堅持、忍耐

堅持、忍耐…每天都會係我個腦海中出現，但真係唔知道點樣再堅持下去，真係好多好多野做。我發現我忙到已經無晒我所有私人時間。好tired呀！雖然老細話知道我的backlog，但…唔通真係俾晒佢做咩？？老細的體諒都叫做有d安慰，但始終最後都係要我做埋佢。唉…佢有幫，但幫得幾多呀？！

曾經有人每日都係身邊提我要忍耐同堅持，話我將來一定有回報，就係因為信你，所以努力咁堅持同忍耐下去。但到左今日，我唔明白點解仲要繼續咁堅持同忍耐下去呢？未升就話等升要堅持，但升左又係咁堅持，我真係唔明白呀！！越做越想死…唉！點解週街都有線人，個個都同你講同一番說話，今日連兩個阿assr都係話你highly recommend我，但請問recommend我咩呢？recommend我之前，可唔可以問下我的意見呢？一句highly recommend，無啦啦又會多左樣extra duty，大家究竟知唔知我有好多野做，再加多樣…其實我可唔可以應付架？！大家記唔記得我依家都係新人一名呀？！老細問我時話如果我知道後有hard feeling就當佢無講過，講真，我係聽完後無feeling多d，成日都係咁，成日都係無啦啦會多左d extra duty！！就算我真係有好hard o既 hard feeling，唔通我真係同你咁講咩？？阿assr今日仲話我好搶手，原本objection team唔放我走，我有無可能咁受歡迎呀！？好奇怪！！

入番去assessing team又快將一個月了，但每天都係做…不停咁做…我又開始作病了，個人每日唔係o黎到唔舒服，就係果度唔舒服！好想訓覺，但又係每晚都訓得麻麻地！

每天都要努力，每時每刻都為我遇到的事去感恩，就算係上面講的extra duty，我都一樣有去感恩。但…可唔可以俾我遇到更多開心事呢？？