10092009

點解無端端又會打風架…唔制呀！放假又落雨，咁衰架！不過今個weekend又想返工，都無所謂…但感覺都唔係幾好！當然太大雨都係留在家中開心d，始終今時今日我開OT係無錢呀o麻！！嘻嘻…

琴晚好開心，BB五十週年聚餐開會，之後去左打邊爐…超正！！不過又食得多又飲得多…搞到個胃成晚都痛，好辛苦呀！！

其實，點解會咁架？！我覺得近來我好乖呀…我相信天父爸爸都會係咁覺得。禱告中又再次聽到聲音呼召，以前會覺得超正，不過近來聽到又覺得有d驚…驚係因為怕自己做得不足。好，努力努力先！！

好耐都無去諗下將來，其實將來會點樣呢？！嗯……由決定開始，一切都要從頭諗過。呀…你估下今次我又可以堅持幾耐呢？da da話我應該仲有一次，死囉…唔係呀o麻！？可能有其他野sidetrack左我，所以個人都定番好多，好彩係咁！唔係我就好危啦…嘻！

今日好想講一句︰"我reli好開心！" 唔知點解？！只係感覺係咁！好開心，明天rosalind同amanda同我去食餐好，雖然今年只可陪我食lunch，不過都係好開心！！唔知帶我去邊樹呢？

今日好混亂，思緒好混亂、感受又d亂、工作直頭好迷、個人就更加其實唔知做咩？哈哈…不過混亂得來係開心，係真係reli好開心，你話你有無試過會混亂得o黎係開心？！我都覺得好奇怪，所以都唔知自己今日想記低d咩事！？嗯…應該係痴左…哈哈！

well，究竟係點呢？花開花落，嗯…我公司的花就係咁！！將凋零的剪去無耐，估唔到咁快又開啦…好呀好呀！！哈哈…會唔會好似我assr咁講，向南風水好…所以大家都有運行…哈哈哈！！

早前無聊唔知羞一問，益力多供應商又出現左啦！！哈哈…好開心！總之早d問，咁可以飲多d啦…哈哈哈！！

後面仲有果兩大箱存貨都仲未再有時間決戰呀！死囉…今日又被人催啦！！嗯，今個星期唔返工都唔得啦！！慘慘慘！！

今個月好勁呀…我到今日為止，用左好少錢o乍！好叻呀！儲錢又多左，我個dream可以快d實現了！！