我要感恩且高舉你的名呀

混混亂亂又過左year 2的sem 1，連續兩晚的考試讓我唔知點算好！特別係corporate governance，這一科的考試完全唔知問咩，更唔知我答左咩，但肯定自己係答唔到，但奇怪係我考試咁都攞到A呀.........wakakakaka~

好喜愛細佬一句︰"你唔識都考A，你識的話會考到埋呢？" 又啱喎............哈！講真，我都依家還不相信我的成績，好驚係計錯分或入錯左分，因為我真係唔知問咩，但肯定係答唔晒同答唔到題囉！？！？真係令我費解！！但我知道我要感恩，多謝天父爸爸對我的學習曾給予過的應許，你所給的真係是出乎我意料！

仲有一科corporate administration，唔知成績係點呢？但我諗會合格的......嘻！起碼我答時都知佢問緊咩呀！！

今個聖誕充滿歡笑，充滿感恩！由12月11日開始就不停每天non-stop咁去玩同朋友見面，真係好開心！聖誕仲要同BB一同去昂平wild camp去感受，感受低至4.5度的天氣.........好正呀！雖然依家只有3個隊員，但我相信天父爸爸亦會為我們去預備的！因為他的恩典夠我們用，他所給的應許是信實的！

要做個快樂的小雲

感恩天父爸爸讓我知道我並不孤單，亦感恩所有好友的支持和禱告！我知道正如holly同我講，要做個開心快樂的小雲！在公司，好感恩其他同事的幫助和支持，大家都為了我這個無知小雲做左好多好多，真的讓我好感動呀！Brian講無錯，我身邊有好多好多天使，大家都係我的守護天使，因為我是個幸運的小雲 ^o^

同老細開完片後的這星期，我的生活都好似無咁緊張！因為我每天被問書的次數減少左，又或者咁講，可能係因為佢自己都被大老闆日日o趙佢一鑊金的原故。佢又係，一個簡單的計數，點解佢可以連最basic的concept都無，仲要係assessor，真係有無搞錯！

月尾佢就放大假了，我又可以放監兩個多星期！正如joyce話齋，我地可以假釋…同埋休息了！哈哈！有時候，我都慚愧，作為佢地的小主，但我可以為佢地做的不多，反而佢地為我做了太多太多，為左唔想我難做，又唔想我被問話，佢地努力地做了很多額外的工作。真的好多謝天父爸爸讓我有一班那麼可愛的同事下屬！我都好愛你地架！

仲有兩個星期就考試，但完全唔知點溫好，因為太多野要讀啦！！老細又放假，我又要acting，真係玩野，佢搞到我都無得放假溫書！！好衰呀！！真的希望mircale happen on me！！

我又要做小雲啦！

曾經我以為我遇到了一個好人，但經過幾個月的相處，原來又係我天真地相信！有一個天神村的老細，我諗我真係好快就要搬去精神村住啦！都唔知係佢太高要求，還是我真係太愚笨呢？！別人眼中，我係best of the best，所以特別揀選到P&MS，但天神村村民卻不這樣認為。想不到的只係我跟她竟然終於開拖！我無講錯呀…我真係來了咁耐，全靠我自己係到自學，無人正式地教過我睇system，我唔覺得我有錯呀！我知道日子又會開始難過，我只希望我可以好快咁安然渡過這難過的日子。

今天的手機的金句係…
他卻對我說︰"我的恩典是夠你用的，因為我的能力在人的軟弱上顯得完全。"所以，我更喜歡誇自己的軟弱，好讓基督的能力臨到我的身上。(歌林多後書12︰9)

我真的唔知將來的日子會是怎樣，但只希望我可以滿有天父爸爸所給的智慧和能力去完成我的每一天！！

Finished

只為了一個presentation，花費了我成個月有多的時間預備，幸好…我最後卻可在daniel換來一句︰good job, well done！我想這已是我最好的回報！

Finally.......I can depart from HK

終於相隔一年有多，我可以真真正正咁離開香港，乘坐飛機，利用E道出走了…哈哈！對於我未讀書前，每年都起碼出走四次，但現在，想去個旅行都原來係咁難！好彩係同hullian同carmen去，又好彩係佢地都唔介意我無參與過行程編排，全個旅程，我只係通知俾錢，我就付錢，其他事我一概不知…唉！就連我係幾點飛機，最後行程係咩…嘻…真係一d都無理過！原來讀書就真係可以令我改變，改變到我竟然可以完全有一年半有多的時間未離開過香港！仲有十個月我就可以畢業啦！快d快d，我要再去旅行呀！！wakakaka.............

