finished

終於都考完了！！我的聖誕假期及最長的sem break又開始了！！
嘻……

考試了

眨下眼就考試了，第一科的corp fin accounts都總算死唔去了！其實真係唔係好難，但好多古怪位，唔係accounts出身的真係會比佢考起！而我，真係感恩，應該ok。好似horace咁講，考到過到就算，唔好求咁高分數了。講得無錯呀…

今晚入到考場都好緊張，不過好似profession lam緊張d喎，佢不停咁行來行去叫我地放鬆d，唔好咁緊張，但我真係覺得佢緊張過我喎！哈哈…

我地科佔左三行位，不過，見到好多吉檯呀！知道有咁多人已經放棄或無得來考試，真係好慘呀！感受好深呢！！

考完又一齊開心去食番餐了，sushi…good！my favorite！！多謝horace同joyce呀！嘻…

December

十二月終於都到，我係六村的日子…還有明日最後一天。究竟我的日子還會是好嗎？一個係人見到都怕的人，真係仲慘過撞鬼！！只可好似josie咁講，真係無運行…仲要發現我地兩位老細竟是朋友，真係更加證明同明白點解佢地會有咁相似的處事方式。星期一就坐過隔離位，真係只係隔離位，但我就正式成為一村的人啦！今日個個都好似我就快死得咁…不停係咁問我有無最後的要求請求，仲要不停咁講唔捨得我喎！聽到都好感動，但又搞到我真係好似死得咁！啋…

個個都話跟埋我走，但唔要去一村，真係煩，如果係我一早都出左聲了！好多人話，陰謀論又再一次得逞。辦公室政治永遠係黑暗，又永遠係你死我活的地方。幸好我仍可以在這遊戲中佔了少少上風，但這上風可以保持幾耐呢？我又可以真係控制這局面幾耐呢？我怕的只係我被新老細玩死左我先囉！！

我永遠相信每件事都有神的旨意在當中，所以單是今次的陰謀論，我相信的只係教曉我真係點樣做一個更好的主子，仲有，做人要有基本的修養，永遠明白點解我個family從小就教曉我咁多規矩，因為人要有修養。切記一個女人唔好係個位到不停咁叫出來，講野又大聲…o依…個個話佢靚，咁又點呢？！一d貴氣都無，更多錢讀更多書都無用。真係連行路都唔lady囉！可以安慰的是，我因為調村，我終於唔使教新人囉！

下一年係唔係仲有運行架？！真係好擔心，唔係仲有5個月的probation，我諗我一定會同你死過啦…你都真係唔好當我劉呀 ~~

今個2010年12月6日就係我個另一個新開始，又或者係地獄的磨練了！又或者係進入level 3課程了…嘻！

Week 11-12: 無時間啦

對於account份功課，真係唔知做緊咩？！更加唔知要點做？！左搵右搵好似找到d資料去做，但係岩唔岩呢？真係god know！2000字，真係覺得好難好難…點都吹唔到…死！

下個星期就要交了，死期將至了！

每堂都有歡笑，真係好多謝老細的問題！真係叫我上堂無咁悶！今個星期四就更好笑，笑到我直頭到今日諗起都仲想笑…
老細︰what is credit sales?
professor Lam︰credit sales is sales on credit.
真係笑到肚到luen，ruby更笑到失左控！真係好搞笑！
我地組突然間好似detective咁，好想知道三個同學仔的背景！我覺得真係係我這組先會咁樣！除了想認識老細，依家仲想認識墨水人同頭巾人…哈哈…返學變左講是非做偵探的地方！

學期都就快完了，考試又好快好快咁到了！時間，可唔可以唔再行咁快呢？我真係每時每刻都在追趕著時間，好吃力！時日無多，真係好岩形容這刻的我了！

但係試都未考，又要開始諗下下個sem的時間表了！大家又開始揀時間了，真係好感恩，因為全組都可以一齊繼續，反觀其他組，有人已經取不到考試入場劵，更有人意見不合而想轉組了，但我，仍可在一個大家一齊努力、相處融洽、有傾有講的一組中努力！天父爸爸為我預備的，真係好了！一切都足夠！

感恩節又到，今年都未有時間去諗下感恩的事。但我相信一定要去感恩的是我可以終於讀書了！我的禱告終於答允，我可以讀一科神特別為我預備的科目，雖然超級辛苦，但我真係感受到神的恩典夠我用。兩年的時間，好漫長，但我相信我一定可以走下去！我相信我一定可以穿起件藍色畢業袍的！！

