朋友仔，Please Keep Praying for me

今日又再次感受到神的預備啦……

今晚返到屋企收到庫房叫我考試的信件，嘩！又有一個機會啦！雖然要過埋考試先可以interview，不過，起碼又有一個機會o麻…係未？！

真係好開心呀！！神讓我好滿足，亦讓我好溫暖呀！！

Cookies

我的檯上有出現大量的曲奇餅餅，好驚呀！食極都有，食極都未食完！！雖然好鐘意食，但係咁食法，真係有d驚！可唔可以唔好再買同一款牌子和同一款味道的曲奇餅餅呢？！

你千其唔好隨便話俾人知你好鐘意食某一種食物，唔係就會好似我咁……食極都有！！

睇怕今次都應該食到農曆新年啦！！

打邊爐

我好鐘意打邊爐，今日BB中級組祝誕，佢地的慶祝活動就係打邊爐呀！我好開心呀！除左巴巴燒，打崩爐都係我至愛！！

今日都好滿足呀…由下午四點半到晚上九點呀！食得好飽飽…食左好多蝦呀！d隊員一定係平日無跟阿媽去買野，買成七十蚊蝦！？食到傻…好彩…陳素茵幫我將d蝦脫殼……哈哈！太好了！但係真係飽死啦！

食得好開心，不過，到最後又係無人肯洗碗，又係我洗！唔制呀……有無搞錯呀！！

我的死穴

又被人講我的死穴…幼稚！搞到我由晚喊到朝…好唔開心！你明知我被人咁話我一定喊到收唔到聲，點知你仲要鬧番我轉頭！明明係你唔岩，點解仲要話係我錯喎！有無搞錯呀！衰人呀！！

Please Pray for me

我好開心！簡直係十個開心！因為今晚返到屋企收到一封信，係audit department叫我下個月中interview呀！我好開心，但又好緊張呀！因為咁大個女都只係見過四次工，不過……都已經係十一年多前的事啦！！

朋友仔，希望你地可以為我禱告！

===========================================

天父爸爸，多謝你！是你聽禱告、是你給我一個機會，我真係好開心呀！我深信你的帶領，求你繼續保守女兒呀！天父爸爸， 多謝你！！

討厭的一天

這排好多人問我係唔係唔開心，因為見我好少寫blog，又好少MSN，更少係通電話。其實都唔係呀！不過，今天又真係有少少失落，應該係話我有少少失望。

公司的人成日都係度講人是非，我真係覺得好討厭！

好耐都無見過chris唔開心，但今日俾我個舊partner激親，搞到面紅耳熱！見到我都唔知點講好，個癲婆調左過隔離條team後，真係變本加厲左好多！成日都真係以為自己係大家姐，我對佢……唉！可免則免…其實chris都係咁樣，不過，今日有隻case趕住，所以逼於無奈同佢溝通，唉……點知俾個癲的寸左chris一輪！！

死人肥輝成日掛住擦鞋上位，今日又係度係咁同白頭叔叔話你是非，你講咪講囉，講完又要轉身問我……唔答你都仲係度係咁講，唉…好討厭的人！

我同好友係度email，肥輝竟然行過我位，企左係度係咁睇……喂！你有無禮貌架！我鬧你都好正常呀！點解你仲要惡人先告狀呀！

好討厭呀！！

神為我預備

好開心！神的供應足夠，神又為我預備了！

葛福臨佈道會

你有無出席呢？我呀…由於基督少年軍負責維持秩序，加上希望d隊員參與，所以都有去呀！不過，好呀！簡直係十個呀！

我的分隊要負責東院道，即係我要企街呀……就係咁我又曬黑左好多，仲要曬到塊面又紅又痛又癢……要狂敷mask、狂補濕……

因為好多好多人，你知啦！我有人群恐懼症，所以有好多時候我都真係驚到腳軟同心跳頭暈！！不過感恩，神卻加添我力量！！哈利路亞！！

初時係大球場，人多坐滿後又過左南華會，最後十分鐘內再經連道上山下山過埋去跑馬地馬場……我都覺得自己好勁呀！不過，得著的係我瘦左呀！哈…條裙真係鬆左呀！司徒sir同王sir都明顯瘦左！哈…雖然辛苦，但可達致免費的減肥效果喎！！哈哈！！

仲有好多好開心的事，有好多出席的人會走來同你講︰"辛苦你地呀！"聽到真係好開心呀！仲有仲有，好多小朋友走時同我講︰"拜拜姐姐，你認唔認得我呀！你頭先抱我落車呀！" 哈…我係東院道初時負責旅遊巴落車，我抱左n咁多個小朋友，點記得佢呢！不過，聽到好開心，因為小小年紀的小朋友卻記住我！！

基督少年軍預備了好多好多食物，除了午飯、晚飯外，還有好多小食，有雞翼、雞脾、熱狗等等……我分隊的隊員，真係好似從來無食過野咁，唉！真失禮……鍾倩嫣竟然可以食左成三隻大雞脾、熱狗、三文治，係一口氣食左咁多！勁呀！完全係我食幾餐的份量，但佢竟然可以一餐就搞點左！其他的都起碼兩隻雞脾，又或七至八隻雞翼……少年人真係強呀！

整個佈道會中我雖然真係好好辛苦，但開心的卻是數不完！最起碼的是我企係街的時候，看見起碼四萬人係大球場，同一萬多人係南華會進入或出來時，我的人群恐懼症無叫我完全暈到，這真的是我最開心和感恩的事了！深深覺得我的付出，神已經大大加許獎勵給我了！

Holly & Wilson's BB

BB女好可愛呀！雖然早左三個幾星期出世，不過都有成六磅九，勁呀！

星期五晚教完琴，好趕好趕咁去尖沙咀同Holly食飯，估不到第二日BB就出世啦！

Wilson仲問我同Nicole帶左佢老婆去邊樹食飯，搞到佢老婆咁快就生，真係搞笑！

不過，holly都好勁呀！佢前後只需三個鐘就生左BB啦！媽媽真係勁呀！

R sun畢業照

恭喜你！

終於都等到你升職了，終於大家都唔再需要日對夜對了，其實都幾好！起碼大家都唔會為左無謂的事又係度頂嘴，真係好了！

希望你在新的工作環境有新的開始，你要努力呀！

我一定會繼續為你禱告！！

Give me FIVE

估唔到我的post會有咁多人睇喎！我寫下面個post係為左抒發我的感受，想不到大家睇完除左笑，還會留下你的msg添…哈哈！我想是你地的心情跟我差不多吧…哈哈！

不過，我想講多句，disney係我心中的magic真係好似有d幻滅左，因為我這幾天見到我的mickey已經無再咁high！好友送左個米奇小禮物給我，我只係禮貌地說了句多謝後，就放在我公司的檯上了……我終於明白點解欣宜的白雪公主造型會傷害左小朋友的心啦！嗚……

一個奇妙的世界

明明婚禮三點先開始，不過…invitation印左係兩點九開始！點解？！梗係因為你成日都遲到啦！一個正常的人都會尊重，都理應會早d到…所以大家都無端端罰坐起碼半個鐘！真係慘！

將要開始，大少問我佢地有無要求過要咩音樂俾主禮團進場，我話︰"無呀！諗住一陣是但彈d！"點知大少卻叫我︰"佢地無講過，你就唔好理佢！"嘩…佢地終於就只係自己行入來啦！

之後，婚樂就開始，Belinda進場啦！我同一枝小提琴合奏Cannon in D，好彩我無彈錯，又好彩係X主堂的小提琴手拉錯o者……我就絕對要感恩啦！第一次深深感受到咩叫做"唔關我事"！

