Merry Saturday Night

已經完全放棄再溫，時間差不多，都係時候要停止了。又打風了，十年前又係咁，貴人招風雨，應該係咁講啦！咁快又十年了，十年前正日直頭係十號風球，希望今年個風快d走啦！其實十年內都好多時係這幾日附近打風，嗯…好衰架！！

今年係第二年係香港過，感覺係…好唔想！舊年唔去旅行都無咩特別，不過適逢今年發生左太多事，真係好想離開去走個轉。最起碼唔使為左食番餐飯都搞出咁多事出來。今年都食得太多，或許天父爸爸叫我又再學習安靜。唔再出聲同唔好食咁多會係幾好。由升職開始，我都肥左好多啦！！減肥減肥…

琴日返完團契食完飯，好開心咁落左去金鐘，同一個好朋友、一個跟我同年同月同日、仲要一齊叫做Mandy的好朋友一同慶生日，加埋同一班小學同學過左一個超級咁high的晚上，飲飲…飲到天光。好high呀！大家都好高興，不過飲得太多，無停過咁飲到成五點幾…死囉！！個頭好痛呀…仲有係訓唔到囉…仲有就當然係要不停咁去廁所囉！！原本仲諗住返工開OT，哈…點返呀？！成個人wing到不得了啦！好彩都取消左去唱K，唔係都係係度訓訓訓…對於取消唱K，我覺得都好對唔住Jaclyn，佢叫一齊去玩一個半日，不過另一個你多左口囉！唔知點解，我覺得唱K事件好似有d俾人出賣的感覺。雖然我知道你係唔知，但你的多口我係好介意囉！

遠離煩囂，靜靜地過一個寧靜的一天，我相信都係幾好！如果無考試，我一定會話知你決定請多幾日假去旅行，因為真係覺得好煩呀！！加上好疲累了，去义下電都幾好呀！五月初放完假後都再未放過假，好累了！！