Week 10: unhappy/unsatisfy

今個week終於announce個result，一句講晒…好失望！緊緊執住個C，有人話算係咁，係，無錯，真係算叫做好。但，努力咁耐，無諗過係一個咁o既results！

仍要感恩係我有C，我起碼叫做已經拿到了考試入場劵，因為我知道有些同學已經肯定無C，肯定係在邊緣中行，唉…真係見到佢地個樣，我都有些心酸！

咁的result就係話我知道，我考試真係要更加努力努力，因為我已經無buffer俾自己了，考試都一定要取得C以上先真係可以順利去sem 2！好擔心呢？！mig話我知，識驚就唔會肥佬！但我真係好驚呀！今個禮拜，不停禱告，不停求智慧，不停向天父爸爸交托，但係個心仲係好驚好不安！讀書無可能成世好彩，但真係好希望幸運好彩可以再次到來我身上。我已經好努力咁溫，我仲要點樣做先可以get到好result呢？！

天父爸爸，這個course是你答允我去讀，我知道你不會叫我跌倒，我要憑信心繼續前行，但我的信心有些動搖，求你給予我平安與智慧！

Week 9: Happy week

mid term過後，大家都好似謝晒！未試過成個星期都咁hea，大家的戰鬥力嚴重下跌，各人都好似唔願返學、唔願做present！？奇怪得很的一個星期。不過，大家又約好星期日繼續努力了……幾時可以停下呢？！

week 10會announce個result，會點呢？好緊張呀！

Week 7-8....Crazy Weeks

自閉兩週，我的mid-term終於都完成了！真係好似聖經咁講...成了！今晚係corp law，完全空白了一小時，話咁快就完左一小時，考完後的感覺係今日我的人生空白了一小時。唔好問我識唔識，我諗我只會答你真係唔知點解唔見左一小時，這一小時發生過什麼呢？抱歉，自己聽到pens down，好似完成左個催眠咁…醒左！哈哈……

為左慶祝，今晚成group人去左德興打邊爐！yeah…I Love it！天寒地冬，打邊爐就最開心啦！哈哈…果然，日對夜對左8個星期以後，我地這group人的友誼真不錯呀！起碼比起其他組都要好，真係好感恩呀！！

這兩星期真係過得很難過，返工好忙，要double side，讀書就更加想死，唔知點解份present題目係超超難…又要開始溫習…真係人生最癲狂的生活！

雖則食飽輕鬆，但又被提醒要預備下週的present了！真係人生呀.... .....

每一個晚上

好多個夜晚都只係同同學過、同書本過，甚至連屋企人都好似好耐無見，莫講話係朋友！日日咁讀，真係好擔心第一個sem前已經short鬼左！基本上，只要有一晚好似無咁勤力的話，我唔知點解都會好似有d內疚咁……日日都好早訓，真係好早好早…因為都已經天光了！唉……但點都好，仲係唔明點解我班同學仲係可以唔使訓囉？！

屋企張書枱又開始打風咁…哈哈！要快d抽出5分鐘搞點佢先得囉！！

最唔想放假，但最後都選擇左星期一要放一日啦！因為真係溫唔晒又做唔切功課了！希望這一天真係可以搞點了，因為公司太多野做了，再放，唔係假的問題，係做唔切的問題囉……cry~~

Happy Dinner

不論幾忙，我都發現總要抽空同朋友食下飯，唔係真係會係青山找到我的踪影…嘻！今晚就同左uncle Brian同alex同米高去左CWB食個飯！good，有pizza又有酒飲…so cool !!!講起飲酒，都好似九月開始無試過了，以前都會同同事朋友飲番杯先回家，但…喔喔!!