我一早都話左每好要咁多咪，係都要拖咁多支，好啦…終於都係搞到佢地讀誓詞時候，個咪無左聲…你這刻的反應係咩呢？我…坐係度笑！真o架…笑得好開心！我係唔係好衰呢？！我係台下見到佢個樣有d…哈！

==========================================

每個婚禮的會眾詩，都最多係唱一次加副歌兩次，不過特別的婚禮，唱法都當然好特別…

係呀…唱一二節副歌，再一二節副歌，再副歌，再最後一句！對…你無睇錯！這張紙係男方特別寫俾我架…佢話驚我彈錯喎！佢寫住係俾"詩琴"o架！不過，我這天應該係司琴囉！

==========================================

終於一個漫長的婚禮都完了，佢地再進場致謝……仲搞笑，簡直有被戲弄的感覺！

佢叫大家舉起這張程序，前後係度搖……大家以為有什麼3D效果，大少仲係咁搖俾我睇，諗住我鐘意米奇，等我可以見下有咩特別……頂！

男方︰"係啦！你已經進入左一個奇妙的世界！"

大家立刻覺得有被玩弄的感覺啦！！好聊呀！！Help me……

==========================================

這個奇妙的世界，頓時成為成晚的話題，由教堂到晚宴，大家咀裡都不停係咁講…

米奇係我心中好重要，disney係我心中都真係好magic，不過佢講完，搞到我都真係好down呀！嗚……我好唔開心呀！！我的米奇唔應該係咁o架！！點解呀……

===========================================

晚宴……

(1) ming成晚問我︰"program 1.1 後會有咩呢？" 之後又問︰"mandy，program 1.3啦…跟住又有咩呀？" 朋友，對不起，我都唔知仲有咩！我只知道我好肚餓同好頂呀！仲有，奇妙的世界會發生的當然係你估不到的事啦！咁先叫做奇妙o麻…

(2) 敬酒的歌播左…十次！係呀…係十次！今次真係十全十美啦！連主家只有廿六圍酒，係呀…佢地就係咁完美啦！這個moment，我發現只有三個人好開心，仲要手舞足蹈，係呀…三個都唔知發生緊咩事的小朋友！

(3) 做兄弟姊妹咁多次，都無試過唔係等度最後先走，點都會等所有guest走晒先啦！係未！？不過，我今次都係第一次，雞咁腳就走啦！！哈…

========================================

奇妙的旅程已經完結，有人話聰明同白痴係一線之差，我這次就覺得奇妙同荒謬都係一線之差。氣頂了咁耐，我都只想快d忘記啦！

In the morning

晨咁早去到酒店，個人已經係在未訓醒的狀態，再加上數十個疑團在頭上出現，真係搞到我一舊雲咁！？雖然外面天朗氣清，不過我心中卻是烏雲密佈。

(1) 一早話左唔好叫d兄弟係西環等，一早話左會traffic jam，不過…當然係無聽，又當然係遲到啦！我都唔明點解要係西環等？明明係灣仔等係最好，真係唔明？！搞到佢地都無食過早餐，我覺得所羅門的兄弟真係好慘！

(2) 點解封開門利是會係女方的手上？點解佢叫我地要先將利是俾番男方後，先好開門玩遊戲呢？喂…你可唔可以話我知呢？

(3) 你應承得做兄弟的，都應該係預左要玩，係未？！但成班X主堂的兄弟好齊心咁話︰"車！你結婚關我咩事？！"佢地講的時候好齊心，好誠懇o架喎！真係好費解！仲要全班開門走，這個情形都見過，不過都只係扮下走咁，但係佢地又真係走晒o架喎，等番四位所羅門兄弟係度！又話X主堂的係好兄弟好朋友，咁都叫做好朋友的話，我覺得……哈哈！

(4) 為方便斟茶，所以要搬開張檯仔，雖然好輕，但有咩理由要d老人家係度搬都唔幫手呢？我見到當然立刻去搬啦…仲要企係度阻住，話佢知佢阻住都要真係好乖咁立刻走開左……痴線架！係唔係人o黎o架！這刻我都無話可說，只是覺得…真係無教養！

(5) 話時話，男方個頭真係焛！好登台feel…哈哈！開門時見到佢個造型，我同Isabella打個突同大叫左出來……哇哈哈！

=========================================

晨咁早就頂住左，所以中午飲茶時要好好慰勞下自己先得啦！半隻木桶雞、潮州鵝片、魷魚鬚、蠔餅、幾碟時蔬、魚餅、蝦餅、蛋撻仔、燒腩仔、十幾籠點心……七個人食，都唔係好多o者，差不多啦…哈！成檯都係食物，連幾個waiter都唔知點放d食物好啦！最好笑係張電腦出的單有成尺幾兩尺長囉！哈哈…

一個婚禮

我覺得每個人心中都會有一個夢想完美的婚禮，但當然現實世界中要做到係好難。而我亦覺得婚禮背後要各方好友的支持和幫忙才能完成，所以一個正常的人都知道夢想和現實係完完全全兩回事。因為正常的人都不想麻煩朋友的幫忙、時間的付出、心機等等……正常的人都應該明白到朋友的參與，已經係最好的禮物、最好的祝福了！所以，結婚的人理應要急不及待地要趕快說多謝的，他們理應不要再奢望朋友再要多去付出了！

朋友，你覺得我說得對嗎？如果你都係咁認為的話，恭喜你…你就是一個正常人了！我在此祝福你了！

踏入適婚年齡後，朋友都陸陸續續地結婚了！我都做左好多次姊妹同司琴，不過今次都算係一個難忘的一次……難忘不是因為有好多得意有趣的事，反之係好多氣頂的事！

近日好多人都成日話未見過我咁嬲，唔好話你地，我自己都覺得我咁大個女都未試過咁火滾！

Belinda & David's Wedding

又有一個朋友結婚了，一個又一個的故事從此說不完了！

Belinda，只希望你真係嫁得開開心心！

我想話你知

你同我都好忙，你又話過唔再理我，但係點解你仲係係咁管住我呢？真係十個唔開心！！星期五晚我真係去飲呀…點解講極你都唔信呢？！著條好少少的裙，你點解咁都唔信？問問問…

我叫左你唔好咁為我，終於都搞到要review個report啦！雖然俾你解得到，你又幫了我一把，但我擔心的終於都發生左啦！

Patrick & Fiona Wedding

同咸旦都識左好耐，大家都算好fd o既…佢結婚的大日子，我都會到啦！今晚都有好多難忘同搞笑的地方，第一要數的事就當然係……魔術表演？！你去飲咁多餐，一定有不同的娛賓節目，但係今晚竟然會有魔術師的三十分鐘的表演。嘩！勁呀…不過，三十分鐘的表演就盛惠$2500，都好貴呀！

另一個搞笑同難忘的位就一定係同咸旦抱抱啦！唔知點解佢今晚見到我去飲，十個高興同十個開心，我一去到酒店時，佢見到我就老遠已經同我say high，到飲完走就更high…

仲有仲有，就係今晚見番P姐呀…好耐無見啦！

感受

係你的世界，我從來都係一個不懂事、未成長的人。但係…或者你都教曉我很多了！從來都係你來教我從另一個角度去看世界、去看身邊的事，不過，今日卻竟然係我來提醒你要從另一角度去看。

好奇怪，不只你覺得，我也覺得係。

你擔心去最惡劣的一組，到了今天…結果當然不如你想。咁幾好呀！你從來都不信，但我真的每天都為你禱告！

最後一天的主僕

今日好多人走o黎問我同一個問題︰"你就一定最開心啦！你主子升職走人啦…"

係呢？！我真係好開心，因為見到同終於等到佢升職！但又有d唔捨得，因為少左個人可以被我發脾氣了。雖然日日頂嘴，但都習慣了！(做人真係好矛盾！)

