Busy Week

今個星期都唔知點解，超級忙碌加超級唔夠訓，但我卻精力充沛咁，晚晚都可以去到盡！當然，唔可以話我係到逃避呀！我無，應該係無掛？！唔知呀…好兩睇！

不過，今個星期又飲番，嗯…唔係咁好，辛苦戒左酒，唔可以咁樣呀…唔係自己又辛苦過了。今個星期都飲左好多好多，好耐都無試過了，正！！嗯…真係好呀！真係充實的一個星期。

星期二(26/8)終於都可以約埋jaclyn、trazy同ming去睇沖天救兵，Good！好睇呀…3D真係好好好正呀！好開心，感覺比起係disney睇正得更多，或者近來唔係好開心，所以睇下卡通片都真係會開心d，雖然套戲有好多令人思想的地方，但都有好多好笑的位。如果人都可以時刻好似卡通入面的人咁樣抱住開心…無憂慮的思想去生活，我覺得真係好好！好似米奇咁時想都可以咁開心，係人生中最快樂的事！

星期三呢…嘻…終於都約到mig同R sun食飯了，不過…我覺得全晚好似最正常的人卻係mig，一個好似從無正常過的人，係今晚…竟然係最開心同正常。不過，幾咁開心或唔開心都好，我地三個圍埋食飯，我就覺得我已經好幸福了。真架…唔記得點解，我地三個人竟會走埋一齊，三個人都擁有絻對唔同的性格，但我地又可以做到朋友咁多年，真係諗極都唔明囉！大家都有大家唔同的煩惱，不過…咩叫做盡在不言中，我諗我地三個就係咁樣。好奇妙呀…神有佢的安排！我無講我唔開心的事，不過，我相信佢地知道，雖然無講無問，不過我知大家都係心照o既！我相信縱使我的選擇係咩都好，佢兩個都會俾足support我。

星期四，就約左nicole食飯，又係好開心，因為咩都可以講。今晚真係好感動，因為佢係第二個人同我講不論我的選擇如何，佢都會支持我。好感恩，因為今次的事，無點樣同人講，但好多好朋友都估到咩事，但全部人都係俾同一個答案我，唯獨係trazy ma同nicole，無諗過佢地無反對，仲要跟我講會fully support我。今晚返到屋企收到nicole給我的說話，好傻…我竟然真係喊左出來。因為我諗我最好的朋友同我講的說話，永遠都係最warm，佢令我記起我不是孤單，雖然我知如果最後我的選擇係返轉頭，佢地會好失望，但都會繼續支持我吧！

人呢…最清醒時做的決定一定就係他日最失望的決定，nicole問我一個好好的問題，對，問得好，不過我都真係仲未分得清楚我要再選擇的原因，其實issac所講又係唔係真呢？為啖氣？唔知呀…好似從未好好咁同細佬講過野，不過今次就問左我一條咁o既問題！我都唔知話你了解我還是其實你從來都唔認識我呢？？！！哈…

今日返BB同團契，唔知點解，對我又係一個考驗。點解天父爸爸無啦啦俾咁多野考我呢？？！！我向神求光就有光，我地一齊向神求隊員…真係就有兩個新的初級組隊員。不過…超級十分頂佢唔順的兩位小妹妹！嗯…我會形容佢地好似馮子深…死啦…一個都夠死，依家仲要有兩個！所以…我認識佢地都唔夠十五分鐘，我就已經罰佢地啦！噢…長此下去，我應該死得了！渣巴話我地向神求人，所以求人得人，都岩…不過兩件打孖上，會死架！！呂sir已經話佢會過去中級組，哈…咁初級組未得番我一個導師？！唉…我會神經衰弱呀！今日團契係查經，嗯…得四個人，ophe、jaclyn、牛公同埋我。人少少都好呀…特別唔想講野的時候。今日又畫人生的curve，大家都好似好滿意自己從細到現在的生活，不過，我條curve就係downward sloping。其實，我的分享係我覺得出來做野以後，就開始唔係好開心，或者係因為人與人之間的事太複雜了。都係讀書時開心好多。唔知點解，見到牛公就會不奇然又記起俾人話我潑婦。我都好想原諒佢，但真係好似好難咁！我都知道真係心情唔好有影響，但係我都對好多人都好失望。betty問過我點解係我與余生有困難時都會另外有些人做些一樣令我好失望的事，嗯…唔知點解，曾經以為自己明白同知道，不過，到今次的事，我已經唔敢再咁樣去講了。哎呀，betty問得好岩，潑婦同八婆，點解今次給我咁大的衝擊呢？！