今個晚上，終於唔係同書本或同學仔過了！good！不過，今晚都好搞笑！全chicken，有chicken salad，又有chicken pasta，又有chicken pizza…哈哈！雖然我唔食牛，但竟然係全chicken，哇！

今晚咩都有得傾，幾好呀！好開心係uncle brian話我個blog係佢唯一一個bookmark左的，啊哈！嗯…又多一個fans…kakaka ^_^

Week 5: my groupmates

讀書有人陪住一齊，係一個叫我去繼續努力的動力。我曾慶幸我的groupmates一齊陪住去讀，但越讀就越發現佢地係癲！工作已經好忙，放左工仲可以好努力咁溫書、預備present的資料，最強係佢地應該係唔使訓！點得架？！只係短短5星期，我就快falling down… …究竟佢地係唔係索左K？哈...唔係點解可以唔使訓架？！零晨三四點都仲可以繼續溫書、繼續send野出來？！我好唔明，問佢地點解唔使訓，你知唔知佢答我咩？係話︰OK 啦！都唔會唔夠訓喎！ OMG，咩人嚟架？！撫心自問都係一個勤力的人，但點知這世界真係天外有天、人外有人呢！

由於上次科law的present分數唔理想，(其實我認為都ok了，比起之前真係差左少少，但起碼都有GPA=2呀！)所以成組人今次更加加油努力，佢地當然就更加唔使訓咁搏到盡！好彩，今日聽到Dr. Lu講左好多次good, very good... ...分數應該不俗吧！希望大家唔好再咁擔心好了，快d星期六了，咁就會知道result了！

Week 4: my life...

今個week依然過得太快，太快太快.....實在係太快了！我每一天的生活就係....讀書讀書同讀書！

Week 3: Happiness and worriessssss....

今個week 3，又完左了！真係更加感受到時間又再以超音速在運行中，好驚驚！仲有10個week to go… ... 死得將至了！今日科corp. law終於到我出去present了，好緊張呢！你知啦，始終咁耐無做present，更加上個present max mark係5分咁多呀！真係…

我地組仲要係抽中最深個題，死…

但算吧啦！做完就算了，好彩組員一致支持…哈哈！！就算就係死都起碼唔會怨我吧？！

今個week雖然係我個生日，但還是在書本與課堂中渡過呀！！真係好耐好耐都未試過了！不過，都係開心o既…嘻嘻！因為好耐都無覺好訓，今個生日終於可以好好咁訓一大覺啦！我諗今年的生日禮物都算不錯吧！

我的事奉生活，好多都要重新重整一下，基本上得番司事吧！雖然還是掛名兒童故事錄音員，但好似係今個九月都未錄音呀！兒童崇拜，都終要停止了！一直都知SSS唔夠司琴，所以都唔咁開聲講我想停，但開心卻是早兩天收到kenneth電話，佢找到司琴可以代替我呀！！嘩…天父爸爸真係為我預備呢！未開口禱告之先，就已為我安排了！這事真係好感恩，好感受到天父對我的愛吧！因為SSS暫時都未有人知道我讀書，所以無理由無端端會找人替我吧！哈哈…點都好，星期日又可以用來做功課啦！hahah....　

非常混亂的一天

生日前夕，本以為可以開開心心地，可是每個在我身邊的人都好像傻了一樣。一個神經病的死肥人，email、電話加埋個無理頭SMS，神經的！快要食午餐的時候，又有一個傻的到來，而且非常未禮貌的。唉…但總算可以準時去食午餐。中餐時，唉…那間餐廳簡直是十個亂！！一定要bad list它吧！！下午快要下班的時候，"單村"的老板好像發瘋一樣，不停地說我駡我，不停地起碼有十分鐘，那時候真的好想說︰Oh my God！action dropped不是我的錯吧，我好像只是剛接手這隻case了，無故被駡十分鐘以後，我才可以告訴她是什麼一回事，這時，她好像剛睡醒一樣…唉！有沒有搞錯了？！本以為可以好好整理桌子上的一大堆一大堆files，但被人一駡，什麼都不能做！！想怎樣呀？！

My 2nd Week

好眼訓呀！！究竟14個星期幾時會過呢？！開學只係兩個星期，但我已經超級唔夠訓啦！！仲要d書真係好似讀極都讀唔完，好辛苦呀... ...