而且，我再係公司被人恰的話，就再無人幫我了！傻媽媽調走後，又到對我好好的主子要走……

雖然主子仲係留番係K組，但在餘下的一個月裡，佢就要調過去另一team幫手清files啦！所以這個星期大家都好趕，因為我手頭上有d cases想主子做埋，而我主子又想清埋d files先走。日日都好似好忙好趕，這個星期大家都好乖乖咁係度做野！幾好呀…因為咁樣，我都做左好多數，仲可以收埋d數，留番第時無數交的日子用添…真係好！！

新的老細，係一個白頭叔叔，佢都好好人o既……希望做野方面同佢個人一樣咁好就好了！

O2 Atom Life

今日終於都買左部PDA電話啦！我真係太多野要記啦…不過，好貴呀！好彩有得免息分期…

一部白色的電話，幾好呀！快d差好電，等我用下先……

好開心呀！！

綠分預約

人的交往，全如幻影。
給你越多愛的人，會是傷你越深的人。
而給你越多記憶的人，會是讓你最感無情的人。
感情的聚散，來有時、去有時。
緣盡了的時候，你不得不放手。

有的人，走的時候並不是心甘情願的，有時候是老天爺的無情。
「緣份」我們見証了它確實存在。
「長相廝守、天長地久。」要求多久呢？
所以，我說，人的交往，像海市蜃樓，像幻影一般。

而給你越多愛的人、越多記憶的人，總在離開你之後，讓你有最多的思念，和最多的不捨。

正如「元稹」的那首詩：「曾經滄海難為水，除卻巫山不是雲。」

當這個人離開了你的生命，不管，是不是他故意的。你都無法輕易地走出那樣的傷痛。 而當你一再地反覆的憶起他，他卻不能給你任何消息。 無情，這樣的他，是不是很無情？

活在當下，是我們唯一能做的。 珍惜，眼前相聚的每一刻。

用最美好的、最全心全意的對待。 不要把時間，浪費在衝突，冷戰，互相折磨之中。

我們不會知道，我們的「緣份」預約了多少。 我們不知道，我們跟上帝的契約打了多久。

「緣份」隻會一滴滴消磨掉，不見得能夠一分分增長。 因為，做這些，其實就是愛你自己。

自由的幸福，是淡藍色的~
甜蜜的幸福，是粉紅色的~
溫暖的幸福，是橘黃色的~

「幸福」不是靠別人給的，而是要用心選擇、認真抓住！ 愛你身邊的人，包容他、原諒她、愛她、疼他。

「緣份」才會持續.才能綿延持續

有消息

主子終於都有消息，十一月就開始acting，跟住就升職啦！係咁係度等，終於都等到了。我真係好替他高興，不過，我又有些失落。因為我又要轉老細，每年轉一個老細，又每年教一個新人，我都有點怕怕。

主子要走，連房個大老細都走，大家都深信黑暗的日子又重臨公司。阿太掌權的日子又快來了，因為側聞調來的大老細都係acting，嘩！咁就真係慘啦……

wwwwwwwwwwwwwwwwwwwwww

每個人都在利用每一個人，這是我這幾年領會到的。你都終於得到了你想要的，我希望你夢想成真，如今你得到了，恭喜你！我都完成我的責任，你都應該滿意吧！

''''''''''''''''''''''

天父爸爸，多謝你聽禱告。我希望所有事還原到原點，我希望所有事要放下，多謝你，你已教曉我。


天父爸爸，我愛你呀！

Trazy & Dicky Wedding

每年下半年都係結婚旺季，而我今日又係當司琴的日子啦！地點不是香港堂，卻是道風山，唔係去過好多次，不過感覺卻好熟識。

今天一早起身，竟然掛起一號風球？！都唔知點解無啦啦會打風，不過都好感恩，無咩大風雨天。

我都要感恩呀…因為又完成了我的職位啦！幾好幾好，雖然彈錯左少少，不過都應該無咩人知o既…我諗！？我在陌生人面前彈琴的膽量好似大左好多，今日都無咩好心跳的感覺，幾好幾好！而且我在鏡頭面前彈都ok喎……rehearsal時有好多鏡頭對住都無驚……好呀！我的膽量已被磨練好啦！天父爸爸，多謝你！

晚上的婚宴都幾好喎！食物都算大碟，而且又夠熱…不錯不錯！

916

今年生日好開心，陽光與海灘…我愛你呀！正！正！正！

都習慣左每年生日出外渡過，今年都不例外。出外走一轉，真係發現這世界真係好大呀！不過，外面的世界再美麗再吸引也好，始終都發現我生我長的香港係最好o既地方！

916 -- 我最喜愛的數字，而且係好特別！因為左轉右轉去睇，你點都係會睇到916架！哈哈…

Busy -- Tired

近來都好忙，返工忙，放工後仲忙……好啦！好多好多晚都唔夠訓……咖啡、濃茶係咁飲，我諗我就o黎要打嗎啡先頂得住啦！！

返埋明天就放假啦！真係諗起都開心！o黎個都係一個力量叫我這幾日咁都仲要撐落去的原因……哈哈！(陽光與海灘，我就來啦！！)

bbbbbbbbbbbbbbbbbbbbbbbbbb

再過幾日又大一歲，點算好呢？我又唔係話好介意又大一年，不過我個樣都仲係唔大，都唔係咁好！雖然話樣細係好，但我個樣又真係細得太緊要啦！咁樣對於工作唔係咁好，因為個個都覺得我唔成熟，有時d caller上來都成日唔信我，成日都覺得我係個o靚妹，信唔過……點算好呢？！

我每年都買一隻手錶送俾自己做生日禮物，不過，今年都仲未找到喜愛的款式添！呀…唔制呀！希望明天可以找到啦！

古巨基演唱會

唱足三個鐘，都幾好呀！

Todai Buffet

甘美姐因為內疚，所以就同我同我主子相約好食buffet。其實，我好想去太子酒店食架，因為好多野食…又多甜品。不過，余主任卻想去試下美麗華商場地庫間Todai。

其實，間野主打食魚生、日本野等……本來都好好，不過，甘美姐其實都唔鐘意食，但為左賠罪，就只好順一次余生主意。而我，都好鐘意食日本野，都無咩所謂…除左價錢。每個人連埋加一都要成$295……嘩！如果去我鐘意的大子酒店，有八折，連埋加一其實都只係$223咋！不過，甘美姐話齋，要賠罪，無計啦！

今晚都食左好多好多魚生、長腳蟹、煙三文魚、羊扒…嘩！正呀…全部都係我鐘意的，而且係好好味呀！d野食不停refill，都幾好呀！

我成日都以為間餐廳好細，點知都唔係呀！個場好大架！哈哈…

一團糟

甘美姐想食buffet，於是乎係公司廣邀各方參加。雖則我同甘美姐好fd，但不想同其他同事食，所以我無參與。好彩咋……

佢叫下叫下，一陣又話這個人又唔想見到那個人，個個都話唔想邊個同邊個，搞到甘美姐勁爆粗……食海鮮都食飽啦！

不過，d人最過份係懶好人幫手booking，但又專登book少d位……頂！好巴閉咩…你地咁叻，自己去食囉…笨！

但係最慘係我主子都係佢地被ignore的一位，搞到甘美姐都唔知點算好。佢想我同主子講，但係試問我點樣可以無端端同佢講呢？！係未？！

總之，公司d人都真係好鬼死煩囉！！

BB Day Camp

因為中級組要考射箭章，所以BB搞左個day camp，目的地係柴灣o既鯉魚門渡假村。中級組都算係多人參加，至於初級組其實只有四個。不過……帶住佢地，都好辛苦！雖然有林佩芬一齊睇住，但係都好好辛苦！d細路真係精力過盛……我，就當然到死。

