate governance，這一科的考試完全唔知問咩，更唔知我答左咩，但肯定自己係答唔到，但奇怪係我考試咁都攞到A呀.........wakakakaka~

好喜愛細佬一句︰"你唔識都考A，你識的話會考到埋呢？" 又啱喎............哈！講真，我都依家還不相信我的成績，好驚係計錯分或入錯左分，因為我真係唔知問咩，但肯定係答唔晒同答唔到題囉！？！？真係令我費解！！但我知道我要感恩，多謝天父爸爸對我的學習曾給予過的應許，你所給的真係是出乎我意料！

仲有一科corporate administration，唔知成績係點呢？但我諗會合格的......嘻！起碼我答時都知佢問緊咩呀！！

今個聖誕充滿歡笑，充滿感恩！由12月11日開始就不停每天non-stop咁去玩同朋友見面，真係好開心！聖誕仲要同BB一同去昂平wild camp去感受，感受低至4.5度的天氣.........好正呀！雖然依家只有3個隊員，但我相信天父爸爸亦會為我們去預備的！因為他的恩典夠我們用，他所給的應許是信實的！

要做個快樂的小雲

感恩天父爸爸讓我知道我並不孤單，亦感恩所有好友的支持和禱告！我知道正如holly同我講，要做個開心快樂的小雲！在公司，好感恩其他同事的幫助和支持，大家都為了我這個無知小雲做左好多好多，真的讓我好感動呀！Brian講無錯，我身邊有好多好多天使，大家都係我的守護天使，因為我是個幸運的小雲 ^o^

同老細開完片後的這星期，我的生活都好似無咁緊張！因為我每天被問書的次數減少左，又或者咁講，可能係因為佢自己都被大老闆日日o趙佢一鑊金的原故。佢又係，一個簡單的計數，點解佢可以連最basic的concept都無，仲要係assessor，真係有無搞錯！

月尾佢就放大假了，我又可以放監兩個多星期！正如joyce話齋，我地可以假釋…同埋休息了！哈哈！有時候，我都慚愧，作為佢地的小主，但我可以為佢地做的不多，反而佢地為我做了太多太多，為左唔想我難做，又唔想我被問話，佢地努力地做了很多額外的工作。真的好多謝天父爸爸讓我有一班那麼可愛的同事下屬！我都好愛你地架！

仲有兩個星期就考試，但完全唔知點溫好，因為太多野要讀啦！！老細又放假，我又要acting，真係玩野，佢搞到我都無得放假溫書！！好衰呀！！真的希望mircale happen on me！！

我又要做小雲啦！

曾經我以為我遇到了一個好人，但經過幾個月的相處，原來又係我天真地相信！有一個天神村的老細，我諗我真係好快就要搬去精神村住啦！都唔知係佢太高要求，還是我真係太愚笨呢？！別人眼中，我係best of the best，所以特別揀選到P&MS，但天神村村民卻不這樣認為。想不到的只係我跟她竟然終於開拖！我無講錯呀…我真係來了咁耐，全靠我自己係到自學，無人正式地教過我睇system，我唔覺得我有錯呀！我知道日子又會開始難過，我只希望我可以好快咁安然渡過這難過的日子。

今天的手機的金句係…
他卻對我說︰"我的恩典是夠你用的，因為我的能力在人的軟弱上顯得完全。"所以，我更喜歡誇自己的軟弱，好讓基督的能力臨到我的身上。(歌林多後書12︰9)

我真的唔知將來的日子會是怎樣，但只希望我可以滿有天父爸爸所給的智慧和能力去完成我的每一天！！

Finished

只為了一個presentation，花費了我成個月有多的時間預備，幸好…我最後卻可在daniel換來一句︰good job, well done！我想這已是我最好的回報！

Finally.......I can depart from HK

終於相隔一年有多，我可以真真正正咁離開香港，乘坐飛機，利用E道出走了…哈哈！對於我未讀書前，每年都起碼出走四次，但現在，想去個旅行都原來係咁難！好彩係同hullian同carmen去，又好彩係佢地都唔介意我無參與過行程編排，全個旅程，我只係通知俾錢，我就付錢，其他事我一概不知…唉！就連我係幾點飛機，最後行程係咩…嘻…真係一d都無理過！原來讀書就真係可以令我改變，改變到我竟然可以完全有一年半有多的時間未離開過香港！仲有十個月我就可以畢業啦！快d快d，我要再去旅行呀！！wakakaka.............

雖然只係短短的五天Seoul，無去過偏遠少少的地方，五天都只係shopping同eating，但我已經好開心好滿足好感恩啦！或許我真係要多些珍惜，珍惜我可有的日子吧！

完全的休息，完全的义電，雖然十萬個不願回香港、不願返工，更不願再拾起書本溫書做功課，但係我成個人就真係完全覺得我可以把我的緊張真正咁消滅左…

我諗我如果無這五天的逃離，我一定被天神村村民搞到我發左癲，又或者可以提早approve我入藉精神村…哇卡卡！但係真正的放假令我又充滿了力量啦！

雖然我知道我會好快又變回緊張，但我深信我好快就回再去旅行啦 >_<"