今日全家人約埋姑姐同心怡一齊去尖沙咀行街街。中午去左堪富利士道一間叫"匠"的日本料理食lunch。嘩！真係超正呀！真係又平又好味呀！最難得係今日係紅日，但仍有午市特價的set lunch。一個超豐富的set都只需大約$40 + 任食salad bar + 飲品 + 甜品/生果，仲要係免加一。真係十個
。
食飽就梗係要行下啦！係尖沙咀無無聊聊咁行，行左去海運。嘩！真係開心啦！因為有個聖誕黑人送左d糖果俾我呀！最開心係好多人都唔派，係專登派俾我呀！證明我個樣仲係好細呀！太好了！就連心怡都無呀！哈！以為電左個頭會大個d，原來都仲係好細路喎！
話是話，個聖誕老人朱古力又真係幾好呀！！內有脆脆米呢！
今日食左咁多，最開心都莫過於係Godiva買左d 85%的朱古力，好好味呀！老豆，你話我今年無買禮物俾你，這份禮物好嗎？
沒有留言:
發佈留言