是日休息

放假閒置家中，真係好開心！簡直係十個正…

原本因為trazy試步，諗住只係星期五放。但又見double sideway完左，所以順便放多一日。今日全日簡直只係訓、訓、同訓囉！！醒左同人msn一陣，跟住又訓！咁正o既生活，真係好想日日都係咁！！

嘻嘻哈哈的晚餐

今晚約左nicole，由於大家都可以準時收工，所以好早就去到尖沙咀，而且又可以唔駛等就可以食"板前sushi"。其實，都係咁上下，無咩特別，都唔知點解間舖成日都咁多人等。講真，我都係鐘意"峰sushi"多d！

全晚最開心的時刻到啦……就係去Haggen-Dazs食雪糕……好好味呀！

成晚係度係咁吹水，真係好開心！

感恩

今日中午無約人食飯，又無帶飯…所以諗住自己出去食啦！點知出去時路經Tracy個位時……佢話佢帶左一大盒炒飯，佢話多得滯，所以俾左半盒我！
太好了！而且盒飯好好味呀！！ 因為唔係tracy煮，係佢係佢屋企樓下買架！哈哈！

聽心事 / 聽秘密的一天

這幾天公司都發生好多事……

而我，這幾天有些不快吧！因為拖拉令人好累了，我真係好，唔想再係咁樣……放棄了！雖然係咁，不過，問心…都係快樂的。

至於chris，佢同陳強，好多argue，好多意見，大家不停講對大家的不滿！以前這只係我同我主子之間會發生和出現的現象。現在，卻發生在他們身上。

因為這事，chris竟然係lunch時間同我講左好多好多……佢的心事和一些秘密！真係想不到佢竟會跟我講…愛情！

說真，佢講左好多，但最令我震撼的卻是…佢竟然因著我同ivan的事而擔心！我無想過佢會看得出，更無想過的是她會跟我說起感情/愛情的事。(因為chris是一個好正經的人，愛情/感情是從來不會從她身上聽到的。)原來ivan真係為左我做了很多，原來他為我做了很多我無想過的，這是我最難過的。chris叫我唔好為左別人的言語而阻礙自己的幸福！好簡單的說話，但真係好入我腦。原來chris知道我好介意別人話我地係一齊，佢更加知道我係因為陳強成日話我同ivan而選擇了放棄！係呀…我因著別人的話，我已經選擇了放棄！

===========================


朋友們，以下是我給你的話︰

R sun，你叫過我要珍惜，我好記得你講過的。但我又衰左啦…我仍舊在事情過去後才明白珍惜的重要呀！

Carmen，你話過加菲的事。係呀…原來佢真係曾經都有過你講的想法！可惜，我又係太遲先醒覺了……

其實，或許又係時間的錯吧！係我地決定了以後的路以後，chris才告知所有的事。又或係我又太天真了、又或係我又再次太遲鈍了……(其實，我幾時先可以真係醒目d呢？？)

風大雨大

今日d雨真係越落越大，原本相約好去咸旦屋企探訪，不過到放工時d雨真係落得好勁呀！大家諗住取消行程，(其實今晚得我、R sun同mig)，點知主人家有點不滿……

所以在風雨中繼續行程！真係慘囉！
(點解？梗係啦…佢家住深井什麼碧堤…超遠…橫風橫雨…有雨傘都無用囉！仲要今晚教琴，教完入到去都好鬼夜啦…)

點都好，成晚不斷強調一件事……就係大家已經相識十八年啦！！嘩！日子真係過得好快好快……唔認老都唔得！不過，點講都好，我個樣都係無變過呀！！keep得很好架……哈哈！

雖然我地成日都會對大家有些不滿、有些意見，不過，十八年…老套咁講句…證明了我地之間的友情係經得起風雨架！！我地四個之間，都真係好多事都心照啦！！

仲有一個月咋……

點解時間過得咁快o既？好唔捨得！！

又是吵架的一天

一大堆o既問題又再湧現，原來放低唔理係唔得架！

今日Ada一早問我︰"你依家開心嗎？" 係囉…開心嗎？

晨咁早又吵架，點解你總要讓我在工作上難堪？我想趁早俾SA，咁唔係好嗎？明知下星期開始阿太 acting，我一定唔可以俾野佢簽，因為佢一定會成機玩我！年年都係咁架啦…你知架…但係你點解今日一早就唔俾我submit隻file入房，你係都要下星期先做！你咁樣就叫為我嗎？如果你咁樣做係叫做為我好的話，咁我只想同你講︰"對不起！我真係不明白喎！"

就係為左o黎件事，一早就吵鑊金！！

我地曾經講過，我地要努力去改善自己的脾氣，大家講過不再每天激怒對方。每天起身都提醒自己，我要收起我的脾氣！但係做起來，真係好辛苦！我要忍的，不是咁簡單！你對我要求太高了，你已經由最初所講的尺度……加長了……我好吃力了！

八號風球

晨咁早返到公司，
余主任︰喂，點解又會掛一號風球架？
我　　︰呀…點會呀？你係邊樹睇到架？
余主任︰intranet係咁講……

到了中午，因為好眼訓，所以無食lunch就訓左覺……訓醒左，chris就話我知出左 pre 8號風球了……大家又好忙咁去……搬窗台啦！(哈哈…真係玩野…剛剛搬番上去無耐，依家又話要搬！？)

個天文台又話三點半先掛，無啦啦又係兩點半掛左……最慘係竟然全層樓都無人知掛左，搞到成兩點五十分先知，死啦…係人都走晒，一定好多人搭車、又一定好塞車……

無錯，因為怕紅隧塞車，加上樓下條104巴士已經打蛇餅，所以跟左余主任同陳主任搭地鐵！去到天橋就發現同發覺我想死呀！！好好好…好多人呀……人群恐懼症又出現了！好逼呀…兩個男人已經係咁"旁"住我行，不過我都係暈暈地…仲要係咁bill冷汗……(兩位男士仲要同我講笑話︰"你可能真係暈左會快d返到屋企喎！因為有白車坐呀o麻…" 佢兩個真係作死呀！)

由天橋到入到灣仔月台到入到地鐵車廂，一共用左……四十分鐘有多……呀！好想死呀！去到金鐘仲恐怖，成個鐘咁滯先上到車……當時企係度等車我已經好想喊呀！真係架…人群恐懼症真係好慘架！

好彩，去到尖沙咀轉火車就好d，雖然仲係好多人，不過已經無係灣仔同金鐘時咁恐怖！這刻實在太累了…所以搭頭等返沙田！逼左幾個鐘，真係身心疲累了！

返到屋企都成五點幾啦！真係唔知為咩囉！？點都好，要多謝余主任同陳主任啦！因為佢地理應搭去北角轉車，但為左我都陪我咁樣搭，佢地咁樣搞到都成五點鐘先返到屋企呀！你地太好了！

(打完今日的經歷後，依家係九點未夠，不過我要覺覺豬啦！因為真係太累了！！)

與神關係

團契網頁上有個新的msg，就係叫大家講下你同神的關係，仲要俾分添……1至10分。而我，就只係俾左自己4分咁多！

其實幾個月前，我已經發覺自己為左去玩而返少左好多好多BB、團契。就算返左，其實個心都唔係度。就算係每月一次o既兒童崇拜都其實係遊魂，成日想快d完快d完……

天父爸爸，你教下我可以點呀？就算每天我同你禱告時都好多時心不在焉、或者訓左、或者發緊夢……點算好呢？其實我每天都好感受到你與我的同在，但係我卻偏偏沒有好好咁同你禱告！！