雖然只係短短的五天Seoul，無去過偏遠少少的地方，五天都只係shopping同eating，但我已經好開心好滿足好感恩啦！或許我真係要多些珍惜，珍惜我可有的日子吧！

完全的休息，完全的义電，雖然十萬個不願回香港、不願返工，更不願再拾起書本溫書做功課，但係我成個人就真係完全覺得我可以把我的緊張真正咁消滅左…

我諗我如果無這五天的逃離，我一定被天神村村民搞到我發左癲，又或者可以提早approve我入藉精神村…哇卡卡！但係真正的放假令我又充滿了力量啦！

雖然我知道我會好快又變回緊張，但我深信我好快就回再去旅行啦 >_<"

混亂的一個星期

傻下傻下，我的year 2又過左個多月，term test又開始。這幾日，絕對係無助，無助係因為超攰為左present為左report，完全無溫過書，只係得一個攰字。我成日話未溫晒書，但其實真係次次都起碼係睇過晒一次，但今晚測的就真係一半的內容都未睇過就去左測。真係希望可以合格。

學業上好攰，工作就更加攰。係我老細活在天神村而我在地球村的原故而溝通唔到，還是係我的management同understanding真係咁差？！她越要求對我就係難到，或者係我難成的事。對我下面的要求，大家會認為係無理同ideal，會不認同是佢口中所講的learning，但在於我，就即係我又要包底的工作，就係我的workload的增加。上又壓，下又不停對我complain，我真係唔知點好。係唔係我的management真係咁差？我不見得，但再繼續要我不停去飲茶灌水，我真係未夠鐘調之前我死左！！民怨四起，芧頭個個都指向佢，我真係唔知點好！連大老闆都講佢唔明，真係想知這真係地球村的問題還是天神村的問題。我每日不單要對住外星人，依家仲要日日坐係天神村村民的隔離，真係唔知這又是不是天父的旨意。點解佢所有事都係好，你都總會看到她的基督樣式，但唯獨係對住d system specification同program specification呢？係coria教我的user requirement真係錯，還是我的天神村村民先係錯呢？如果我今日所做的，我相信係coria口中一定可以get到個credit，但係rachel身上，我卻是連個pass都攞唔到。

至於讀書，又開始忙到屋企人都好耐無見過。朋友又叫我要小心墮入一個被騙的局面，唉…就算係又點呢？大家都唔理，個output係唔會無端端有一日會做起的。

我唔想再去諗到思想別人的用意，因為我無力了。永遠都係mig同r sun最好，永遠都係我身邊，係我的守護天使。我總要跌倒時，他們都總在我身邊。

沒完沒了的麻煩事

上星期突然收到PCCW的電話，問我係唔係簽過一份合約要upgrade做什麼多媒體家居電話，當然係無了，同佢理論左好耐，死咬住我係簽左份文件。我諗，你都知唔係先會打電話來confirm我啦！之後唔知點好，好彩朋友多，仲要係做police都唔少…多謝大家的意見！大家都advice我死要PCCW俾番份black and white我，我於是要佢地今日再電話覆我。當然係無，搞到我又要勞氣地同佢地理論！好X煩呀！仲驚係今日下午無啦啦個自稱係sales的人打電話俾我，叫我唔好報警？！佢的行為我理解，但PCCW話我知的sales係女人，但打電話俾我的卻係男人？！點解？？我諗我真係要去報警啦！好麻煩呀…

究竟想點

唔知係唔係星期六係火車上碰到個我唔想見的人，同埋俾人follow左一大段路嚇親的關係，這幾天做事完全心不在焉！唉…早幾日仲話我日日都咁開心，估唔到咁快就完左！真係死肥仔！