唔讀咩，我又做唔切份presentation，而且又會追唔上，點好呢？！好想放一日好好咁溫，但又諗今個星期放得一日，咁下星期又可以點算呢？！？！好怕未讀完個course，我所有辛辛苦苦儲埋的大假會放晒呀！！

真係點解o黎個master會咁辛苦架！！真係好似斷六親咁，仲有幾日就生日啦，不過都只係約d朋友係星期六晚或星期日見個面好了，因為平日要同同學仔傾功課，又要趕功課，更加要趕溫書。好淒涼呀…我！！

cry ~~

開學了 -- 第1個week

唔經唔覺又到左真正開學的日子啦！嘩…真係好辛苦呀！雖則返左兩日，即係每科都只係上左個第一個咁大把，但真係已經感覺到壓力迫埋身了。真係要出盡力去讀先得了，特別係科corporate law，真係超高要求！presentation對我真係…唉！壓力的源頭吧！仲要有mid-term test，同埋assignment，又要presentation，真係好多好多呀！話就話得14個week，但第1個week都過得唔容易呢！！我相信我可以捱過這14week，可以捱過第1個sem，因為讀這course都始終是天父爸爸答允的，但真係好怕我會超攰超攰，又好容易病呀？！？！

fat=大白癡

收到好奇怪的sms，諗左好耐，最後都覆左我認為真係最後一個的email，希望佢真係唔好再打擾了。這人都算係無聊，仲要恕我講句係無聊得來好無腦的人囉！成日只係問人點解要咁對佢，但又有無想過佢自己點樣去對待看待別人呢？！唉…或許真係無腦的人又點會諗到。證明肥人除左好色，仲要係白癡無腦架！！真係唔好話我偏激，因為真係會有個咁o既人活在這地球上！真係要敬而遠之好d，唔係真係近朱者赤…

大家都話我對佢算patient同忍耐，錯啦…已經係零了！真係好想好想同佢講x交义y囉！！

Rest In Peace

好令人憤恨的菲律賓，真係一個死菲豬賓！！今晚睇到d新聞的正擊報導後，真係睇到喊，又睇到想打人！香港人死得好冤枉，去個旅行但賠上了性命，似乎代價太大了！睇到新聞影菲律賓那邊下著大雨，又自己身在的香港也行雷閃電下大雨之時，心中真係酸到不得了！係唔係阿爸父也在落淚呢？！人命真係咁兒戲？！

活下來的，要有更大更大的勇氣去活下去！求天父爸爸看顧保守，阿門！

Have a nice day

好輕鬆的一個星期日，都可能係最後可以行街吹水的一個星期日。又相約nicole係又一城行街飲coffee，可能係因為琴日的orientation嚇親的原故，今日好似特別珍惜同好朋友相處的日子，啋…講到好似死咁！但真係又記起interview時個programme manager咁講，兩年無朋友！真係諗起都擔心！

nicole都話好替我擔心，無錯，我都好擔心！今個take話收左87人，你估下sem 1過後我個班還有幾多個同學呢？！咁我又捱唔捱得住呢？！

Orientation

一早就知道我讀MSG係一條好辛苦好痛苦的路，不過今日真真正正有好驚的感覺。poly話每個intake都第一個sem之後，都會有起碼50%的人走左…有無咁恐怖呀？！有三個剛畢業的師姐都一樣話佢地第一年的第一個sem後唔見左半班同學…呀！聽到都好擔心！點算好？！每一科每一堂都要present，又要教功課，又要test，點呀？！想點呀？！可以點好呀？！？！？！我可唔可以堅持到底呢？！

我今個take收左87個人，有51%的人擁有professional qualifications喎…咁當中又有超過一半係solicitor，其餘的就係CPA！但又話CPA係咁多屇中最少的！點解呢？因為我要讀？哇哈…

咁多soli都好，因為第一科係corporate law，又多present，咁起碼多d識law的人，咁希望可以幫到我啦！好擔心呀！聽完果三個師姐所講的，真係好驚呀！

要maintain個GPA高於2，真係好驚呀！！要努力努力好努力先得啦！我唔希望我係係邊緣果位囉！！

今日還明白到一件好重要的事，就係每一個professional body的member都係用錢買番來！讀完MSG後可以directly成為company sec會員，但sorry ar，請先俾兩年student member fee先啦！每年又要多謝$1050了！！咁這兩年我合共要交的所有會費，起碼…六仟大元呀！痴鬼線！如果我真係可以堅持到底，真係畢到業的話，交三個學會正式會費合共成萬蚊呀！！不停咁俾錢都唔知為咩？！