打風

終於都打風啦！今年竟然到八月先有個風吹近香港，地球先生真係好病啦！我地要努力去救救地球了！

由於天文台話個風逼近，所以今日下午……係公司……又開始一個好麻煩的工作！哈哈…就係將窗台的物品放番落地呀！！你地仲記唔記得當年呀？？大家都唔想再落街找野，所以都好努力咁去搬呀搬………努力努力！

唔知明天會唔會有半天假呢？？

今日

暑假期間理應交通暢順，但係唔知點解上星期到今日都好趕，仲要日日都差d要遲到，真係都唔明點解？

bbbbbbbbbbbbbbbbbbbbbbbbbbb

肥輝今日見board，嘩！一個大肥仔著起老西，大家都覺得似個部長！好心佢就唔好買套黑色老西啦！話是話，佢個身型加埋著住套西裝，真係好似六師弟呀！！哈……

bbbbbbbbbbbbbbbbbbbbbbbbbbb

Wendy T︰知道你有左BB，我真係好戥你開心！但係點解你竟然會……？？你心知神的旨意，希望你不要再逃避神。放手交托給衪，衪給你的必是美好的。

bbbbbbbbbbbbbbbbbbbbbbbbbbb

今日我地大家都好開心，唔知點解呢？不過，放手同不再執著，真係令我地之間開心了好多！你成日話我做人似個細路，但係你仲似囉！今日一早見到你望住我把遮係咁係度笑，我真係覺得你好傻架！！

bbbbbbbbbbbbbbbbbbbbbbbbbbb

今日跟wendy通電話後，再次提醒了我，我地都退後了，其實反而更珍惜。每個人都有佢o既選擇，不再執著，明白我要靜看神的帶領。其實又係o既，這幾天我地兩個都好似返回原點，大家每天都過得好開心！諗下諗下，我地以前兩個每天不就是這樣嗎？就算頂嘴，都係開心的，而不會吵至面紅耳熱的。明白你熱愛網球多於一切，這根本就是我最初認識的你。不要對人多疑，不要猜疑別人，這會更加開心！

下半年

唔知點解，我由細到大都覺得真正的下半年開始係講緊八月以後的事。2007年就係咁就過左半年了，而且八月都過左五天添！

希望2007年的下半年，我每天都過得開心，希望每天都可以繼續同我鐘意的人一齊過啦！當然，希望每天都可以同你地一齊繼續分享我的所有事！

(你仲係度諗"你"係邊個？你真係"蠢材"……"你" 咪就係依家睇緊我個blog的人囉！！哈哈！！)

開飯啦

今日係秀麗的生日，大家都約埋出來同佢慶祝。同琴晚一樣，食飯人數買少見少。今晚出席的當然係有秀麗、Cheryl、富東、Belinda、阿ming、Isabella、米高、Betty、歷蘇、蕭BB同我。

我今晚又做左湊仔婆，點解每次蕭氏伉儷都要將個仔俾我架？！不過，都好開心，因為又有BB玩呀o麻！

Cheryl個BB十一月就出世啦！今晚見佢個肚已經比我早個星期前見到的大了好多，見到佢都行得有d辛苦。

咖哩好好味

今晚同中學同學去左重慶大廈食curry，都幾好食，而且價錢都算係平！好彩阿夢book左位，唔係都要等。

每次食飯都越來越少人啦！今晚就有我、nicole、holly、阿才、阿夢、hellen同埋家樂。阿量都好耐無見了，唔知佢點呢？我覺得佢好似越來越收埋自己，佢好似想避開我地咁！家樂仔都成年無見佢啦…不過佢都係無變過。我覺得我地成班人都 keep得幾好呀！大家由讀書到依家個樣都仲係咁年輕。

holly有左BB，BB女十二月就會出世啦！好期待！我地這group人將會有一個新成員，唔知會唔會又少左一pair人成日出來呢？

見到佢大肚，不得不去承認我地真係長大，大家都開始進入一個新的人生階段了。

歡樂時光

這幾日返工有一種好輕鬆的感覺，因為阿太放大假！無人逼我交數……哈哈……太好了！

假期後遺症

好耐無見過o既……

假期後遺症

今日又返o黎搵我呀！！！！

點算好？？今日都無咩mood呀……

北京奧運

星期六參加左北京奧運o既義工筆試，嘩！真係感到自己好似好唔認真咁！

兩點半開始考試，話要早十五分鐘到試場，而我……真係好準時咁先到試場。到左之後仲要發要各位都好努力咁係度溫習……但係我，只係之前係咁依上網睇過下d資料。

到左正式考試時仲搞笑，第一部份係要係三十分鐘內完成五十條multiple choice，大家都好努力咁去做，我見到有d人仲好努力咁去覆試題……不過，我……用左十五分鐘就做完，而且都無double check。唉…係唔係我太唔認真呢？？

第二部份係要係一個小時內作兩篇文，一篇中文、一篇英文。我都只係用五十分鐘到就完成，不過又係發現身邊好多人都仲好努力去作……

見到其他人咁努力，我都諗諗自己係唔係好似唔太認真呢？我真係好想可以去參與這次的奧運，不過我又覺得好似唔使好似這些人咁去預備囉！！

但係點都好，這次考試都已經係一個好好的體驗了。因為新聞話香港區有超過五千名申請者，但獲邀參加這次考試的就只有一千多人o者……咁我都算係好幸運啦！！

咁又過左一個禮拜

失左聲一個禮拜，或許係神要我安靜的。



咁又係o既，出唔到聲…

1. 我地唔使吵架，終於可以靜靜地每天工作。

2. 可以成機唔使教新人

3. 可以唔使回應"所長"的不合埋的工作要求

4. 最重要的…就係可以靜下來好好咁思想！



開始double sideway的第一天就預左我這個月一定會病，因為成日都係咁，只係估唔到咁快就病鬼左！唉……都唔知邊日我先會身體強壯d呢？

以為這個星期我會過得好辛苦，不過又唔係喎！天父爸爸，多謝你！你又讓我看見你每天在我身邊，同我一齊開心一齊流淚的時候！

天父爸爸，我愛你！

為我好？！

我講過叫你不要再這樣為我，我怕別人的閒話，我同樣都怕你咁做會影響了你。不過你到今天卻仍然堅持要這樣，難道咁就係叫做為我好嗎？我都想要一個好o既report，不過不想是這樣吧！

究竟我要點做你先可以放手呢？

我又病了

晨早起身已經喉嚨痛，返到公司……咳左兩聲以後……連聲都無埋！！

好慘呀！！

Enjoy the DAY

今日係你的大日子，但係我地最後都選擇不一齊過，我最後都選擇取消假期…

退後了一段日子，我學懂了放低執著。我對你，都學懂了放手。我一直都深信，要是你是神給我的祝福，無論你去了哪裡，你都必會返來。這是我深信的！

十二點正，給你說了聲生日快樂以後……你今天都應該會過得很快樂吧！而我，今日都竟然出奇地咁快樂！！

今天真係好開心，我真係 enjoy the day！由朝笑到晚，就算今晚學琴，阿sir都話我今晚彈得十分好…嘩！真係神奇！今日真係十分開心、十分平安…你呢？今日過得開心嗎？今晚打波又有無嬴呀？

==============================================

每個人都有選擇權，你選擇繼續責怪我，我不會埋怨你。我明白你怪我的原因，但我真係想話你知……如果我真的不是處處為你著想的話，我真係會一早入房要求調位。我都有我的選擇權，我想這兩個星期的事，已經叫我要選擇放手吧！人的感覺最真，可以欺騙全世界都不可以欺騙你自己。我仍是我，我覺得我無變過，只是你心頭高了。

Happy Birthday to YOU

Happy Birthday to you

Happy Birthday to you,

Happy Birthday to Ivan.........

Happy Birthday to you !!

wish you all the best !!