中秋佳節，大家又問我唔想再講的事！究竟大家想點，應該係話…大家想我可以點呢？當日的決定同選擇，我堅持了超過十五年，我曾經因為宋牧師的說話，我選擇禱告中同天父爸爸講我要改變，我以為我真的改變，因為我真係覺得我改變，亦以為這是天父答允的事，不過…又是否是我太早以為的事呢？其實，從來都無變過，天父爸爸亦從來無答允過我的禱告呢？！或者，如我的日記所講一樣，最好的世界是我們進不去的世界。從來希望的事，從來都未見過丁點。其實，我真係可以點呢？唔通好似家姐咁講，要等到我們七老八十的時候才會有轉機？我真係唔想，亦怕我等不到。我其實要點樣去禱告呢？從來一帆風順，想點就點，但其實永遠有一樣事卻未能稱心如意。人總是要有缺點和遺憾，但我唔想這是我的遺憾。有人同我講過，你還渴望渴想，就代表你總會得到，只是這還未到天父爸爸容許你發生這事的日子和時候。那麼，我還要等到幾時呢？我明白我要努力做好我自己去等那一天你最幸福最開心的時候，不過，我可以等到嗎？我真的可以改變嗎？好似中秋咁，明明開開心心最幸福的晚餐，但大家總要提起過去，連最細果個都懂得話最幸福的變為最傷心的。知道神要容許的話，就算在人以為不能的，但是…在神凡事都能。我知道我以為我時日無多，但可能在神看來總是有大擺時間。除了禱告，我其實就只有禱告，我根本就無野可以再做了。

今個九月

每年的八月都仲係過得好辛苦好壓力，今年的八月仲要比過往更辛苦，因為要應付埋一班溝通唔到的外星人programmer。可幸是八月終於過去了！

一踏入九月，驚喜不停！究竟這份開心，可唔可以永遠保守住呢？係就好了，咁我以後都可以每時每刻都咁開心！每天睇住一堆system specifications and program specifications，我真係完全有想死的感覺呀！好彩這星期的開心先可以叫我頂住呀！

Year 2 la

終於…我已經year 2啦！依家咁睇，日子其實真係過得好快。但向前望呢，其實仲有好漫長的一年要讀要捱！講真，真係好難捱！終於開學，亦終於肯定gladi轉唔到同我地一齊的時間，大家都好唔開心！噢…得番我地四個還可一齊，但gladi一個真係好慘囉！

返完第一堂，ruby姐講左句大家都好認同的說話，就係我地幾個好另類咁！哈哈！但真係班上有太多騎呢人呀！又太多八婆了，大家都唔係好想去進一步認識佢地！而我，就認為係因為我深信我身邊的groupmates已經係天父爸爸為我安排好的，我根本不用再去多多認識啦！哈…應該係咁！

真係好想快d畢業呀！讀得好辛苦呀！

Add/Drop/Change Group

每個sem的add/drop/change group那天都好似打仗咁，一步一驚心。好怕轉唔岩、又怕轉錯，總之就係怕大家不能繼續一齊讀同一個時間。都唔明點解poly會咁煩，唉！gladi click得太慢了，依家得番佢一個未轉到，點好呀？！好真係好想同佢一齊讀呀.....

大家不停幫佢click，click到手都軟啦！神蹟奇蹟可否發生呀？？天父爸爸，我真係需要你的幫忙呀！！

One more month to go

Time flies.........916 is coming la !!

Happy Meal

Happy to have dinner with Trazy and Jacyln ^3^

Long time no see each other, especially Trazy......speak too much tonight, and my voice 沙左
wakaka ~~

Two weeks more to go........my sem break.......counting down NOW

Treasure my time and life in this August ^.^

八月啦

習慣忙碌，原來停下來的時候，個人係會覺得無聊。我仲要覺得係無聊得很…唉！真係咁難得的sem break同所謂的暑假，我竟然希望係忙碌！早幾日仲相約班groupmates食lunch，原來大家都係一樣話突然間覺得無聊，即使hea住咁做project，但都覺得放工唔知做咩好？！