My feeling

活在人前一個樣，活在心裡卻又另一個樣，這就是我這個星期的感受。當然，感受係唔好受，唔想身邊的人擔心，所以就只好選擇唔講。又或者咁講，明知講左會俾人話，不如選擇唔講。究竟對與錯係點樣決定呢？又話我可以求神給我引證，但點解要光就有光，仲係會繼續咁出現！？咁其實我問神給我去引證又係唔係唔岩呢？我真係唔知道？！我只係知道我突然間好小信同好迷信，我好希望家姐同steven所講的係真，如果真係有注定，咁究竟注定的結局又係唔係咁樣呢？？兜轉以後，又係唔係再咁…

越唔想諗，但偏偏係唔得，意志力已經叫我自己唔可以停止去諗我係唔係真係放手。記得的只係我向神講過要放手要離開，不過好快又想反口。點解會咁？真係好想知係唔係我先係最自私果個，自私地唔想放開。tracy上星期所問的究竟又係點呢？佢話佢希望佢放完產假後聽到佢想知道的好消息，不過，邊個答案先係一個好消息呢？真係唔知道？？

係唔係我好耐都無發過咁大脾氣呢？大家都不停叫我原諒這幾天被我丙過的人，唉…都唔知點解，這陣子不約而同都俾人話我，都唔知點解我都真係好似從耐都未試過會嬲一個人咁耐，仲要係同時間嬲左幾個人！sorry，我真係無心情去諗點解，不過我都好難過係同時間都俾人話我潑婦同八婆？！十萬個為什麼？話我潑婦…諗極都唔明，我一句說話都無講過，已經同人講左我心情唔好，但卻俾人回左我一句潑婦！另一個，仲更加無厘頭，我從頭到尾都無講野，又無笑，只係身邊個人不停講同笑，但又俾人指住話我八婆！OMG，真係想問句what's going on ？？係我心情差還是大家都真係覺得這只係笑話？sorry，我唔覺得！修養對我好重要，因為從小屋企就係咁教我，而我都知道好重要，因為咩人的修養就會影響佢將來的生活，想要高尚d，就要努力做好自己多d，所以我都一直好努力做好自己，叫自己說話和行為都要做好d，保持好的修養，不過，你同你無啦啦的一句說話…加上心情超級欠佳，我真係覺得自己好似崩潰左咁！點解我一直都好努力做好我自己，但你同你會向我講句咁o既說話？我唔相信係你衝口而出，因為你由細到大都唔會咁樣，想清楚才說話係你由細到大的思想同行為，因為你話過禍從口出同慎言係你每次說話時的提醒！

Black Day of my hearts

一覺醒來，知道要繼續生活，不過我好似仲係唔知發生緊咩事同我要點樣！？今日只係好努力咁去禱告，我知道最後決定的一定不由我，一定係我的天父爸爸！我真係唔知你的心意，今日繼續遇到創世記話…要光就有光！究竟係點呢？今日一起身就同自己講，今日應該係happy friday，所以一定唔可以再發脾氣同丙人，不過，每同人一笑，其實我心就好痛…越按住自己我越心裡好辛苦。本應好happy的一天我卻過得好辛苦，特別今日係公司真係可謂超多應酬，心情已經唔好，又唔鐘意同人social，但偏偏又要傍住老細…好假！

