40 days over

成日睇聖經都有好多40的日子，有40日、40年，成日都覺得好鬼長…就係好漫長，不過…原來我係B3的日子都已經不經不覺40天了，今日都係最後一天，咁快原來我就升左40天了！又係果句，回頭望，日子原來係咁快過，可以真係講句…不經不覺！

心情，當然係散漫…因為無心機工作。只係努力咁清埋d野俾個AO，之後就好努力咁去handover，我要hand俾下手，又要去hand我的上手，真係混亂又複雜，咁又唔見左大半日時間。

我2/7要接的位，唉…有成六大箱留俾我，痴鬼線，有無搞錯呀？個個都話佢根本成日都唔做野，所以一定有好多存貨…呀！

到放工…又再pack野，真係好煩，希望今次去到B6真係可以settle down，因為我唔想再搬野呀！

====================================================

今日仍然好想知道，我真係因為禱告，還是真係另有意思呢？點解今日咁到會見到？nicole話係因為我想佢好，所以可以一直咁堅持去禱告，都岩o既…不過，點解到今天會係我好想調頭走左去，我一路都好努力咁希望大家唔會再調頭走，人真係好矛盾…究竟我想點呢？！

629

尾二係B3的一天，仲有一天…我係objection的日子就完結，山水有相蓬，有人話我一定好快又會返去B3…唔好卦，個人而言…超唔想！

今日係公司好hea，好多人放假，包括坐房果個。所以，今日過得好relax，上午又去左聽briefing，都唔明佢講咩？！講到一舊舊咁…個個都話唔明，好彩，唔係又以為係我個人的問題。

================================================

究竟我今日係禱告蒙應允，還是神在向外說明一些話呢？！其實，這幾天都唔多明我的遭遇，我只知道我要感恩，我真係因為咁去感恩會唔會有錯呢？我會唔會又get錯左神的意思呢？一直堅持去禱告，其實有無錯呢？有人同我講，你一定總會有一天放棄再去咁樣禱告，不過，我真係可以堅持到今天。我知道我只有這事可以堅持到咁樣，自己都覺得好出奇。每一朝、每一晚，我向神說話所提及的都係這事，好堅持咁…原來我真係可以堅持到這樣！好奇怪，每當我想…神就會讓我得到，又每當我問…神又會得到答案，到今日、到這刻，我都仲係好confuse…仲係好似以前咁，想見想找的又唔會得到，不過…要離開的又會一直係度。

Farewell Lunch

7月2日我就可以調番去assessing，40天係B3的日子就快要完了！嘻…估唔到係40天的相處，我的同事都同我去食farewell lunch，好開心！去左維景食buffet lunch，好耐無去，都仲幾好同幾抵食！最意外係…大老細都有去…但我最唔自左係出去時佢要我同佢一齊行，真係周身唔自在！無計啦…真係要學下去social下…唔係弟時日日對住我十號風球就死了！！

最開心係當我敬酒多謝時，ida竟然話唔捨得我…哈哈！聽到真係好開心…佢都十分好人，不時都幫我，而且又唔怕我煩咁幫我…嘻！

唔知點解，30多天的相處令我對B組的人有180度的改變，最起碼係d人唔會講是非，或者係咁講…呢度d人成熟多d！

仲有兩個working days，我要努力呀！

一篇文章

人生當中，真的有很多分歧點，需要自己去抉擇，一旦做了決定，就永遠也無法知道當初沒有放棄的那路接下來會是怎樣的呢？

以前的我們總是會猶豫、遺憾，於是，越來越多的不完美，越來越多的情緒壓抑，越來越不開心。

其實…很多事情，錯過了就沒有了，錯過了就是會變的。

既然自己無法去阻止這一切的變化，那又何必執著於其中呢？

一直相信，上天會安排這樣的選擇，就有祂自己的一套道理，所以每個人走的每一步路，都有它的意義存在，只是時候未到，自己無法體驗出箇中道埋罷了。

以前總會抱怨自己的運氣為何不能順遂一點，必須一直虛擲光陰呢？

有人很平順，有人很坎坷，有人庸庸碌碌，有人處心積慮，每個人都有他自己的一條路，只是看自己要怎麼去走它罷了。

對於感情，更是如此，不僅是因為彼此的相識是命中注定，更重要的是，情感的維繫是必須靠兩個人共同去努力，而不是像追求名利祿一樣，自己埋頭苦幹就可以得到的。

所以，還是那句老掉牙的話，盡人事，聽天命，好好珍惜所走的每一步，好好珍惜所遇到的每一個人，好好珍惜所擁有的一切，不曾擁有的東西，就不匚把它掛在心上，而曾經擁有卻失去的東西，就讓它隨風飄散，該你的逃不掉，不該你的，強留也沒有用。

