單純的喜悅

有一個小女孩每天都從家裡走路去上學。一天早上天氣不太好，雲層漸漸變厚，到了下午時風吹得更急，不久開始有閃電、打雷、下大雨。
小女孩的媽媽很擔心，她擔心小女孩會被打雷嚇著，甚至被雷打到。雷雨下得愈來愈大，閃電像一把銳利的劍刺破天空，小女孩的媽媽趕緊開著她的車，沿著上學的路線去找小女孩，看到自己的小女兒一個人走在街上，卻發現每次閃電時，她都停下腳步、抬頭往上看、並露出微笑。看了許久，媽媽終於忍不住叫住她的孩子，問她說：「妳在做什么啊？」她說：「上帝剛才幫我照相，所以我要笑啊！」

新的開始

終於都要坐新位，part住新的partner。但其實這幾天都好唔想返工，星期一都係十分不情願下返工。好彩要重新執拾，所以執好都快要放工了。到左今日…呀！又好唔開心！其實都只係今日叫做正式開工，點知就俾C小姐係咁係到話我。好煩呀！俾佢話完，又俾余主任對住我發脾氣！真係又是情緒低落……開工兩天就咁樣，點樣挨落去呢？！？！

個新位又悶又焗，熱死我啦！開晒d風扇都仲係好焗，但吹得風扇耐又好頭痛。我依家個頭都仲係好痛，個人又想嘔，好辛苦呀！冬天都焗到咁，夏天點算好呢？！

俾人話完已經開始頭痛，跟住又俾人對住我發脾氣，加上又焗又悶，我成個頭真係痛到快要裂開啦！

點好呢？

昨天真係累得要死！一早就返左屋企，仲要係九點未夠就去左"覺覺豬"，嘩！真係小學時候的我才會九點鐘去訓覺。

昨天由朝到晚都係係度pack野，大家都好努力。昨天大家都話係英皇御準唔駛做，不過整日都仍是好多開心同唔開心的事。係大家除了要努力pack自己野，還被下令要幫自己老細packing。好彩余主任話佢自己可以搞點，我同chris不用幫手，太好了！雖然我唔駛幫自己老細，但就要幫好多師奶d電腦拆線同mon好一set。真係拆到頭暈暈，面都青左，大家立刻都好驚呢？！好彩坐一陣就無事啦！係大家努力的時候，chris就突然好唔開心。因為佢都仲未知坐係邊個位？！係我旁邊還是我斜對面呢？佢又好唔開心？！我都真係好怕佢有事呀！佢這陣子除了仲肯同我講野外，其他人都只係做身體語言，一言不發。我真係好擔心佢會有事，會有病呀！chris琴日仲同我話佢好擔心我新的工作安排，但我想同你講︰"我仲擔心你呀！"我地不算得上係好要好的朋友/同事，但正如T.O.單話齌，我地都算係一同係公司經歷苦難的好姐妹吧！

下星期一公司就係一個全新的面貌啦！不知到時會點樣呢！講左好耐、擔心左好耐的日子都真真正正地要去面對？！真係好驚呀！

執到傻…真係累死

今日係公司由朝執到晚……好累呀！真係好累呀！

預備搬位啦！！

大家今日都努力執拾，我都幸好找到一個大紙箱，又幸好我係唯一一個可以有worker幫我搬我的私人物品到新的坐位。太好了！

今日心情都時好時壞，基本上係好，但見到chris就有些心傷。佢到今日為止都唔肯再同余主任或所長講野。佢真係十分唔開心！見到佢都唔知點講好！我都係好擔心新的位置同partner，但整體都算係好過上星期，不過chris就未好過，只係一天心情差過一天。真係好怕佢有事呀！