成日唔知點解會覺得八月先係下半年開始的我，竟然覺得2011年的下半年會係痛苦的下半年！？九月就係year 2了，話快唔快又原來讀左一年了！

今日花了成日終於執好我間房，終於乾淨同書桌見番個枱面…哈哈！

十年了，十年前係我咁大個女以來最痛苦的八月。原來又十年了，唔係今日執屋找回一些，我都忘記了十年前的事。果然係日子難過年年過，終究都已經十年了。細老無啦啦同我講…等待係因為要得到最幸福的XX。我問佢XX係代表什麼，佢竟然話係一條填充題，話我終有一天會填上，可能係填一個字、又或係填上一包，總之，會有一天我不再問XX是什麼。佢講野越來越玄了。Issac，我明白你講咩o既，不過好似忘記了十年前的事，其實無忘記過，只係大家，包括你都用"斷片"的方法去忘記吧！聖經都話要忘記背後努力向前嘛！

近日不停求神一件事，得到的回覆有點無梭兩可。老細叫我可以禱告求引證，但係…每次的引證都有唔同的答案。咁即係點呢？同rachel相處了一個月了，我覺得佢絕對係天父爸爸給我的天使。正如connie所講，佢完全head住我的靈命生活，無時無刻都可以同我係office禱告。而且，我真的第一次遇見一個如八福所講的那個清心的人。我要努力呀！

冰封下的暖流

再見了...許道宏老師

還記得中一時還是傻更更的我，係第一次開社會時認識左我的藍社最高領導人許sir。雖然佢未教過我，但是，每次社開會，總是會見到一個好開心的許sir。係我畢業離開時，許sir都離開迦密移民到加拿大，還修讀神學，並按立牧師。一個新的生活，但同時發現患上栢金遜，又再發現cancer，這一切都無叫佢及家人對神有所動搖。與病魔對抗多年，許sir都終於在昨日回天家了。正如李sir係facebook所講，就算知道我們會在天家再相遇，但始終不捨得。天父爸爸，願你親自安慰師母及家人，Amen

Year 1 ....finished

話好驚好驚，但係summer sem就係咁又過去了！試.....考完了！今次考試真係驚得要死，開考前五天，我竟然無啦啦又病鬼左，我真係點解身體會咁差呢？！

不過咁，咁快又過左一年，成日話辛苦無比，但終於都過左一年了。日子真係快到呢........唔知點形容好！？

year 2未開始，好多事都已經要開始。anna成日都不定時係班房、係exam hall出現，成日都叫我地要有心理準備，準備無得瞓的日子喎！講真，我現在都已經無得瞓啦！咁year 2，我應該已經會成仙啦！！嗯.......又再次感到好大壓力添！！還有一年，我知道我點都要頂落去，我要加油喔！

放暑假，但我公司的工作卻是開始忙了！老細真係為我安排得好，等我考完，就開始排山倒海的工作安排給我。話雖如此，但我都係開心的，始終我終於覺得我存在係P&MS的價值。真的，不要同神說後悔，只要耐心等候，我就必會看到祂在我身上的作為了。天父爸爸，我愛你呀！

Nice to meet you

今個星期一，我終於換老細。Coria調走，好擔心同新老細的合作，因為佢比我更加靜！但好開心發現我不用擔心，因為天父爸爸聽禱告，祂給我一個同是基督徒的老細。Rachel原來不似外表咁靜o既，第一天say hello發現她是christian時，她竟然與我在公司中禱告。好感動！好感恩！因為神真的總不撇下我。我之前還猶疑我決定離開B組有無錯時，神就話我知沒有。神就加添我力量，叫我滿有信心繼續行下去。充滿愛與恩典的一個星期，終於發現我在P&MS的存在價值和身分。Rachel跟我分享了很多很多，提醒了我們一切在神的手中，我們只要專心仰望主，我們所得的一定出乎我們所想所求。

星期六下午要term test，我還未溫好書，係溫在一半都無，好想好想星期五準時放工。但…五點鐘叫開會，心想死得了。雖然七點前可以開完離開，但心中還是在埋怨。離開前Rachel又跟我禱告，好開心，好得力的禱告。天父爸爸又話我知，一切在祂掌控之中。其實，我到這刻我還未溫好，但我要relax了，再溫一陣就更加出事了。因為我知道一切在祂手中，天父爸爸總不會撇下我，也不會離棄我。我已交托給祂。

This Summer

今個summer sem比我想像中來得更辛苦！無時間睇書不在話，功課都做到死！下星期又話要mid-term啦…點好呢？！返得個七個禮拜，但都要mid-term，真係其實Poly知唔知道我地好辛苦呢？

