Merry Christmas 2009

好失落的星期五

真係好突然，我老細突然出左posting，點解咁突然架？！都未夠4年，咁快佢就走架？！全team人無一個唔失落、無晒心機…雖然係等升的位，但咁好的老細一定唔捨得啦！上上下下都…好down，做野咁耐，跟過咁多老細，這都真係算一位超好的老細。從來老細走都會食番餐飯，但都等TO搞，但知道老細走後，大家無一不趕住咁相約食番餐，哈…我個阿哥為左食飯，竟然cancel個leave！老細的好，可想而知！今日個個都繼續話我好腳頭，但係…好想老細升，但唔想佢走呀！！雖然來果位都係一個可稱得上為此世上最溫順的老細，但我相信跟住我依家個老細，我可學到的一定更多更好。我唔使調番K，但係又要轉老細啦！！唔要呀…=.=

咁寒冷的一天，真係…

Merry 十二月

估唔到快樂的兩個多星期又過去，日子永遠都係過得越來越快，今個2009當然係快樂得來又開心！！Tracy問我日子如何，我竟然毫不猶豫地回答我好開心！今時今日的工作環境同同事間真係好開心好開心！佢都同意話B組好過係K組，我當日選擇唔返去可能真係無錯o既…當然往後係如何我唔知，但起碼我嘗過何是好。原來真係有回報的，努力過後的回報，我今年真正咁嘗到了，真係好！！我的4年限期又過左半年了，真係好快好快…嗯！good！good！good！

下星期又christmas，天氣又轉涼，真係好，咁樣先有氣氛呀o麻…right ？！hahahah.........

winnie正式通知4/1/2010就返來了，我每時刻都希望離開IRD，但佢卻渴望返來，離開左去左Treasary都要返來，這世界真係好諷刺！但自私地想都好，因為好快又要training，咁又可以有個伴了！哈…

這幾個月的星期六日都馬不停蹄咁…無事忙！哎呀，真係好攰！但好彩係個心靈無攰，總算還有力氣咁繼續去行！

又要讀書了，點解這個世代咁架，不停咁讀都唔知為咩？！？！我其實要學習到幾時呢？唔通真係要終生學習？其實有無人可以話我知，點解依家個個都幾個degree同master呢？？好悶呀，係咁不停咁讀，讀完都唔知關我份工咩事囉！！唉…reli想死呀！

今個christmas就係我洗禮5年啦！咁快o既？！嘻嘻！天父爸爸，我好愛你架！！

又到Friday

今日…超級咁攰！好眼訓、條腰又好痛，會唔會係番風呀？點算好，明天仲話要去camp、又要行唔知幾耐的山，條腰會唔會斷左架？！唔知點解今日突然好唔想去呀…會唔會有神蹟呢？！

今日知道左件事，又發現唔只我一個唔想返團契添！！唉…我仲以為係我覺得這人不好，點知原來又會又咁多人都跟我睇法一樣，既然係咁，我可以肯定的係我係正常囉！咁大個人，估唔到會做埋d咁低裝的事，佢真係要檢討下囉！！其實佢應該係有心理病囉…唔係又點會咁樣對人呢？話時話，好似大家都唔想咁樣分，不如唔好再分組啦！我今日睇到係，其實我所知唔想入組的人都夠數湊番一組，哈哈…不如我地一齊組番一組吧！！

唉…又到年尾，又係時候努力找書讀啦！今次真係要好好諗下點樣裝備我自己啦！好忙呀…無時間點樣可以坐低好好plan下添！！唉…

Section Annual Dinner

話咁快又話要食聖誕大餐，返左IRD咁耐，都算係第一次出席section annual dinner。工作地點唔同左、身分唔同左，總之所有的唔同，所以我要出席囉！不過都好開心呀！好飽呀！B組好有趣，全部係預先編好位，但AA and above就要一張檯過…oh too bad！老細原本仲話同埋我地同大老細一齊去，超唔想啦！坐係大老細隔離一定係食得周身唔自在，所以我同winty話要行街，一早閃左…哈哈！好彩去到marriot時又撞到daniel同leo，咁就可以我定坐埋一齊啦！！好好味呀…d蝦好鮮同好甜呀！食左好多好多，又食左好多好多smoke salmon，當然唔少得係我至愛的cake同ice cream啦…肥死飽死…但都同winty係咁係到食！正呀！今個政治晚餐發現依家果大老細真係超好超好人，超nice！好多人食到八點幾都走啦，不過老細唔肯走，所以成檯人都乖乖咁坐係到聽老細同大老細講是非…哈哈！！其實好攰好眼訓，不過都要坐到九點半後先可以走人，好tired！今個dinner真係好唔同，同事好好人、老細又好好人…總之真係好開心好開心！今晚都係winty的last day啦！明天佢就放假，下星期一就正式離開啦！cry.....