明天就係同chris最後一天做partner啦！以前我都好怕佢，因為佢為人都破難相處，但這幾年大家互相扶持咁對抗阿太，大家都變成朋友。我都真係不忍心見佢咁樣。

終於都到了搬屋的日子啦！終於都要面對新partner啦！又終於都到了星期四啦！

只係星期三

日日都覺得時間過得好快，但係今個星期又好似好長咁！今日都只係星期三咋！細細個時覺得要過一個星期真係好長好長，人大左就覺得光陰似箭。不過，唔知係唔係因為公司的調動，今個星期又好似返左細路時，時間過得好慢好慢。

其實這幾日我同chris同余主任都係無咩心機做野，可能係大家都病晒，又有可能係re-org的事。我同chris一同part住的日子還有兩天咋！有d唔捨得，雖然佢都係坐我旁邊，但已經唔係我partner啦！原來做野part住一個岩key的人真係好重要o架！真係好擔心下星期的……每個人都仲係好擔心我，大家仲講笑話我地三個人都病晒係因為大家唔開心而屈到病左！不過，我諗唔會係咁掛？

=====================================================

今日做左好多hard cases，真係已經好頭痛。點知個"所長"仲要係度煩我，"喃麼"的聲音加埋我本身個頭已經痛到爆，又肚瀉，這刻我真係想死！？真係唔知"所長"點做assessor，所有事都話唔知點做/點決定好，其實我地仲唔知點算好？！唉！煩完我一輪又係屈我要教新人，真係想死！不如真係調我去另一組好過，這個K組都真係"K怪"過人。唔通我真係"好蝦"d咩？！

======================================================

我寫blog曾經係好多人都覺得好奇怪的事，但係原來依家大家都係靠睇blog而知道大家的近況。原來大家最近都有好多煩惱，係唔係好似d人咁講…"人大左就梗係多野諗啦！"

我都覺得係會多野諗，但同時原來大家都會收埋唔講。不過，好彩有blog，大家唔想講的事都可以透過文字表達出來。

真理必叫你得自由

你們必曉得真理，真理必叫你們得以自由。（約翰福音八章32節）
　
神的真理永遠不會限制你，神的真理總是叫你得自由！你是否沮喪？生命中是否有任何被捆綁之處？是否無法勝過某些過犯？是否被毒癮所奴役？你可能尚未瞭解神某方面的真理，而這真理必叫你得到自由。如果你覺得無力去面對前面的挑戰，要看看腓立比書四章13節的應許：「我靠著那加給我力量的，凡事都能做。」你將可得到激勵。如果你因環境受挫，要持守羅馬書八章28節的真理，就是上帝能使萬事互相效力，叫愛神的人得益處。如果你正被某項罪行所奴役，要將約翰一書一章9節應用在你的生命中。這段經文應許你，我們若認自己的罪，上帝是信實的，是公義的，必要赦免我們的罪，洗淨我們一切的不義。聖靈期待將所有真理實踐在你的生命中。知道真理是一回事，在生命中經歷神的真理又是另一回事。除非接受並相信它，否則神的真理不會產生半點影響力。也許你讀過或聽過神在其他人身上的奇妙作為，但你是否容許神將這些真理實行在你的生命中？你想在你的生命中經歷神的哪一項真理？請祂今天就將這項真理實行在你的生命?。

全部都病晒！！

今日成條team都病晒！我都好唔舒服，但算係全team最好果個，因為得番我仲講到野！全部人都失聲，所以今日答電話都答到傻！！

但唔知係唔係大家都怕這動盪時期放假會連位都無埋，所以大家病成咁都唔放假，當然包括我啦！

終於都re-org

等左好耐的日子都等到，22/1都算係大家等左好耐的日子。大家今日返到公司，更覺得我層樓似一間工廠多過寫字樓。四處都係垃圾同垃圾，有些table同chairs又搬走左，得番d吉位係度。望落去真係好似貨倉咁！！相反，polly的新工作地點就……簡直一流！起碼似番寫字樓！真係無得頂！polly成日話我係佢秘書，點解咁都唔帶埋我走呀？！你的環境真係好正呀！