我要努力，希望可以捱過第一個sem呀！！仲有十日就開學了！！

Part 1終於考完了

日讀夜讀，日背夜背，終於今日一個了結！唉…寫左三個鐘，真係隻手都斷左咁！隻右手好痛呀…又好酸，好慘呀！

好緊張，唔知個result會係點呢？！老細成日話唔使驚，一定唔會俾人肥o既…但我真係好驚呀？！特別係今日寫到d字好似打風咁，好耐都未試過寫到打風，因為真係寫到手都攰，所以…哈哈！

希望快d有result，唔係真係會搞到我隨時過唔到probation呀！

為左celebrate考完試，今日一行五人走左去joe banana食個lunch buffet，平時大家去到joe banana都會好興奮，係咁係到食，不過今日大家都好似攰過頭，竟然無胃口食！好奇怪呀…

Touching day

好耐都無寫日記，因為要爭取最後的日子去玩吧！七月初同daddy mammy去左北京走一轉，又係要滯留，點解我好似從未試過可以準時係北京飛返香港…唉！費解！又再嘗一次買旅遊保係可以claim番錢，今次最賺啦！哈哈…

我的死期係八月二，所以旅行完返來無停過咁開著turbo溫書啦！雖然話part one唔難，又俾晒tips，但讀起來都真係好花時間，好多野要背，特別背書係我的弱點時，真係又背又寫，好耐都未試過咁辛苦！不停重覆咁背默，默左成本簿了！希望我的努力無白費了，最後一個星期，今日係星期一，放左一日假，連續三天瘋狂背讀，到了這刻好似ok咁！星期五好彩有一天study leave，最後衝刺呀！！

今日當我溫到要停時，係facebook發現班BB去完教會的camp，當刻見到佢地係facebook留言，我好感動呀！真架…流了一滴眼淚架！亦都係一個原因我今天點都要寫下來，好好咁記住，記住這天，記住這刻！家琪話佢係個camp到感受到天父爸爸的愛，有好多令佢感動的時候，講真，這刻都覺得佢好似長大左，又好開心佢願意去肯定這位咁愛佢的阿爸父，真係好！！或許，除了係BB看到佢地成長外，佢地願意立志去跟隨天父都是我留在BB同佢地一同去成長的原因！見到佢地咁開心，又再話我知道我今天雖然辛苦，但一定有回報，回報就係天父爸爸給我的愛吧！

Crazy

今個六月一開始就似乎唔係好順，因為每天都係公司遇一個傻或癲或痴的人，真係都唔知點講好。公司好多人都話未見過我咁angry，angry到我有一日連lunch都食唔落，真係好慘！越讀得書多的人卻係越痴同無禮貌，終於都明白點解d人話人讀書係讀xx.....哈哈！

又開始d野多到殺埋身，上個半日堂，一返埋位個tray又打爆左！唉…真係做到人好灰！！又聽到有人賠錢走人，真係個個都做到心淡…我都好淡，沒完沒了咁……

真係好想去旅行呀！好攰好攰…真係無力再撐，由朝到晚都無停，會唔會有一日新聞話有個人做到死左呢？！唔係講笑，真係覺得係會囉！！

由於太攰，近日連機都唔想打，但係就日以繼夜咁坐係電腦面前煲劇，真係好搞笑！幾廿歲人先無端端迷上煲劇，平時電視劇有幾好睇都唔睇，從細就唔鐘意睇電視，但這星期可能氣頂得滯，唯有做一些平時唔做的事…傻左傻左！！

EQ這兩星期都出奇咁低，或者係又高又低，+50到-50，太過大上大落，比股市仲熱鬧，所以個人成日又哭又笑咁，真係以為自己short左。

暑假又到，一班intern又出現，今年真係多，多到每個AA一個。但係佢地出現係學野，但對於我卻認為係令我的workload又heavy左，教完做完咪即係我自己再check一次再做一次，真係屣氣！

May

星期六剝左個智慧齒，痛左幾日，都幾辛苦！之前個兩隻都無咁慘，唉....到今日都終於好好多了！太好，唔係就死得囉！！星期六的經歷真係痛苦難忘，仲有一隻要剝，點好…好驚呀！29號仲要返去拆線，唔知又會點呢？上次都用隱形線，點解今次要拆線喎…唔制呀唔制呀！！

========================================

工作又開始忙啦！清閒左兩個星期，惡夢又要開始！好多email要覆，點解d人用email問野都唔打個電話來架？！真係都唔知做得邊樣！！又開始CPA exam，好多同學仔都開始放假了，好彩我一早考晒，嘻！！

=========================================

靈修話要聽聲音、見異象，仲話要分辨係異象還是發緊白日夢，真係好深！其實，我都好想知道最近的是諗多左還是神的吩咐呢？！嗯....