新的一週

新的partner，新的開始……好快咁又過左一星期了！余主任話我明顯開心左，陳強又話我明顯靚左……嘩！咁神奇？

其實，我諗我真係開心o既…因為始終我唔想見的人不再坐在我對面，依家個新partner都起碼同我地幾個有講有笑。

不過，我的workload就一定係十分重啦！要教新人、要double sideway、要幫余主任、又要幫"所長"，當然仲有自己野要做……真係想死啦！就剛過去的一星期來說，我一個星期的output加埋只有40幾，但係我地個位每天都要交target數為60……嘩！慘啦！一個星期加埋連一日數都無，我o黎近這星期一定被人照肺啦！死得囉！

但係我都仍然記得要去感恩，要去多謝天父爸爸，因為他聽禱告，我才可以在工作中有新的轉機呀！！

生日飯

你真係好忙呀！想見下你都好難，連同你食生日飯都好難。你日日都要打波，打波好似比任何事都來得重要呀！就連你星期一正日都要打波，網球好像是你的最愛了！

你好難得咁抽在兩個鐘同我食飯，我係唔係要感謝你呢？

中午去左銅鑼灣間峰壽司食，十二點咁早去度都竟然要等位，真係有無搞錯呀！？好彩等左十分鐘度就有位啦！唔知係唔係好耐無食sushi，覺得好好味呀！！

我都好耐無同你好好咁傾過啦…好難得你今日心情咁好，所以大家都好好珍惜這兩個鐘，係咁係度傾，大家都只係合共食左十碟咋！以前，我一個人都食到啦！！食完sushi又去左食豆腐花、又飲豆漿，好好味呀！因為夠晒冰凍……正！

過兩日你就大一歲了，你就係咁又老一年啦……哈哈！

新的開始

終於都等到了…琴日應該係大執位的一天，不過，由於有人要放假，所以到今日先正式搬走！

嘩！有人晨咁早就返工，笑到好得戚咁！車…快d搬啦！真係見多佢一陣都頂唔順啦！真係個人煩，就連搬野都煩過人。你地話呀…搬埋部電腦走就講得通，連d線都話要搬埋…呀！真係俾佢激死！又唔俾番佢依家個位d線我個新partner……真係到走都要令人激氣！！痴線架！！

有人講到自己好掂架…又有人扮好人，同我新partner講話要帶埋自己未做完的file走，因為係一些好深奧的cases，佢認為我個新partner唔會識做喎……不過，我個新partner係一個好強、好好學的師奶，佢一聽見佢話佢唔識……佢真係火都o黎埋……兩個女人就係咁樣就係度開火！？

我坐係度都好似睇戲咁…由於我個新partner唔想佢帶埋d舊cases走，又頂住度氣，所以就要求余主任去番d files……不過，C小姐竟然唔肯俾番d cases，最後要出動"所長"去取回。大家睇見到覺得好好笑……哈！

不過，當files取回後我先發覺……佢當然不想交出files啦……因為好多files都係佢做錯的cases，佢留番自己執手尾架！！車…又話自己好醒！！

但係點都好，我唔使再對住佢，我就真係開心啦！雖然新的partner都頗o肯，(佢講野都成日有d骨架，而且好有阿姐的風範)，不過佢都係好人o既…起碼個人d行為正常d囉！不過，我辛苦的日子又開始啦……今日開始要double sideway一個月、又要教新人、又要重新幫番"所長"埋數、又要做自己個位，當然係要繼續服侍少爺啦……嘩！我係唔係一個機械人呢？？今日連chris都話我已經化身成一個鐵甲萬能俠……呀……唔想呀……做米奇老鼠都好呀，點解要做一個機械人喎！？

這個星期

總括來說，今個星期係一個黑到無可再黑的一個星期。當中有開心亦又失望同流淚的時候。

星期一pk得原來都很厲害，個傷口到今天都好痛好腫，有時候仲有些血水滲出來…o依…好恐怖！

而且，今個星期一係我媽媽正式調走的一天！好唔捨得，因為係公司又少左個鍚我o既人啦！話晒都識左十一年啦！我一入稅局就識佢……(時間真係快！)

星期二當然係感恩的一天…對我來說！感恩我終於可以不再要對著對面個癲婆做o野！但說真，我不是真係這麼開心！因為始終我同這C小姐曾是要好的朋友，佢咁樣插我…試問，我係唔係真係會快樂呢？

星期三到今日，其實都無開心過！余主任為左我對面的事，大家都嘈左好多日。你覺得我知道 / 聽到了說話不說給你知，你責怪我？你怪我今日的局面是我一手造成？我想問，我可得可能呢？你係唔係要我去承擔一切呢？好難得大家好像可以相安無事一排，點知對面個又搞到大家關係好似好差！你要為你的前途，咁我又如何呢？

星期一就會有新的局面啦！辛苦的工作生活又要開始！我又要教新人，又要double sideway，又要follow少爺的工作，對面果走左，我又要幫番個"所長"埋數……呀……想死呀！！

這幾天真係好辛苦，你的事業、你的前途對你好重要，但點解你這幾天都好似要我去全部承擔晒呢？你想我點呀？！我真係好唔明白喎！！

感恩

琴日就覺得自己黑過墨豆，不過今日卻十分開心！我要感恩讚美神…哈利路亞！

由於阿太條team將會有一個吉位，我對面個癲婆今日無端端走入房同SA要求要調過去跟阿太！嘩！知道這消息，真係立時由心笑出來，興奮心情…好難形容…我想有d朋友都會感受到，因為你地應該這時收到了我的SMS吧！哈…

我真係要感恩，天父爸爸聽禱告，我要多謝你！你真係一直保守我、帶領我，我要感謝你！

其實你係唔係想知個C小姐講左d咩呢？！
(1) 佢話我同chris同肥仔輝成日跟陳強講笑，說話對佢有挑釁成份，佢唔好受喎！
(2) 佢話陳強有時講三級笑話，佢覺得係又係挑釁佢喎！
(3) 佢覺得佢係K6無前途喎…因為佢做野好過我同chris，但係唔知點解d老細成日都要buy我地，同埋寫report都好過佢…(我覺得簡直係荒謬，盲都知佢做o野唔得啦！)
(4) 佢覺得佢好努力幫同事，但係無人欣賞喎！ (仲離譜，佢話幫polly，但係只係做左十隻cases就話幫佢做晒d cases，真係正中擘大眼講大話囉！我無出過聲，真係係咁係度做，佢做來做去就係得個十隻咁多，就周圍講自己好辛苦咁幫人…車！)
(5) (最離譜的reason) 佢話我同佢都有好多common friends，不過，我同佢反面後，我將這些common friends都搶過來，叫人唔好同佢做 friends 喎！ (你話o黎d人係唔係痴o架…真係想打電話去青山醫院問下有無床位收留佢囉！神經病！個個都咁大個，會唔會咁小朋友呀…痴線！)
(6) 佢話余主任對佢態度好差喎！
(7) ……

今日佢入房short完後，SA立即召見我同余主任。不過，真係感恩，因為SA竟然唔buy佢。我當然都要學佢咁扮下可憐，叫SA不如調我走好過啦！點知SA竟然話令願放棄佢都一定要留低我，而且仲話一定要我工作開心為大前題…嘩！不論真與否，睇落牌面我已經嬴晒了！

