真係太好了！！原來我都有成個月都訓得唔好，一係就眼光光到天光，一係就天未光五點鐘就醒左。唉！唉！原來想訓一覺好係咁難……好彩星期五晚見到佢，即刻叫佢幫下我……嘩！真係好神奇，一覺訓到天光，係真係天光，訓到成十點鐘。真係感恩！如果唔係大廈維修外牆嘈到死，我諗我真係可以訓到今晚……成個月都未試過有一晚可以訓超過四小時，但琴晚就訓左成十個鐘，真係要感恩呀！哈利路亞！
究竟係我諗野諗得太多，還是我又是壓力太大呢？點解咁鐘意訓覺的我會失眠架？！真係講都無人信…(因為連我都唔信)
人大左就會有好多野要諗，我其實都好矛盾。上星期日同宋牧師傾左好耐，佢叫我要向神祈求，不要因著自已曾說過的諾言/說話而去阻礙自己的發展/前路/選擇/決定。我這星期都好努力去學習，為著幾件事不斷去禱告，當中真係奇妙，神給我的回應叫我好溫暖。但天父呀…我好想快d收到你給我答案呀！即使這溫暖叫我平安、叫我開心快樂，但我唔想仲係有十萬個問號在我頭上呀！每天每晚所遇著的事，都叫我仲係唔知點算好呀……即使你叫我每天每晚都是十分十分開心，但我想知道真正的結果。天父爸爸，我要經歷多少才會知道結果呢？求你繼續拖帶我的路！
沒有留言:
發佈留言