月頭時，Grace離開我地了。不過剛又知道Kurstance又有cancer。似乎每層樓都一定要有一個的說法，真的不無道理。係食物令人中招，還是真的是因為公司的忙碌讓人太大壓力而造成呢？？Grace的離開，大家都話要及時行樂，但是想要及時之時，醫生就會同你講你中招啦！Kurstance就是這樣。突然間覺得好灰！生命真的不可由人控制，神要帶你離開你必須離開。

我還不時想我有無選擇錯誤，我要去P&MS究竟有無錯？！我不時記住這是我禱告的回覆，不過好多時後悔的念頭都總會在腦中出現，Winnie提醒我神所為我預備是美好、是為將來的。我要努力在P&MS的日子中努力呀！

天父爸爸，孩子真的求你指教我怎樣數算日子呀！

2011的初夏

AS終於都announce最後的result，哈哈！我真係感恩同心滿意足啦！

Summer sem又開始啦！7個星期的學期，但都要有mid-term test，真係都唔知係好定係唔好？！我覺得今個summer又係恐怖的一個學期啦！雖則我知我的天父爸爸仍會為我預備，但當中的辛苦過程我還是要面對及經過的。過埋個summer我就讀左一年啦！唔覺唔覺就過左咁耐了！

又原來我調左去P&MS都四個月了，日子真係好快！雖然我曾懷疑過我的決定調去P&MS是對與否，但我亦記得Winnie提醒過我要憑信心前行。因為這是禱告五天的答允，是我要學習的一個信心功課。我記得，亦是每天我要努力去做好的動力。不過，這裡的學習真的唔容易。

原來真係很久不見，但這幾天不停的碰見。你講得無錯，我的生活還是那麼開心，因我就是你當初話我的一個開心大傻瓜。生活還是繼續，但我其實還是不是還是那個開心大傻瓜呢？這兩年，身邊的人、包括我，其實都不停地轉變。年紀越長、經歷越多，體會到的事就更多更深。這兩年，我的工作崗位地位不同了，所見所聞都不同了。我都覺得我成個人都其實變了很多很多。我只希望我還可持守住聖經講的一顆小孩的心。

地球都一樣不停在變，今年沒有了春天，夏天就突然來了。主真的要返來嗎？

Good / Bad Wednesday

今日一早pacific去買coffee，送我一件cake，還以為今天真係好運到來，但估唔到做人做事真係唔好開心得咁早。我地都好耐無見了，點解一個係Unit 4、一個係Unit 2都會見到，仲要點解你會來19/F呢？更估唔到點解放工又會係巴士站見到呢？究竟想點？似乎應該係我問你…

日日係堆program spec同system spec中迷路，成日知道我唔應該後悔，因為這是我所選擇的，亦知道這是我禱告所求所得的，不過，好似好多野都還未做到好，真係唔知道我選擇有無錯！？

天父爸爸，其實我要點做呢？求你指教我！

Fish Concert 2011

咁快又一年啦…今次係巡回演唱會的第二站，嘩！我成日以為我上次睇係去年，原來係前年啦！時間真係過得咁快o既？！好開心nicole用東亞信用咭訂飛，yeah ！！可能佢地唔係fish的粉絲，佢地都得個坐字，好似唔係好投入咁…不過，雖則得我一個好high，不過真係一個good show！今次氣氛無上次咁warm同sweet，可能係今次不是在白色情人節舉行呱？！嘻…

不過，我這場睇唔到fish on the dolphin，真係唔制呀！Winty就好啦，俾佢睇到呀！

等我忙完讀書，下次都係要再去台北小巨蛋睇！絕對係正呀！

My results

估不到我的sem 2會死唔去，或者咁講，我一直相信天父爸爸，所以我深信我唔會死，但無諗過唔死得來仲要咁高分…哈哈！

絕對亂吹的OM我竟然咁都有C+，另外科taxation，又係靠我平日修練回來的成果得到個A…哇卡卡！咁都有？真係發夢都想不到！

真係好感恩，多謝我愛的天父爸爸！我亦都可以好安心咁放埋餘下幾天的sem break了！終於…真係可以好好咁玩囉！！

(開心得滯，個人太high，唔係好想瞓添…)

考完啦考完啦！

Exam就係咁就完左，今日係第一個唔使返學的星期六，好似唔係好慣咁…哈哈！今個sem兩科的考試都好難，好擔心我會肥佬呀！？真係好驚呀 ~~

我希望我可以繼續讀埋佢，我唔想升唔到班呀…哈！

今日做咩好呢？等我一陣返BB、返團契先！今個sem超級忙，真係幾個月都無返過去啦！

Sem 2 exam is coming...

