開工大吉

嘻嘻…今日終於都返工了！每年農曆新年都會放好多好多，今年又放完啦！

今年公司無咩利是逗，好多師奶媽媽屋企都白事過左無耐，所以今年都唔派得利是！呀…蝕左幾封呀！

不過，今年意外的係陳強老豆俾左封開工利是我呀…嘻！好開心！調走左，去左另一層樓，都仲俾利是我，太好了！仲要係愛護動物協會利是封，有兩隻狗狗，雖然係我最憎的西施，不過穿起d中式打扮又幾可愛呀！

仲有一個意外，就係"所長"送左盒米奇老鼠曲奇餅餅俾我！雖然佢無俾開工利是，不過有盒餅餅都好過無！因為全條team得我有咋……話雖如此，我的曲奇餅數目有增無減，過年前收到的都未食完，依家又有一盒啦！真係食極都有！