=========================================

咁突然有posting？仲要係去HQ？究竟係點呢？其實，比我早左一年。嘻....今日聽到iris問你時，好奇怪，因為我失左魂....哈哈！答案好特別....

14th Anniversary

咁快又入左政府十四年啦！我又老左了，哈哈！有人提我先記得舊年的今日就係請全場的一天，真係唔明白咁都可以記得！斬我一餐的，你們似乎永在心中。

下星期四就正式係升左一年了，真係又係咁快！20/5真係我的一個好重要的轉捩點，因為可以離開K組，忍耐真係有美好的回報！

Missing

過多三星期就係我升職一年了，真係快到呢…

日日都好忙，忙到都無時間約朋友，忙到都好似與世隔絕左咁！好耐無見了，琴日突然間好掛住你！唉，咁o既日子仲要幾耐呢？其實，應該要點呢？零溝通左三個月了，應該差不多有四個月了，你今日問我想點？無回覆，因為好掛住也好，都知道這也好是好機會放習放手。做人都其實幾矛盾，又想一齊又想分開。想起你時，你又真係出現，都唔明點解我無端端會咁，禱告，其實要點呢？放低、堅持還是放棄？Josie問我點解會逃避？逃避婚姻、逃避回覆，嗯…諗唔通喎！你都唔好話我，你咪又係一樣！你話你琴日參加婚禮好感動，但無衝動。哈哈…我地都似乎要一齊努力努力！

Josie今日終於搬左來26樓了，太好了，我地可以日日見，無咁悶先！你要努力呀！

禱告禱告，天父爸爸，所有所想所求都同你講過了，忍耐堅持要學習到幾時呀？

Happy Lunch

八個中又多了三個轉正左permanent啦！太好了，Jenny成日都好擔心成日都同我講佢好驚，終於都美夢成真了！！依家我地八個人中，只欠Josie同Carol未轉正，希望佢地都快d啦 ~~
努力呀…同學仔…嘻 ！！好多人都話我地八個都算勁，同batch的人好少會可以聚埋咁多人一齊，我都覺得係！

今日為了慶祝都食番餐好，所以去左六國食lunch，又為了唔好咁趕，所以決定請了個下午leave，嘻…上午上training，下午又放假去食餐好，好開心呀！！雖然佢地無假可以放，不過Josie、Lotte同Carol都用左time-off，大家食左好耐好耐，好滿足呀！

滿足係因為八個人不停咁吹水，唔同真係女人聚埋就係咁？！？！

有喜有悲的一天

dream comes true，我好似都有遇過，不過個夢同現實所發生的卻係完全一樣，我諗這都是第一次，係全部情節都一模一樣，講起都其實有d驚 ~~ 當刻發生時我都有即係同個朋友講話這刻這情境正是我昨晚的夢境，大家都覺得好奇呀！！我兩個都覺得這真係dream comes true呢！！

當大家仲為這事說笑之時，有人話我知一個好sad的事，正是我的舊主子腸癌過身消息！好突然，第一，佢退休幾年都仲有見，但無聽到佢話有事，第二，退休都未夠六年呀…人真係化學呢！同事問我地這部門係唔係真係被詛咒？係呢…又一個係退休六年內過身了…好灰！！係唔係真係詛咒了六年內一定離開架？！嗯…真係要好好考過第二份工了…我唔想食六年長糧就走人喎！咁未好唔抵囉？！

今個三月的...

原來我成個三月都病左，到今日都未好過，真係慘！好慘呀！！搞到我成個人都成日傻下傻下咁，要快d好番啦！無幾多日子可以玩啦！

poly收左我了，咁樣講，即係九月開始又要過兩年的非人生活，最衰係我個朋友仔唔收，有無搞錯！一直以為俾錢讀書，有錢俾就會收，原來唔係架？！都好都好，可以又去識多d新朋友。哈…interview的過程好好笑，重點係你有無錢同有無時間，不過我覺得我入得去in，就算無都會答佢有囉，佢都傻o既！點都好，無幾多個月玩了，公司個training又要八月初考試，所以得番一個八月咁多去玩囉，係可以全無負擔咁去玩，所以點都要去番個旅行先！！！！唔係好似好對唔住自己…嘻！

