@_@

天氣好影響心情，今日好天時我好高興！天黑時又有些心up…唉！

同學仔話我知…個lower b繼續不停講佢好慘…慘到仲要話佢被人飛係因為有第三者介入！同學仔問我咁係唔係叫做擘大眼講大話！？哈哈…咁就更係啦！我都唔知究竟邊個先係第三者？唔通真係佢咁講…我先係麼？一堆八婆又圍埋教佢要點做…唉…好煩！女人都係好煩…唔掛得我daddy都成日話無聊的女人圍埋一堆就會有是非！肯定都係咁！

大家知道我星期六同日都發左好多個惡夢同喊左好耐之後，今日大家都不約而同約我食飯去街街！估唔到我都會咁受歡迎…不過最後都同左同學仔去街街！成晚流連係朗豪坊，以前好唔鐘意行o黎度，但估唔到今晚我地兩人可以流連成晚…仲要係間餐廳關門我地先走…

你地都成日叫我要預備佢兩個的回來，不過我要預備什麼呢？我唔會預備，因為我覺得無需要啦…冷靜左成個星期有多…肯定係我唔會俾機會佢地再傷多我一次，因為好似廣告咁講，不可一也不可再！

明天要去睇牙…唔知係唔係真係要剝呢？有d驚…會唔會跟住幾日都食唔到野…會唔會發燒架！最好都希望可以安排入院剝啦…因為除左可以claim保險，仲可以選擇全身麻醉，咁我就無咁驚啦！嘻…