終於都考試了！Sem 2話咁快就完左了！明天同星期四就要考，今個sem真係搞到我好緊張。馬不停蹄咁趕個OM report，搞到我好耐都無溫過書。四月尾完左sem，兩星期後的明天就考試了，上星期又病左，完全瞓左成個星期，得番今個星期叫做溫書，但係得一星期咁多，溫得邊科好呢？？雖然明天係考taxation，係我強項，但點都要溫架！星期四考OM，又雖然話係吹水科，但都要溫過下書先吹到架！唉…今次真係好似兩頭唔到岸。加上，我一向都係好有預備的人，真係從未試過會到考試前一個星期，係完全未將書溫過一次。好唔secure呀！唉…

天父爸爸，我真係需要平安、需要智慧呀！

OM presentation

OM終於都係星期一present完，但係…我的情緒就完全進入左一個癲左的狀態。就算present果晚，組員都覺得我好燥同好惡！真係很對不起我的組員，星期六下午無端端發脾氣。原來，嚴重唔夠瞓真係會影響一個人情緒。其實，上星期都一直好燥底，只係無諗過我竟會發左出來。真係嚇親佢地，就連我，事後諗番都真係覺得好唔岩。不過，真係個人好唔妥。真係要快d好好咁瞓番一大大覺，但幾時可以呢？阿sir已經對我地組好好了！知道係超難的公司，又有一個組員Joyce quit左，所以都話會為我們調整分數，如果唔係，我真係行人止步啦！要感恩！真係好感恩，因為咁都有個B！yeah …

我真係好愛我的組員Ruby, Horace 同 Alan，天父爸爸為我預備的，總是美好的。雖然Joyce選擇了離開我們，但我也好愛你呀！

present後要努力修改個report，但我卻選擇離開我的組員數天。因為我真係又開始頂唔住，個人好down啦！我真係要charge番下電先得！好多謝佢地的understanding，我可以離開佢地三天咁多！但都已足夠了，起碼我依家都覺得個人鬆番d啦！

究竟我不停咁讀書係為咩呢？year 1都未完，老細竟問我有無plan之後讀咩？WTF，這究竟是一個什麼的世界？？

my deadline is coming......wl be died soon

為左個OM的project，成個人只活在project中，成個人自閉左咁…但係仲未死好！點好呢？！成組人都好努力、好努力，又開始唔瞓覺的日子，不過…距離成功的日子還是好遠好遠…遠到好似望不見終點！好灰呀…但下星期就要交啦！交之前仲要presentation，但係report未寫好、ppt就更加未做過…好驚呀！真係開學咁耐，都未試過咁驚！下星期仲要交一份assignment同一份individual project，除左份assignment完成外，其他…萬事皆空！好驚呀！就算感恩地相信我又可以係公司由朝到晚係到做個report，但距離完成的日子真係好遙遠，直頭係遙遙無期…灰爆！其實，我會唔會真係今個sem就行人止步呢？！

喜怒哀樂的一個晚上和一個星期

唔知點解，真係好想好好咁記下今天的事。咸旦爸爸的喪禮上，竟然令我咁多感覺。其實，都不止我吧！我們三個，仍是最老死的三個，感覺依舊，但唔知點解我地三個竟然同時咁大感觸。迦密人算係齊人的一晚，想不到會係咁。近來，我似乎參與白事多過紅事。婚宴開始唔一定逄請必到，但白事呢…卻係唔叫都到。今晚突然間好感慨…

其實今個星期，都真係好好咁經歷完喜怒哀樂！雖然今天都只係星期二，但係卻是好好咁每一天嘗到喜，另一天就係怒，再是哀與樂！好好咁品嘗了！今個星期亦是我遇到最多人的一個星期。我記得符生成日同我講︰"日子難過年年過。"每次我唔開心時都總記起佢這句話，但每一次我都其實無真正咁去想過入面的意思，不過…今晚好似明白左！