One Month

我講話好辛苦好辛苦，但原來就過左一個月啦！上星期五(19/6)時就岩岩一個月啦…日子回頭望就永遠係過得咁快。再捱多七個working days就可以入番去assessing了…都唔知咁樣真係對我係好還是唔好？！其實個人都做到唔知自已做緊咩，每天抬頭係已經中午，到再抬頭時卻係放工了，日日都係咁…其實我已變成機械人，都唔知為左咩？！

或者返工真係為左出糧那天，不過我真係anytime都係俾人蝦，我竟然到今個月都仲未出到新糧！有無搞錯呀？！點解庫房做野咁慢架？！

走左成個月，以為自已真係可以新的開始，起碼真正唔需要再見到那個她…對，其實她仍舊影響到我。離開K組真係令我日子好過些，不過…反之我撞番佢的時間更多！究竟點解要咁樣呢？半年來，係佢見到我要掉頭走，不過，這幾個星期就係我見到佢好似撞鬼咁…雞咁腳走！好驚…

佢的朋友問左我一個好有趣的問題，佢問點解個餐飯無請佢？不過…我唔識答，我唔知點解佢會問一個咁o既問題，係唔係因為真係我有今日真係因為佢，所以佢會咁樣問？！我可算係一個大方的人，不過又唔覺得自己可以大方到咁！出奇地係佢的朋友竟然buy我，好奇怪！但為左一餐飯，佢都唔知問左一個朋友，已經有好幾個人走來問，其實，背後又係為咩？唔明！？

突然間記起我的每個第四天，每天要感恩，有呀…我有做到！不過，這事我仍要感恩嗎？要點樣感恩呢？不曉得…唉…落雨天個人又唔多妥…死得…

黑到爆，但又好感恩

基本上依家係三村都無一天舒服過，日日都好忙，忙到係…連朋友打電話來都無心聽佢講野！有一日仲要俾人話我︰"你究竟有無聽我講野？！" Sorry，我真係無聽到，因為我知道我只要浪費了一分鐘的時間，我就會遲一分鐘放工！每天都好唔夠用，你仲要打電話來浪費我的時間，特別係死人winnie，或許係全世界都無講錯，佢打親電話來都問我點解會咁忙，或許好似其他同事咁講，只係佢果層樓太得閒…而且係超級無聊位…其他人講無錯，最唔掂的人都會去這層樓的！！絕對同意，因為佢地真係返工係做咩或者係為咩都唔知！！

或者係太過攰，星期五一早落樓就pk左，仲要係成對腳都拗左，但右腳傷好多，基本上係成隻腳掌同小腿都拗左…超痛！但神奇係我仲可以繼續返工，但到下午就越來越痛，直頭痛到要死！腫晒啦！唔好以為黑色星期五就係咁，黑開真係有條路…到成六點幾時又無端端發現左腳隻鞋踭斷左…好彩公司有對鞋…唔係都唔知點返屋企？！阿媽話黑仔一不離二、二不離三…這句話係無錯o既！星期五晚阿媽話落街食，諗住食番餐好…但…第三件事又發生左…個waiter無啦啦係我個位旁邊掉左杯水，我成個左邊身濕晒…唉…真係黑到爆！這刻我都發左癲，我係間舖頭度不停係度話個waiter同老細…最後係angry得滯，無食到就走左返屋企！！唉…你話有無人會好似我咁黑呀！！超慘！這幾個月已經開支好大，點知又要俾錢睇跌打，每次盛惠$180…好貴呀…直頭有見血的感覺。我的荷包肝硬化又出現了！這個病都應該無得醫！

但感恩的是我今日，即係星期一就收到一個好消息了！我由7月2日開始可以調番入去assessing team，做番我最在行的…正！咁都證明大老細係20/5時講的說話兌現了…yeah！！仲有三個多星期係3村，我要努力呀！