我層樓真係十分混亂，而且仲要多認一個星期，真係慘！我講我，因為今日公司仲更加塵土飛揚，搞到我都開始有d病的癥狀。我下午開始就好頭痛、又發冷、個臉仲勁紅添！！呀！我唔想又病呀！

第一次

今年有一個新的事奉崗位，就係中堂的司事員。今年都好多第一次喎……上星期日係第一次係兒童崇拜做詩琴，今個主日就係第一次做司事。唔知跟住還有什麼呢？

搬位啦！

今日真係忙到想死！Polly 好努力執拾自己的行裝，佢真係好多野！早幾日前已經叫佢執又唔聽，今日由早執到放工都未執好！仲要一路執一路發現好多urgent未做，pass左過來俾我，搞到我忙到死！

其他人都好努力去執，我就要幫手做 urgent野！因為條腰唔好，所以大家都叫我安坐我個位度。公司今日真係塵土飛揚，個個都做左蒙面超人。而我又邊可以真係安坐坐位，我成日都係度左走右走去趕埋d cases，搞到我成身汗。累死了！公司已經好熱，仲要出埋汗，你話同焗桑拿又有咩分別呢？！

因為請不到咁多worker，所以我的組別要下星期先正式搬新位。但星期六就先搬一些 table同chairs上去新的組別。嘩！好混亂呀！點解開新組別唔係應該買一些新的傢俱？點解要調走的同事連這些傢俱一齊帶埋去呢？27/1就到我層樓move傢俱，一定仲煩！！依家的sitting plan唔係好好咩？仲咩事要move呢？

再過一個星期就要坐一個我唔想坐的位啦！到時會係點呢？？


Polly........... 希望你到新section有新的開始！我深信一定會好過係K組呢！？

多謝你呀…朋友

這兩天的心情時高時低，但都總算俾早幾天好得多。咁都係要多謝我身邊的好朋友，真係好多謝你們！每次我有事的時候，我最想收埋自己的時候，你們都總會及時出現。怪不得阿榮曾經話過我身邊有好多守護天使呢！！縱然仍會聽到好難聽的說話，但係都可以有勇氣咁去面對。

距離re-org的時間只有三天，公司都好似打仗咁亂，每個人都努力執拾。而我……仲未執過，點算好呢？真係好唔想執，因為一執野就會想起新坐位、新partner，救命呀！！

不過，都真係好多謝一路在我身邊的你呀！你們都陪了我很多，又俾了很多意見給我。我講過話人言可畏，但你們每人的一字一語卻叫我好窩心呀！好溫暖呀！

好飽足

雖然近來情緒十分低落，但感恩天父爸爸的愛及話語叫我好飽足。昨日如果不是要查經 pre-study，我想我都無mood返團契，甚至今日的兒童崇拜都想唔返。

琴晚查經pre-study時都叫我有很多得著，明白很多，領受也很多。

但今日卻是十分開心和飽足，我不再覺得渴，因為天父爸爸的愛叫我深深感到多到滿瀉。多謝你！時常都覺得神好愛我，每天都看到和感受到他的愛，但今日卻是多得很！

我深信天父爸爸一定有他的帶領，並且一定是美好的！

單單仰望神

「我們也不知道怎樣行，我們的眼目單仰望你。」（代下20：12）

我們在世上要遇見許多事，要走許多路，我們常隨自己的意思，憑自己的智慧，按自己的願望去作，去行。結果常是錯誤或有不好的後果，更嚴重的影響到別人和自己以後的一切，甚至永遠的前途。所謂「差以毫厘，謬之千里」，「一失足成千古恨」。所以絕不可輕易作事，無論處世為人或作任何決定，都不能憑一時情感衝動，或靠自己的聰明。我們的智力有限，容易想錯，說錯，作錯，何況有許多不知道和不能預測的因素在內呢！

