又到感恩節啦！

時間真係好快，直頭係飛快……光速咁又到感恩節嚕！嘩…今年又開始數算恩典啦！今年，唔使多講，一定係我升職要感恩啦！咁快又半年，開心的日子真係唔同d，日日幾忙也好，都係開心快樂o既！希望係B組的餘下三年半時間裡都可以繼續開開心心！

仲有，今年都真係開心日子多於一切，而且升職轉組以後，終於都可以遇到一班好好的同事，咁真係好難得架！真係要感恩呢！！

舊年仲因為同朋友有新的定義而懊惱，但今年就認識左更多更多的新朋友，多謝天父爸爸俾我認識到一班好可愛的同學仔！仲要係我地八個女仔入面，一共有五個都係基督徒，真係好呀！雖然今年都一樣明白咩叫做朋友，不過，我知道我唔使怕，因為天父爸爸一定會為我選擇的。

雖然，今年因為工作去少左旅行，不過都好呀…我儲番多d錢呀…要繼續努力呀！辛苦多一年，咁就可以實現我的dream啦…嘻！

今年好似好運到嘭嘭聲咁，嗯…真係好啦！都一樣要感恩o既！！如果我同佢的事可以咁好運就好了，不過，這刻都已經係好好啦！

好快又到聖誕，真係好快！明天就同winty食farewell，佢下星期以後就走啦！我仲係好內疚呀！希望佢過到去K會好了！下星期三就係section的annual dinner，嘩…期待中！希望果晚唔好遇到我唔想見到的事啦！

Leon Lai

我們愛

半年了

我好似仲係有些唔安樂，因為還是覺得我唔肯返K組，所以搞到winty要調走…嗯…點好呢？琴日放工，成張picture終於清楚，成個故事完整左！黃太話佢明白我唔想返的原因，佢話佢無怪我，佢話佢只係自私地想我回家，嗯…一個大老細竟然咁樣同我講！我都覺得有些對唔住佢，我仲記得我話過無佢係無我的今日，我話過要報恩，不過，無諗過係咁快o者！當日唔捨得走，因為無勇氣，十三年未離開過，要走係要好大好大的勇氣。到今日，原來已經半年了，岩岩好半年，又發覺離開對我係好、離開亦更發現以前這是一個是非之地，所以…更加唔想回去了！這事上又看見天父爸爸為我所預備的，亦看見我是如何被祝福的。我要繼續努力努力呀！原來咁快就半年了，日子真係過得好快好快…快到，唔知點形容好了。執著，今日好似不再是我了。不過，對你，我還是在想選擇係咩好？！你我每天都為對方去祈求幸福，但其實係點樣先係我們的幸福呢？我是否都好似我離開K組一樣，付出好大好大的勇氣離開你呢？工作都開始smooth，我開始可以準時少少放工啦！不過，所謂的準時都其實係遲左，都成六點，但都總算係早啦！農曆新年後，我又要上training了，honey moon的日子好快就要完了！要好好珍惜囉！！

好Cool的立願禮

今年冬天好似o黎得特別早！咁快就轉涼了！今年的立願禮都好凍呀…o依，凍死我啦！！廿度唔夠，要著夏季制服，真係好凍呢？！今年立願，真係好少人呀！點好呢？！要努力禱告呀！！真係少得好可憐呀……點好呢？？

