Happy Friday ^.^

繼續一個忙碌的日子，但個心就一早飛走左嚕…哈哈！好掛住明天同後天的行程，應該係好開心呀…嘻嘻！好想去玩呀！

接住的日子，都係好忙…好忙咁去玩！跟住d星期六日都好似已經約晒了…咁咪無得休息囉？慘…最快available的星期六都應該係十一月尾啦！

winnie返埋下星期就走了，雖然唔係認識好耐，但點都叫聲係同學仔呀…嘻！希望佢跟住工作順順利利呀！早前以為佢地都有offer，點知轉頭就收左waiting list letter，有無搞錯呀？無理由呀…無offer，police唔會俾簽良民證喎？費解！唔制呀…佢地陪唔到我一齊上堂啦！但在這事上，我又看見的是我好好彩呀…今期都係一樣，寧願請街外人都無一個自己人得，就算係已經contract的都無人有正式的offer！咁奇怪架？！嗯…再上training時咪無一個我認識囉！唉…又要再識人啦！！下星期就fairwell佢了…好快呢？！

judy返左工幾日，我前面終於有番個人，不過有時抬頭時又唔係好慣咁！哈…不過，見到佢坐係我前面，就好自然會諗番以前讀書時佢都一樣係我前面。但依家的感覺怪怪咁…好得意！這幾日都不停係咁講番當年，但這個當年都原來係十幾年前啦…哈，日子咁快！但結論係…一致認為我個樣係同讀書時一模一樣呀！係唔係保養得幾好呢？！

就算個樣無變，但其實好多野都變左嚕！你我他…個個都長大了！但好彩有d野都仲係有所保留。對人有所保留唔係幾好，但對於人對事，有所保留就表示珍惜呀！好弦…都唔知自己講緊咩？！