真係每一天要珍惜、要感恩！

點解？

日本大地震，我諗無一個人會睇見唔心寒。天災，無得避亦無得準確預測，因為這是神所做的地球，地上一切皆只有衪知道。但點解會有咁大的地震呢？每個人都話世界末日近了，其實係唔係呢？聖經話過，世界的終結應該無人可以預測。不過，天災處處又係唔係一個signal話我知道我的主快來到呢？！我從無懷疑過日本仔的重建能力，但核能的威力，我相信咁強的日本人都應該無法將佢搞得好。只希望在天上的阿爸父憐憫看顧這地。

我仲諗住最多逃學一星期，但都要去個日本一轉玩吓，依家…泡湯了！好耐都無過旅行，好想離開香港relax下，這刻真係有排都唔使旨意。

諗住唔去日本就改去別處，但這刻細看…這個地球好似周圍都危機處處，日本地震，俄羅斯同印尼又話火山爆發中…美國黃石火山又話升高左，想改去第二度，但有人又提醒我小心火山灰搞到我無飛機返香港。唉…想去個旅行都咁難！

點都好，這幾天真係提醒我，所有事都在主的計劃中，而我地作為衪的兒女，一定要記得我們在世的大使命。仲有，真係不要虛耗光陰，要珍惜眼前的一切，要每天去感恩！

My part II Exam

真係眨下眼就快兩年，再過多一個星期就要考埋個part II，咁我就可以順利過左個trial bar....奈何世事真係總不如人願，依家好鬼擔心，以為會好似part I咁，大量tips，但…竟然話仲未出卷，無tips，點讀呀！？！？21號就考了，但…

miss呀，你搞咩呀？？成班人從未試過咁驚，兩大個box files的資料點讀呀！你唔俾tips就早講了，成日話就o黎有，但過多個星期就考啦！

我仲要過probation呀！我唔想confirm唔到！！

New begins

踏入個兔年，無一日停過，忙忙忙…！雖然無辦法等到阿姨返香港，但姨公的身後事都總算告一段落。跟住又要到姨婆了，佢一時清醒、一時糊塗咁！真係唔知係因為佢住係醫院困住左，所以胡思亂想，還是真係打擊太大？！今日姨公就上山了，希望如醫生咁講，身後事完結後，她的心事都可以完結了。

=============================

岩岩的星期一就正式離開Group B，正式成為P&MS的人了！不過，第一日勉強返公司打完招呼後就回家大覺瞓。因為我星期日下午無端端腸胃炎加發燒！！唉…燒到個人short左！！好辛苦好辛苦…

可能一路都忙慣左，加上這兩天齋坐係公司…真係想死！除左可以準時放工以外，我真係睇唔到點解要我咁早去P&MS！

離開就算係悶，就算暫時係無野做，但都係好，因為可以離開我個發癲老細…呵呵！！一離開，電話不斷，個個都恭喜我，唔再係因為我被相中左去P&MS，係因為唔使再對住個癲婆！yes，就連我個舊主子都係咁講…嘻！不過，依家得番kitty，真係慘了！

就連我走要食餐farewell都煩過人，食farewell唔係問我這主角得唔得閒，又唔係問大老板有無時間，係要問佢自己得唔得，佢唔得…全世界都唔可以揀個日！有無搞錯？！大家都不咁要問佢係唔係Queen！這世界真係咩人都有囉！！

Sad

姨公好突然咁係年三十零晨離開，雖然話佢都已經九十二，而且都係舒服咁走，但係真係好突然。咁岩姨丈剛好係加拿大返來，可以叫做見到姨公最後一面吧！亦都總算叫做可以幫下手這幾天走走去辦事，唔係個個都返工都唔知點算好。可惜"唷唷"姨仲未可以返來。真係估唔到我阿媽個邊d人，紅事又多多意見，到做白事又係一樣多多是干…超煩！