也有許多時候，我們感到事情困難，遭遇奇特，前途黑暗，是自己所不能應付的，像這節經文所說。「我們也不知道怎樣行。」因此就產生疑惑，憂愁，掛慮，懼怕，這怎麼辦的？感謝神，祂是我們的神，祂要作我們引路的直到死時（詩48：14）。所以我們可以仰望神，祂要指引我們當走的路（箴3：6），教導當說的話（太10：19），成全我們所要作的事（詩57：2），使我們一切所需用的都充足（腓4：19）。

因此無論遇見什麼事，都不要著急，不要隨從肉體，要安靜，忍耐，仰望，等候神的引導和指教，隨著神借聖靈和聖經的話來帶領，來開通前面的路。

仍然迷茫

今日都終於係主任個位度流左兩滴眼淚，我真係再受不了身邊C小姐的說話，好難聽的說話。我同chris都再也受不了。所以都叫主任放過我，我真的希望佢為我將所有事/提議還原。你話要我開心，但這刻要我開心就係放我一條生路吧！真正令我同chris開心，就係不要再理會我地曾經講過的要求。我們不可以再一齊做partner是不要緊的，但只希望我們可以將這一年多真正開心的時候extend。這幾年都被阿太玩到我地殘，好難得這一年叫做好似放過我地。我同chris都好辛苦先可以再次係公司笑番，希望你都可以理解我地的心情。我地已經做事好低調，目的都只希望大家不要再將視線放在我們身上。或者係主任的EQ高得很，佢叫我要把這些說話在腦中delete左佢。你講就容易，但我同chris經歷過後……我答你我地做不到呀！因為我們的EQ低得很！！

漸露曙光

今日本來都係好愁咁返工，唔開心程度簡直爆燈。起身後不斷諗…我點解無病呢？點解咁凍都無哮喘發作呢？點解探熱都無發燒呢？因為唔想返工，所以不斷看看自己有無病，點知係找不到。咁就只好返啦……由於係屋企拖拉太耐，所以遲大到。

返到去見到C小姐，我真係……又想喊！見到chris個樣，我仲想喊！但想著今晚會同Nicole食飯就叫做有番些動力去做下野咁。個個見到我都話從未見過我咁愁，木無表情就大家今日贈我的四字詞。

好彩到下午有些轉機，但真係頭上的十萬個問號又再次出現？！
點解C小姐肯放手？點解佢肯放棄跟余主任？點解"所長"會肯聽我講轉我個partner？點解？？

雖然未落實要等大老細同意，但起碼有點曙光啦！多謝各位！你地的意見/支持/禱告…真係幫我好多，幫我渡過了這兩天半的時間。早幾日仲話光陰似箭，但我依家要話時間係好好好難過同漫長呀！希望這次不會落空啦！

=======================================================

今晚同Nicole食飯好開心！因為又係講是非的時間，原來大家的公司都有類似的同事在當中。所以講起來就好有同感。多謝你餐飯同你的手信呀！我今晚真係好開心！每次我好唔開心，唔開心到唔想找人時，你都總會及時跟我通電。你真係好好呀！謝謝你！

仲係好唔開心

如題…

黑暗的一天

昨日返左中堂崇拜，係立約主日，週刊中夾附了一張立約禱文。昨日我看的時候都無咩感覺，今日返到屋企再看……我有好多個問號！？

立約禱文
我不再屬於自己，我是你的。
領我去你要我去的地方，按你的心意安排我。
使用我，磨煉我。
使我為你工作，為你置閒，
讓我因你升高，因你降卑。
充滿我，倒空我。
使我擁用一切，令我一無所有。
我全心全意獻上一切供你使用，只求你的喜悅。
尊榮萬福的上帝，聖父，聖子及聖靈，
你是我的上帝，我屬於你。
願地上所立的約，在天上成就。阿們。


