又係stress的一天

公司超多野做，做死人啦！！樣樣都話趕，但係得一對手又點做好呢？？這幾個星期都係公司左走右走，但凡要找野都唔知點解都關我事？我係唔係 down左 grade做 G.C.呢？唔係我number的都要我去找，真係有冇搞錯呀！

但真係發現一件事，就係唔好穿高跟鞋，因為一著都會找野找到PK。真係好邪！

======================================================
做冬可以放早，但都要抽籤睇邊個要留低聽電話到五點半。真係感恩，我又係抽不到！！哈！！但其實都只係放早兩個鐘，到時放工塞車都塞左啦！

======================================================
今日係公司真係見到不同人有不同的臉孔，有人對我黑面，有人對著我哭，有人令我氣憤，亦有人對著我笑！

對著我黑面的，真係唔知我又做錯咩？頭上真係有十萬個問號？時冷時熱，或許真係人情冷暖。

對著我哭的，離離合合，分手o者，我明白。會痛心，但不要亂飛野呀！你可以哭，可以找我傾訴，但不要這樣。身邊的人會好驚架，大個女啦……

對著我笑的，希望天天大家都可以繼續有講有笑。我好感謝妳，因著妳我記得我每天都要感恩，感恩天父爸爸在我工作中遇著一堆不好的同事時，神把妳調在我鄰座，希望出年re-org後你仍可以坐在我旁邊。

令我氣憤，或是有時真係俾你激死啦！polly呀！點解你真係每日都係要放工時做一隻咁hard的case 架！話是俾你激死，但都係多謝你呀！你讓我有很多得著呢……希望你去到新的team有新的開始啦！

=========================================================
今日咁快又係星期四，今日唔知點解有好多感受，今日好想將每件事都記下，唔知係唔係早幾日發燒，燒壞左個腦，所以又胡思亂想呢？