今個三月都真係得閒死唔得閒病，自己已經好唔舒服，但係屋企親戚又病左，佢地個仔女仲要係外國，搞到我全家都好忙碌，已經好病，但我都要鄰住去醫院，無計，一個係東，一個係西，唯有一家三口分配去東同去西啦！原來人病左真係好似小朋友，我都病到有一日去唔到探病，點知佢打電話問我父母點解我唔去睇佢，mammy答佢我都病左，點知佢答唔制？！有無搞錯呀！！好多人都叫我唔好去醫院探病，話我身體唔好，你估我唔知咩！你又估我daddy mammy唔知咩！但你覺得我可唔可以唔去呢！！希望佢地快d好番，一來我一家三口唔使再左撲右撲，二來我諗我都會快d好番！三來無一日停過，無溫過書，無約個朋友去街！上星期頂唔住去左俾人按摩，師傅都問我係唔係好忙，佢話我個身硬到差不多要用個hammer按…哈哈！！

四月就到了，一連五天假真係要溫下書同約下朋友見個面啦！我要頂住呀！哈…

公司係四月一日起又執位，真係好煩，又要cut位，究竟上頭知唔知道d野已經做唔晒，依家仲要再cut一個位…痴線架！但執位的過程中要好感恩，因為我兩個partner好幫我，唔係我又要執一個好多backlog的digits，好多謝佢地，唔係我又要開始放唔到工的生活了！我相信這都是天父爸爸為我做的…嘻嘻！！

Year of Tiger

咁快又到老虎年，因為虎年所以成日都見到好多好多老虎…最喜愛老虎，所以今年可以見到夠，好開心呀！點解我會咁鐘意老虎，都係今個新年不停俾人問我的問題，係啦…由細到大都咁愛老虎喎！！嘻…總之老虎就好愛啦！

今個新年好特別，因為初四就返左工了，從來都未試過咁早就返工，好唔慣呀！！讀書時係初十幾先返學，到返工了，都一定例必初十五後先開工大吉！不過，升左就唔同左了…好唔慣，初四返工成日都遊魂，一路遊到初六…嘻嘻！公司靜個鬼，真係好唔慣！唔得，我一定要爭取下年新年都繼續放假。

今個新年得我一個過，悶到死，所以又走左去澳門一趟，逗下利是開心d呀！嘻…每一天都過得好難忘呀…哈哈！情人節有特別嘉賓出現，真係又驚又喜呀！澳門的節目就係食食食…好飽飽呀！

今年係公司都逗到好多利是呀！這組的同事好好，好大方咁派喎！唔使多講都收到好多封呢！！至於屋企都未拜年，應該仲會收到好多呀…哈哈！好呀好呀…哈哈哈…

臨過年收到poly的信，叫我25/2去interview！嗯？！好緊張呀！！讀個master都咁認真？！係forum睇到好多人講，好緊張呀？！但都好感恩呀，因為初四到初六正好讓我係公司可以靜靜地預備interview的資料，多謝天父爸爸呀！你真係為我預備呢！！係我好緊張之時，又記起神呼召我去以馬忤斯的事，令我個人都放鬆下來，我知道的是神為我預備的，我知道我預備好我自己以後，其他的事就交俾我的天父爸爸啦！仲有幾日，我要最後努力了…哇卡卡…

今次的事我好覺得天父爸爸真係為我好好預備，24/2上堂，25/2下午去interview，26/2去海洋公園…所有事都無重疊喎！又唔使調時間喎！真係好了！

希望今個虎年真係事事順順啦！

Steps

立春啦

what a crazy, 我今日竟然上緊computer training時係度打日記！你可想而知我幾咁悶呢？！今日立春唔係應該好天架咩？但成日都係黑黑沉沉…感覺好悶呢！

兩日training，得著係打左N咁多個msn、不停上網search野、不停email…都唔知為咩！學咩d野全部係我F6、F7時都學過的…好悶呀！

今早又問春天真係還會遠嗎？真係好難答喎？！其實想要咩，好似都唔知。

八個數字，可以係電話號碼、又可能係出生日期、又可能係點呢…但點都係一樣，就係原來都係人人好奇。唉…八個數字原來對大家都咁好奇！reli reli...ooh...

