又係星期一

連埋星期五的病假，我都一共叫做放左三天。真係感恩，我今日都無假期後遺症呢！多謝天父爸爸啦！

點解咁好無後遺症？！我諗係因為一早返到公司，個癲婆又係度發癲！咁精彩的生活又點會…嘻嘻！其實re-org左都三個多星期，但真係每一天都總要有一事發生，仲要係無人理佢都要繼續係度癲同傻，要唔要帶佢去精神科check下呢？

如果我每天的經歷係神給我的磨練，咁我這三個多星期就大大學懂了忍耐和沉默，仲有仲有…我的EQ高左少少。之前，我的EQ應該負數，但三星期的學習後，我給自己的分數係……零至十吧！哈哈！

今日係公司個個師奶媽媽除左係度慰問我的病情外，仲同我講左句︰"唔怕唔怕，下星期又係新的一年，以你的生肖來說，明年一定好掂呀！你唔駛怕，即使個傻日日係度發癲，但下星期一定又會唔同啦！"　嘩！係唔係呀……我明年掂唔掂我唔知，但真係都希望個傻……

不過，話時話，月初時話2007日子好似過得好慢，但今日望望日曆，原來又係2月12日了。