我知姨婆怕一人，所以送左姨公去殮房後又話自己腳痛，今次竟然咁乖自己話要入院。講真，大家都知佢係怕自己一人。又講真，大家都寧願佢留在醫院，唔係大家都唔知點樣照顧佢好。今個新年，日日都要走去東區醫院。話雖有架巴士682直到，但左走右走都真係好攰架！仲要有時要standby做翻譯，全間病房無人識聽上海話。mammy好怕電話響，因為都仲係醫院打來做翻譯，而且都怕係佢有咩事。但係琴晚同今晚都真係好似唔多清醒咁，真係好擔心呀！都唔知可以點算好！

Sem 2: Week 1 and 2

讀書時，成日問點解時間過得咁快！原來，以為最長的sem break都一樣過得咁快！四個星期的break，眨下眼…就完左！又係時候收拾心情，不過…收左兩個星期都收唔到，點好呢？！唔得咁架！近住新年又放一星期，睇怕我仲更加難收拾啦！弊加伙了！！

過埋個年，再過一個星期，我就正式調去P&M了！雖然posting仲未出，不過SA已經好confirm我係情人節那天離開嚕！我諗全部人我都唔捨得，除左我依家個阿姐！真係唔想唔想好唔想再見到佢，再對多一天，真係人都癲！禱告五天就答允的position，真係要繼續憑信心向前行。但係…我仍然唔接受我要去做system囉！！

對於我的groupmates，我真係想講句︰"好多謝你地呀！I love you all！" 你地絕對係天父爸爸給我的天使了！我地要繼續努力、加油！！

好開心

我的sem 1考試終於都有results啦！好感恩好感恩！我最驚科corp law竟然有B呀…兩科都係B！超開心呀！多謝天父爸爸給予我智慧，努力無白費了！

開始倒數離開的日子

思前想後，我最後都答應了離開。不論做system係好與不好，我都知道我要接受，要向前行。因為今年的新年願望係要離開我這個老細，估唔到禱告五天便有答案。如Winnie咁講，禱告咁快答允，必要憑信心向前行。都岩o既，即使辛苦，但都總比現在好。這幾天，打攪左好多人，每個人都係叫我accept offer。做隻牛，還是做隻狗的問題，完全明白理解。講真，到這刻，真係寧願成為隻狗都總好過今日這光景。與其都係廢武功，真係不如自廢左先。SA成日話4月1號前要離開，但今天我認為3月1日就要離開了。appraisal都係寫到2月28日，絕對相信係因為這是我在B組的last day了。原來咁快就兩年了，係B組開心的日子，真係過得好快。開心，就係咁簡單。係B組就真係可以咁容易過到我嚮往的simple life生活。這個星期，大家都問我想食咩？咁快就想farewell我？！寒冷的日子，但係係office的時候都總係好溫暖，應該係hot！哈…因為大家又開始係我身邊不停咁講唔捨得我的說話。無錯，我其實都真係好唔捨得。今次，真係要離開26樓了。一個一入稅局就踏進的地方，一個工作十五年的樓層，終於都要離開了。心情又變得好複雜，又要去學習新事物，又要再去適應新工作，究竟係咩一回事呢？是好、是壞，真係只有天父爸爸才知道吧！

又一年了

咁快個2010年就離我而去了，2011年又會係怎樣的一年呢？今年第一個工作天就係度諗，幾時先可以捱完這一年。不是因為讀書要捱，而係我剛轉team的老細令我好難捱，日日不停提升我的EQ，真係基本上咩Q都比佢train up緊我。1月5日仲係度諗2011年仲有360日要過的時候，琴日就突然間話我好過中六合彩，話我俾P&M抽中左去幫手做新個system，全世界都話我唔叻都唔會俾人揀中，160幾人揀7個人，我咁都會中，咁都會成為其中一個，當刻好開心好感恩，因為可以離開這個難頂的老細，但回神一想，我都唔鐘意做system的工作，我好鐘意計數，唉…點好呢？同大老細傾左好耐，佢話在於我前途，我去做新system係對我好好好…但幾多個好都好，我真係好唔鐘意，仲要係一去就要去起碼五年，但其實應該係七年咁耐…唉！我覺得一去就七年，簡直就係癈我武功了，七年後我又會跟社會脫節左喎！有人話，再上一層樓後，話知佢同社會是否脫節，但係……

又一次祈求離開，禱告答允，但新的崗位又是否好呢？？160幾人揀7個都俾我中左，真係想問點解我唔中六合彩頭獎呢？