終於都抽出時間去hair cut，不過等到訓著，真係人多…cut個頭竟然用左三個半鐘有多，真係慘！又多兩隻貓BB，三個月大咋，kawaii呢！不過佢未打晒針，所以唔俾我玩，嗚！下次再去一定要同佢玩下呀 ~~

病得太耐、食左太多藥，my face開始又乾又敏感，真係慘！！就o黎新年啦，要快d搞好佢先得！唔係新年期間好醜怪，而且mammy又唔俾我食藥…嗯…醜怪醜怪！！

要找時間執屋了，時間無多嚕…hahaha !!

二月開始了

辛苦的一月過去，但係二月一開始就由朝瘀到晚…好慘呀！真係咁大個女都未試過一日內瘀左咁多件事…呀…嗚！真係好想掘個窿俾自己呀 ！！好醜怪呀！！

222 implies二月二日星期二，今日真的過得好容易。不過今晚返學就過得不易，做到唔知時候，遲到返學，未食飯，又眼訓…好難先捱到10點放學！噢……好眼訓呀！！中午都好開心，因為同carol去左美味天皇，好耐無去啦…食羊排、食cheese cake，好滿足！

放學收到另一個消息，都唔知係好還是唔好？！新年又到，情人節又到了，點解日子真係咁快？！升職原來又過左9個月啦…二月尾又要上training 16星期，死！honey moon 的日子將要完結，唔捨得！咁樣搞法，好快就到十月架了！其實，都係只剩8個月咋。

十月前我地兩個會sort out到一個方法嗎？！雖然依家係唔好，不過對於我卻覺得好自在呀！其實我都好想知道自己點解可以離開以後，又會再調頭呢？！自己要開心的生活方式，我認為依家已經係啦！但身邊其實係無人認同，就算係iris都唔覺得咁係幫我解決心底的鎖，我知道，但又可以點呢？！一個一日wet到刻的人竟然同我講，話無可能拍一世的拖？！點解會出自你的口呢？！從來都唔會安定下來的人竟然同我講左一番咁o既說話。

這兩天突然間出現的說話︰"冬天來到，春天還會遠嗎？"我真係好想知道呀？！

一月又過去了

漫長的一月又過去，真係好！一個月飲五餐，感覺係…reli reli好悶呀！！22、23、24你會諗到咩呢？！我當然係連續三餐的惡夢啦！朋友結婚理應為佢地開心，但作為參與者，仲要係連續三晚，真係好鬼想…(都係唔好講了！)又發現意志力叫我30號可以踩到盡…勁呀！但後果係31號係咁訓！不過，仲係未退到燒！死得啦！！！

五個婚禮，最最開心同有感覺的當然係三號啦！兩個suppose相同的人，兩個形影不離三十多年的人，這天都終於有所不同了！從不喜歡結婚的我，從不在別人婚禮上看到喜悅的我，卻竟然係至愛的婚禮上有所不同！除此以外，其餘的婚禮…我只覺得好tired…sth like…doing a job…嗚！

連續三個晚上，得出的結果係意料之內，就係大病一場，無錯…唉！究竟我仲要燒幾耐？會唔會過唔到年架…我啋！！會唔會發燒又搞到我再蠢d架？！

有人問我五個wedding過後，我的思緒問題。嗯…都係一樣，唔明點解要結婚？！又係時候畫下五個pictures，結果係iris唔講我都知道！得一幅係看得出開心，當然係因為mandy！哈哈…朋友，我真係由心地祝福妳！！妳結婚都成個月，不過仲係覺得好似昨日咁，真係好神奇！明白點解d父母或兄弟姊妹話結左婚以後會掛念同失落，又真係喎！！一大段的說話，我永遠都會記住，我會努力，不過幾時可以去結婚呢？！對唔住，暫時真係做不到喎！！

M&M wedding

M&M代表係mandy&mandy，不過2010年1月3日後，應該係代表mandy&mannix了！一個同我同年同月同日出世的好朋友，從這日開始就成為左朱太啦！！兩個所有都係相同的人，不過我地的命卻似乎由細到大都好唔同，特別係1月3日的事！

這一天，我真係好happy同memoriable，這一天，除了難忘就係我最touching的一天。感動到落淚，這天真係好多！！

這一天的事、聽到的、看到的、感受到的…永在我心中 ~~

my dearest，我祝福你 !!