無論點都好，多謝天父爸爸外，我都要多謝你地。各位朋友，你們的禱告或支持，對我真係好重要，你們支持我咁耐，終於得到解決了！

星期一開始，佢就會過去跟阿太。雖然我又要教一位新人，不過，還是有希望！

我要繼續努力禱告！！禱告力量真不可看小呀！！

Black Monday

今日都肯定係一個黑色星期一！！


晨咁早就出門口，因為傻媽媽今天要調去新的section啦！我應承佢早d返去幫佢搬o野，不過今朝塞車塞到傻，雖然無遲到，不過都無早到。

落車後仲慘…係扶手電梯上PK左，搞到左腳流血同腫左，右腳就瘀左……呀！好慘呀！好痛呀！我真係黑啦！


到下午又係慘，被阿太屈我double sideway。我想say no，怎知佢係度要脅我，好大力咁捉住我隻手，係咁係度逼我……有無搞錯呀！

天呀…點解我會黑成咁架！有無天理呀！！

一家人食飯啦

好耐都無見R Sun 同阿 Mig啦！一個係我老豆、一個係我阿爺，一家人終於都可以約埋食餐飯了！由年頭約到年中，大家都真係忙啦！

今晚去左旺角打邊爐，雖然d野唔好食，不過志在大家係度吹水啦！說東說西又一晚，時間真係過得好快好快。其實我地三個由中學識到依家，都已經十八年有多啦…時間真係過得快！回看同回想以前的開心事，真係好似唔係好耐之前，但係轉眼又十年有多了！真係唔認老都唔得啦！

我地三個成日都話去旅行，但係講左幾年都未成事，希望真係好快可以出發……好期待呀！

七一慶回歸

七月一日你地去左邊樹玩呢？我就去左carmen屋企玩通頂，嘩…死囉！今次真係唔認老都唔得啦！以前話幾個通頂都得，依家…一晚都已經想死啦！

成晚係carmen度做咩呢？！打wii、做 facial、食野…同埋大家都估唔到的事……就係打麻將呀！哈哈…大家一定係十個驚訝，對嗎？！係呀！大家竟然不怕我stupid，竟然肯教我教麻將呀！！仲要什麼三番起糊，我都覺得自己十個勁呀！(連我daddy mammy都係咁講呀！！)

又玩又食到天光，之後一清早就出返去將軍澳飲早茶。不過，大家都係搵周公陪飲茶多d囉！

返到屋企就係咁訓…訓到成五點幾。如果唔係要去學琴，我諗我都會繼續訓到大天光囉！雖然玩通頂好辛苦，但都十個開心同十個好玩呀！嘻嘻…

晴天‧陰天‧下雨天

今日天氣都幾唔穩定…但肯定的是，天氣真係影響一個人的心情。不過，我就好似今朝天氣一樣咁開心！！希望天天都係咁樣啦！！因為日日都笑先係我o麻…你話係唔係呢？！

有個傻佬，佢就由琴日開心到今日…希望你日日都咁開心咁對我啦！我唔想每天都有argue，我唔覺得咁叫情趣囉！

有個癲婆 (我諗你都知係邊個啦)，佢又無端端係度…落淚？！我同chris又係度諗點解……嘩！真係講你都唔信！因為佢以為同佢好fd的同事中午食飯無預佢囉……好似話係事源成班人去為另一個同事慶祝生日食飯，不過，到大家要準備出去時先發覺無叫佢，仲要個負責人好大聲咁話︰"算啦！我一路都無諗過叫佢，唔好叫佢啦！"　就係咁…佢就喊，不過我地各人都看到忍唔住咁笑。

思想一堆

我又病左…今次喉嚨好痛呀！我真係身體好差，唔知邊日先會好d呢？

中午返左church同天任一齊pre-study，大家都傾左好多好多…

• 點解我近來真係好似無咩動力返團契呢？？
• 點解我好似對所有事都提不起勁呢？？
• 點解我好似成日都病？？
• 點解我好似成日都被公司的人事關係影響了自己？？
• ……

其實這幾日都有好多人跟我講過上面的事，但係…我點樣先可以多番d動力呢？！

今日返到church又見到符雋偉，今日真係最後一天見到佢啦…佢要移民美國。昨天係BB時見到佢都有些唔捨得，我初時返BB時，佢都係剛剛返，見到一個小朋友的成長，真係會有一份感情o既…Leading Boy，Ms. Lee在此祝福你，希望你能盡快適應新的生活！不要害怕面對新的環境，神必會親自帶領及保守你及你一家！哈利路亞！

======================================

天父爸爸，感謝你在我迷失的時候，你仍差派天使我在身邊…帶領我、指引我、提醒我，求你繼續親自帶領女兒前面當行的路，求你繼續親自垂聽女兒的禱告，求你加添女兒力量，並求你親自醫治女兒的病痛。阿門