天父爸爸，究竟我地可以點做呢？點樣可以招募多些隊員呀？真係好冷清呀！

Cry

BB五十週年又順利完成左，我的task亦都好好完成。雖然最後一刻又決定我要做翻譯，但都好感恩天父爸爸的帶領與保守。從未試過做即時傳譯，但幸好係都順利完成。又再好好咁去經歷天父爸爸的恩典夠我用。今日，又再好似坐過山車咁，大起大落，老細問我返回K組好唔好，我竟然答佢唔好，因為我都真係好唔想，離開係開心，離開左就唔想再返去。好聽就係叫回娘家，好聽就係大老細想我返回…不過，問心問到底就係唔想囉！難得離開是非之地，當然就唔想再返去啦！希望Winty願意過去，唔係老細話交唔到名，我同Winty就要抽簽了。突然又覺得好似自己好衰，自己唔想走，搞到老細要問winty，是但都要交個名。但係…我真係好唔想返去呀！！我好想留係B組呀！！其實，點解今晚想安安靜靜食餐飯都唔得，又點解我聽到你說的這句，我又會無端端咁不停咁係度大喊呢？！個心突然好實，早幾日仲以為自己開始好，以為真係應該係好，不過又發現唔係喎！點解我生活的地方卻係一個我認為永無寧日的地方呢？！三十多年來都係咁，努力去禱告，改變係有，但唔長久，好快又打回原形。究竟邊日先可以在我想的生活中呢？還是我一直所講係岩，就係最好的世界，是我們進不去的世界。點解無端端又會係到發脾氣呢？原來弱小心靈係無因為我長大而長強，童年陰影係繼續咁影響著我。

my feeling

四日三夜以後係…我比未去旅行前仲更加攰！都唔知點解？！攰死我啦！！當然，公司有更多o既野要繼續做…忙死！！上星期三一返工，就死左，因為阿嫲洗樓，使唔使咁早呀…仲係度睇緊報紙，唉…晨咁早就死左！等佢再巡時，足足等足個幾鐘先再洗到我面前！！又係一堆佢同SA的客套說話，真係好假，點解d高層成日都要咁樣，不過，我好似都係度學緊。好快又聖誕，又話要食聖誕大餐啦…咁快架！係IRD咁耐，從來都唔會出現section的annual dinner，不過今年…我會出席！第一，當然係因為要打好關係，第二，係我身分唔同在，因為我係有份俾錢個果囉！B組今年去JW Marriot呢…好味呀！！今日中午前都好期待2/12，不過午飯以後…好hestitate！因為竟然B同M組都同日同地點食！？！？咁樣，我地又會見到啦！！點解會咁呢？！成千上萬的？？？？又出現左。早幾日rosalind講起eric同fion，佢講得好岩，唔明點解佢地分左手可以做朋友之餘，e先生仲可以出席f小姐的婚禮呢？係囉！？突然好似又明白到點解我地兩個都一樣，仲要點解仲要有一年的約定呢？！約定那天，剛好就係一年前最傷心的一天，一年後，卻好似忘記左一年前的事咁，仲要再相約一年後再review，咁一年後的我們又會係點呢？我究竟係真係用一年去觀察你是否為我改變，還是係因為我這刻仍想有隻旺才係身邊幫我呢？所以對於今天的消息，真係唔知有咩反應好！我好明白rosalind所講同佢想講的，不過朋友我都仲係未太知道要點做好！星期日見到betty，佢講左同uncle brian同一番說話，其實都係同carmen同一番說話，知道、明白朋友的擔心，亦都知道明白就算你對我講所謂的support都只係希望我開心而真係多過在祝福我倆的。禱告學習到的係停一停，我即使唔習慣都在學習放下為你的禱告，努力左一星期了，亦學習唔再為你與我去求要光就光的景象。都無咩特別呀…自己都可以呀…我相信的係天父爸爸仍會保護你呀！我其實真係好希望你會係好呀！始終係佢令我改變左一些睇法，起碼由最初我認為this is a game，到我終於明白咩叫做認真。或許，這都是我的改變好了。表妹終於都畢業了，行禮啦！大家都好安慰、好開心！原來咁快又四年了，佢的畢業都畢竟係佢送給我的一份大禮物了。好快就TVB台慶，即係又係佢生日了，佢終於都大個女了！好呀…時間過得快，但快中係唔開心多過開心，但我同表妹都一同努力完四年了！我相信係大家都終於可以鬆口氣了！7/11就係BB 50th週年聚餐，籌備咁耐都終於日子到了，覺得自己好似都仲有好多不足，希望到時我可以應付得來了！咁大型的晚宴，要小心要努力先得啦！！仲要係努力禱告先 ~~