These Days

17/4: 不知道大家這天有咩經歷，我卻係這天發現老細係晒太極的高手！或者做老細就係咁，真係覺得自己見識少！！阿嫲今日落區巡視，當然大家都知道佢係來找我，要見吓我係邊個！平時見面都係得個見字，但今日就神奇地會同我講野…當然，係因為要知誰人要升要走。同阿好嫲傾計真係有d驚！o依…呀…不過傾計的過程就發現太極好勁、招式更高深！真係要學習學習…

18/4︰ 唔知點解BB越來越少人，唉…要多多禱告！導師仲多過d boys！

20/4︰ 傳聞中的最後一個月的倒數要開始了…究竟係唔係真係20/5？哈…仲慘過當年我會考同高考等放榜…更慘過我去見工等interview，有無搞錯呀…講個日子o黎聽下都得瓜？我又唔係想知去邊，我只係想知幾時走o者…

好心話我知啦！唔該呀！

Happy Vs. Upset

幾經辛苦都終於可以約埋食番餐飯，不過這餐飯就只有五個大人同一個BB。但都好，起碼可以見番個面啦！Holly又大肚了，真係快…咁快就已經為兩子女之母，勁呀！而阿夢都宣佈要結婚了，我地成日都覺得佢拖住helen，但都終於肯結婚了！呀…好似我識親個d叫helen的女仔都係一個十分十分好的人，但個男朋友都總係…唉！唔同真係俗語咁講︰"唔好改錯名！"

估唔到的是，我或許真係一位好好的保母，holly個女竟然又係同其他小朋友一樣…好鍾意同我玩，走時仲要拖住我一齊行添！！嘻…將來無野做都可以做母賺錢了！

============================================

返工又再次發覺好苦悶，好悶係無咩心機做野！究竟我係唔係真係20/5有得走呢？點解要咁神秘，講清楚都無壞咋…點解要咁呢？！等…原來真係好慘架！再加上，一想起去到新環境又唔可以請假之後…更覺得我好慘咁！天呀…點好呢？睇怕我今年生日都係無得出外過，仲話十一月同jacyln去日本…唉！都唔知得唔得添！！唔制呀…我要去日本呀！！快d啦，好心快d話我知我去邊同幾時走得啦…搞到我plan唔到我今年的行程！！

等

成日話好似發夢咁，但個夢都發左成兩個月，由要簽良民證那天起、到收信、到繼續等個新位都原來已經成兩個月了。平時兩個月好似好耐，但原來係咁快。點解仲未知會去邊呢？！大老細話可能要五月，五月就五月啦，無所謂，但我有所謂的係又要繼續教新人，三月尾又多左個新人，係完全新入政府添…死未…仲教得辛苦！好想死！或許真係個人心態唔同左，所以依家無咁積極，而且好唔想教最新果位，真係好難頂！雖然個人無咁積極，但我都繼續好努力咁做好我依家個位，唔想離開後被人話我！！

日子越過，我就越來越唔想走。唔同升職都會有恐懼症？！96年5月入政府，自始都未離開過26樓，個人真係有d驚，點好！？將來唔知會點呢？

依家大老細講話好玄…一位太太竟然係太極高手…係我從未見識過的。我其實收到風知邊度有位，以為自己會去果度，點知太極高手竟然話我會去另一個好位，但再問呢…佢又唔講…又繼續係到晒太極……講少少都唔怕啦！我真係好擔心！

講真，我擔心的係因為我好怕會跟番佢。太極高手教我太極時都其實講左d野我聽，領悟到的係……我所擔心的可能係真！特別係這個月，每次見到時又發現他的態度改變了。由見到我會調頭走，到今天佢竟然可以笑住口係我身邊過。我太明白佢，我怕我所擔心的會成真呢！

希望快d有消息啦…等…真係好辛苦架！！