今日終於公佈re-org後的安排，我真係要跟C小姐做partner呀！心情真係晴天霹靂、烏雲蓋頂。我好想喊呀！真的，連chris都想喊。我兩個今日心情好似坐過山車咁，從最高跌到最低。當然，C小姐開心到由心笑出來，因為佢終於可以同余主任日對夜對。不是單單我講，大家都係咁樣看出。我真係好想好想喊，今日的心情真係低到無可再低。雖然這個方案講左好耐，但我真係仲好希望有奇蹟發生，我仲係夢想……但原來再次落空。

這陣子好似好耐都無訓過又無真係好開心過。2007先過左8日，幾時先完呢？2006年年尾時好想快d到2007，但原來2007還是咁樣。死啦！遲d仲要坐埋一齊，日日對住佢！今日仲有好多人來問候我，大家第一句對我講的係︰”節哀順變！”呀…呀…點算呢？！這兩年我好辛苦先係公司可以企番起身，我好怕再次跌低。我唔想再次情緒被人再搞亂，因為以前的日子真係好難捱。

就連今晚學琴都彈到…不知所謂，又俾阿sir…嗚！

返到屋企再次看到上面的立約禱文，我不咁有好多問題。

按神的心意安排我，使用我，磨練我︰我諗我真係願意按神的心意而安排，但我不想再這樣被磨煉。人言可畏，我唔想再次經歷之前的痛苦。坐埋一齊，無野講都唔緊要，最怕係always被人雞蛋裡挑骨頭。

今年的立約，我話我要持守，但係一天之後，我卻好想反口。一年都只過了八天，幾時先可以捱過呢？神的心意要如何呢？我真係又好唔開心又好無奈。

新一年

話咁快就到2007年啦！這三天假期都一樣話咁快就完左。

時間真係過得好快，1/1/2006係Hullian結婚的日子，這日我仲係詩琴呀！呀…好似發生係無幾耐之前咁，原來咁快就一年了。一年365天原來過得咁快，真係光陰似箭。怪不得d人成日話要珍惜你過的每一天呀！

今日雖然係2007年的第一個工作天，但係都係係度發呆左一日。唔係我過往的假期後遺症，而係我只係帶左個驅體返工，個靈魂留左係屋企張床度呢！？加上，公司今日真係”靜英英”，真係 。

新的一年，唔知點解都好想立定心志要改變一下，唔止我，好多人都俾我覺得佢地係新的一年唔同左︰
我呢？我真係要開開心心生活，要長大啦！今日落街返工時，唔知點解突然覺得真係要堅強d，唔好再俾人欺負啦！(其實我都講左幾年，但唔知邊年真係做到呢？)廣告都有講啦…要裝備自己，唔係re-org後我一定係係公司第一個死左！(點解？你睇落去就知)

主任？佢都好似大個仔左，今日我做錯左隻case要佢去解話，佢不但無話我、無黑面，仲笑笑口咁對住我話好添！真係好…原來少爺都長大啦！

甘美？今日都真係覺得佢經一事長一智，真係”燈”一聲，好呀！

阿煒/阿芝？這兩姐妹係我一同成長的好朋友，今日佢地一個同我講要同老公離婚，一個又同我講佢老公昨晚過身了。聽到之後都好心酸，但佢地跟我的對話又叫我，唔知點講好，但都覺得佢地好堅強呀！加油呀！真係要珍惜。

C小姐？曾經係我公司中好同事/好朋友，但突然間唔知點解會變成敵人咁。聖經都話要愛你的敵人，但到要做時真係好難。最慘係我真係想極都想不明我做錯過咩事，只係佢的妒忌心……講返今日，佢真係扮晒大家姐咁，係度教訓SC做野，又教白頭叔叔(係佢老細)做野，呀…好驚呀…嗚…嗚…re-org後仲要part住佢，點算好呢？看見佢今日的態度，我不禁想起上星期傻媽媽同我講的一番說話。Help me ar……

不過，有一個人無改變，就係”所長”。佢今日都仲係係度”喃麼”咁o既聲，耳仔都真係好痕呀！