今日好似化悲憤為力量，一日就清左一個大箱，唔知仲咩？？果一個大箱，都幾難搞，但唔知痴左邊條線，一日就KO左佢。

中午老細請食飯，去左六國，其實好好食，不過無咩胃口…浪費左添！！超級唔鐘意擦鞋，不過今日卻同老細坐對面，點解我會咁架？！匪夷所思？！不過，開心卻係見到euguen，雖然只係遙遠揮手say hello，不過都已經好ok啦！

今早起床時話唔丙人，不過今日都丙左幾個人，都係好sorry！其實…或者…如果…可以再回到過去，如果我從來都無遇到你，今日我應該會過得好開心！我明白有些事係經歷，但如果不停咁困住我，我唔覺得這再會是我的成長經歷。放手好容易，再捉住都好容易…但當再捉住後再放手就真係好難了！有時候真係都唔明白係好似我成日話你咁…自私？還是最自私的人是我呢？！

今日繼續每事感恩，但真係要光就有光果一刻…呆左！？我都唔知要感恩還是我要問天父爸爸點解？！我真係好想知天父爸爸究竟諗緊咩？要安靜，你已讓我好安靜了，每次安靜後都竟然得到同一答案，究竟又係點呢？！我真係好唔明。

好多事都可以安靜了，不過俾人琴日話我潑婦！我真係冷靜唔到，好想打人一身？？我唔明點解我竟然會俾人話我係潑婦，我好覺得侮辱！

Bad Mood

由琴晚開始，我又再跌入左一個…谷底。係唔係又係因為病呢？一作病，又再成日胡思亂想！究竟又係我多想，還是……如果tracy唔再問，或者這事真係可以唔會係咁，不過tracy一句、stephen又一句…我，都真係好想知道，我知道有些遊戲唔可以再來一次，因為有些人永遠對我好好，但都同樣永遠在傷害緊我！一段msg加一首飲歌，結果係我心裡好想回頭，不過，結局已經知道，就係我又再傷害一次！可幸的是，我琴晚病得要死，食左葯好早就訓左，即使難過…但好彩係無喊過！！

其實，今日心情真係超級咁差…今日起碼超過五個人被我丙鑊金！噢…真係好sorry！今日已經好好咁叫自己唔好對人發脾氣，但sorry…忍唔到！出面越大雨，我就越想發脾氣！

要好好禱告，要好好返去天父爸爸到。

其實，我知道我與你都不只一次互相在傷害，每次都知道…我其實係行在鋼線上，不過，唔知點解我好似好難離開你。究竟最後要點樣我地先會停，da da講得好岩，一直在warn我，因為佢知道我一定會回頭，因為佢都話我由細到大都係咁！

每次病都知道天父爸爸在warn我，因為每次病都係神要我停一停諗一諗的時候，好攰呀！

Exhausted

下半年的開始，因為八月又到了！！咁快架…唔係好想！！今個月底係dealine了，六個大箱清左四箱，我都覺得自己好叻架啦，不過…對上個d永遠都唔係咁諗！仲有三個星期，諗起又唔係好開心，好努力咁去清，好彩有幾個intern，唔係我一早就死左！！intern做多兩個多星期就走了，到時又得番我自己一個努力！死…好攰呀！真係做到雙眼通紅，好辛苦！！

最近感覺…好exhausted！工作係、生活係…好似連教會生活都係咁！BB，唔單只人數越來越少，連導師都好似……至於生活，唔知想點，迷茫又開始出現！天使與魔鬼又好似係我左邊同右邊出現，我會唔會精神分裂呢？！我成日都叫自己唔好諗咁多，但總有時候唔work，明知回頭條路更難行，不過當我好攰的時候，我真係想回頭！

From and To....YoU