悶

好耐都無寫blog，好多人都問我係唔係又唔開心呢？噢！我諗我係好悶好悶咋……返工好悶，放工後都係好悶！好悶好悶呀！

公司好悶，係因為水尾，無咩野做，日日都係度……坐。咁o既日子，以前會好開心，因為係可以溫習的時候。但係，依家又無讀書、又無試要考，所以……都唔知做咩好？！

其實，我都有唔開心！公司傳我的事都越傳越多，咁係我最唔鐘意的事。佢地越傳，我就更加唔想到人講野，費時講多錯多。

已經好多人日日都走o黎問我係唔係真，就連陳強都話不如就將佢變成真啦！！呀……咁都得？？

============================================

早幾日同老鄭傾左好多自己的事，我知道自己背了好多包袱。但係我真係想左好耐好多，我發現我真係好難將佢地放下。老鄭同我傾的，其實都係大家一路都同我講過的事。我知道大家對我的關心，我明白大家都好擔心我。我都真係不得不承認我真係好辛苦，但係……