愛情與婚姻

~~~ copy from fd's web site ~~~

我要感謝

天父爸爸，我愛你！你又再一次一次聽我禱告，多謝你又再一次一次答允我的祈求！真係感謝你！我要繼續不停地禱告…

你叫我好好學懂信心的一課，你又叫我好好學懂交托的一課，你又叫我好好經歷你的愛！多謝你！

Meaningful

變幻莫測

這陣子天氣真係時晴時雨，天氣真係會影響人的心情。大家都心情不好，你點解不好呢？我唔知，我問過，但你無回答。黑面同沉默就係你給我的回應吧！

我同樣心情唔好，因為你的回應吧？！係唔係呢？？

R sun叫我要珍惜，你講的我有努力去做，但真係好想放棄了！每天都向後一步，一步一步遠離了。初時的一步，大家都覺得好舒服；但咁多步以後，大家反而唔開心，點解咁呢？！

人或許真係變幻莫測，好似這陣子的天氣咁！你成日問我點解要苦笑，講真，我好辛苦呀！

pat，你今日同我講的，我明白同理解。但係我真係發覺大家都另有目的。

人與人

這個禮拜發生好多事，團契、公司，你與我，他與他…人大左係唔係就係咁呢？？

團契︰睇到牛姐o既留言，睇到大家的回應…感覺係自己都有慚愧，因為我這陣子都真係返少左。成日都掛住去玩，好難決擇；去玩？返團契、返BB？以前我好等待星期六，因為可以返團契，又可以係BB度見到一班我喜愛的小朋友。不過，這幾個月我卻為了玩，為了朋友，選擇唔返。就算係返，完左又好趕咁走，連團契後的晚飯都原來好幾個月都無參與了。

公司︰又係講到我都覺得好悶好煩的問題。余生同陳生都成日話要睇開d，但我同chris都覺得我睇得好開啦！不過，我真係覺得好煩、好煩。

你與我︰我由細到大都好唔鐘意嘈交，不論係邊個錯，我都會選擇先道歉的那位，因為我都唔想聽到吵架。不過，這幾個月我地為左好多事都嘈得好厲害，日日都要起碼一次你對我黑面，又或我對著你黑面。究竟點解要咁呢？以前我一定會先道歉，不過，這排我卻沒有。我每一天都叫自己向後一步，會唔會係我向後太多步，我跟你的距離又遠左呢？

他與他︰其實…(無話可說了！我只希望你都可以學下我地咁樣從另一個角度來看看！)

家會

我今年係團契話晒都係一個副組長，但真係好慚愧，我今日竟然係第一次出席自己組的家會。我記得之前兩次都有事未能出席，可以同組員一齊食下飯、吹下水，都真係好開心o架！！

今日下午四點幾鐘去左trazy屋企開的茶餐廳邊tea邊吹水，之後就好左食打冷…嘩！正呀…九龍城真係好多野食！之後又去左合成食糖水，好好味呀！！

我真係可以肯定我今日一定係肥死左囉…又食buffet，晚餐又咁豐富……

怕車我下星期開始真係要去跑下步，只係騎單車都怕不夠了！！

熱到傻

以前人地話未食五月"傻"，寒衣未入"籠"…不過，今日未食果隻傻都俾太陽伯伯熱到我傻左啦！我可能皮膚由細到大都唔好，食得太多類固醇，所以醫生以前都叫過我唔好再曬，就算我係好鐘意曬黑，但都唔可以再同太陽伯伯對抗啦！因為我這幾年曬完d皮膚都……

所以琴日返工前都已經做好所以預防措施，不過，返工咁早而且會曬到的路程咁短……我隻肥手臂都竟然會曬到紅晒……今晚返到屋企都仲係好熱同好紅………又曬傷左啦！

話雖如此，不過今日都係好開心…因為今日又係要返工OT聽 hotline，今日又係part住serena，今日我地再無打機，但係就係咁係度吹水，真係好開心！

聽完電話又約左傻佬去左食buffet，雖然唔多野食，不過有我喜愛的羊扒大量供應！真係正呀！！好開心！！今次真係肥死，食左好多羊，又食左好多甜品，又食左一大碗…ice cream

食完好開心，不過一行番出條街……

太陽怕伯，你其實係唔係傻左呢？！點解你會同我地咁熱情o架？！我已經俾你曬傷左了……

行雷閃電

嘩…都唔知個天搞咩？！又行雷又閃電，嚇死我啦！！搞到我係屋企係咁大叫…mammy話我叫到差d嚇死佢喎…真係俾佢激死…

落到咁大雨，搞到個人都無咩mood。只係tea time時見無咩雨，就同個fd去左新城市食tea……不過，佢真係生漬。已經叫左兩個飯，點知食完仲話未飽，又走左去IKEA食左個熱狗，食完仲食左個軟雪糕……嘩！真係恐怖… d人係唔係傻o架呢？！話係食tea，點解搞到好似食晚飯咁飽！？

星期六呀

原來我唔駛星期六返工都成年啦…不過，今日就要返呀！！因為要聽 hotline，真係慘！以前d所謂高層，都唔知佢地諗咩？！竟然話要延長電話hotline服務時間，但係公司每一個人卻要輪流去聽！！無計，平日我好多時都唔方便咁夜走，所以唯有要星期六聽啦！

好彩都算ok，因為由早上九點到中午一點都只係聽左四十幾個calls。都要感恩啦！天父爸爸，多謝你呀！！

今日都算好好笑，我同serena兩個代表我個組去聽，佢就坐係我旁邊。我地兩個聽幾個電話，就一齊去飲水，再聽幾個電話又走去toilet。後來更好笑的是，我兩個邊聽邊打機……哈哈！

不過，打打下機要走鬼呀……因為所有高層，AC同大CA全部出現呀！！其實佢地咁得閒就好心一早返來幫手聽啦！！
==============================================

因為戴headset聽電話都聽到耳仔好痛，所以放工要食番餐勁呀！！

嘩！約左ivan去左金百利食lunch，食左好多野，仲要飲埋紅豆冰…肥死啦！不過，真係要好好補償自己，因為今朝真係聽得好辛苦呀！！

==============================================

食完就返BB同團契，今日我兩邊都要帶詩。哈…為了方便，兩邊都係唱…我以禱告來到你跟前。會唔會真係懶左d呢？！天父爸爸，你唔會嬲我嗎？？

不過，我真係好鐘意這首詩歌o架！

煩惱只是投射

你的煩惱是因為其他某個人，他的煩惱是因為你，周圍的每樣東西都是你創造出來的，都是你投射的，然後你變得害怕、驚嚇，而且努力去防衛，然後就產生痛苦、挫折、衝突、沮喪和抗爭。整個事情都是愚蠢的，而它將會保持這樣，除非你改變你的態度。一定要在你裡面找到原因。 ─奧修

別人怎麼想我們、沮喪怎麼包圍我們，其實都是我們投射出來的，都是「魔由心中生」。除非你改變你的態度，一定要在你裡面找到原因。煩惱只是投影。

家--不是講理的地方

這是我的好友在異國結婚時，他父親從大陸寄來的信，結婚當日司儀當眾就把全文朗頌出來，那是我見過最安靜的一次請客場合，在場學生無不為其父母的摯愛而感動，雖然事隔多年但那個場景仍然深深印在腦海中，這篇文章後來流傳開了，我則是一直保存到現在，在父親節重新校謄，希望能有所啟示， 家-- 不是講理的地方。

——一份不在婚禮上的家長致辭
萍兒：

爸媽聽到你要結婚喜訊，真為你高興，遠隔千里，我們不能參加你的婚禮，不能在婚禮上獻上我們的家長致辭，這是我們內心的一點遺憾。

但你是我們的女兒，相信你能理解爸媽的一份感受。那天放下電話，我和你媽沈默了良久－－我們的孩子怎麼一下子就長大了？後來，你媽對著鏡子淡淡地說：你看，我的白頭髮又多了，萍兒也該結婚了。我數著你媽的白髮，那些白髮竟像許多往事，一件一件浮上心頭。你媽提醒我：還是給女兒寫一封信吧！就算是我們送你的一份新婚禮物。

萍兒，我們只是天底下最平凡的父母，我們的孩子也只是天底下最平凡的女兒，我們不奢求太多，只是希望我的孩子踏上婚姻之路，走向人生之旅後，能滿懷感恩，一路平安在這裏，給你一個我們的生活體會。先要告訴你：家不是一個講理的地方。

這句話聽起來，很沒有道理，但千真萬確，這句話是真理，是至理，是多少夫婦，多少家庭（包括我們家）用多少歲月，多少辛酸，多少愛恨，多少是非，多少對錯，在糾纏不清難解難分的混亂中，梳理出來的一個最後結論。當夫婦之間開始據理力爭時，家裏便開始布上陰影。兩人都會不自覺地各抱一堆面目全非的歪理，敵視對方，傷害對方，最後只能兩敗俱傷，難以收拾。

多少夫妻，為了表面的一個 "理"，落得負心無情。他們不知道，家不是講理的地方，不是算帳的地方。那麼，何為 "家"，家是什麼地方？萍兒，我們年輕的時候，也回答不了這個問題；也像許多夫妻那樣，為一點小事爭鬧不休。那一年為了你小叔的調動問題，我和你媽大吵了一場，甚至鬧到要離婚的地步。

只是在那個時代我們還缺乏勇氣。直到有一天，一位老戰友在他孩子的婚禮上說："希望你白頭偕老，相愛永遠" 時，愛這簡短的字，像春雷響在我心裏。是的，家不是講理的地方，家該是講愛的地方。

愛一時很容易，愛一生一世卻不容易，這裏面有許多妙處需要我們去總結和體會。其次我們要告訴你：婚姻是個空盒子，你必須往裏面放東西，才能取回你要的東西；你放的愈多，得到的也就愈多。很多人結婚時，對婚姻有許多期盼，期盼從中可以得到富貴，藉慰，愛情，寧靜，快樂，健康，其實婚姻開始的時候，只是一個空盒子。

走到一起的兩個人，一定要養成一個習慣，去給，去愛，彼此侍奉，彼此讚賞，日後，那個空盒子才會日漸豐富起來。空盒子最先該放的應該是"思念"，思念是一種使我們刻骨銘心的東西。

它是兩個人有了肯定，有了情感，然後進而關懷，進而疼愛的一種情緒。"思念"是疲憊時通向家裏的一條小路，是寒冷冬夜裏的一股暖意，是匆忙推開家門後撲面而來家飯香....空盒子裏還要放進"藝術"，婚姻生活中的藝術。

在婚姻生活中，需要講藝術的地方無處不在，生氣有藝術，吵架有藝術。

萍兒，這封信，就是爸媽送給你的結婚禮物，我們希望你帶著我們的祝福，快樂的飛翔！

爸爸，媽媽

一步步地順服

這些事以後，神要試驗亞伯拉罕，就呼叫他說：「亞伯拉罕！」他說：「我在這裏。」神說：「你帶著你的兒子，就是你獨生的兒子，你所愛的以撒，往摩利亞地去，在我所要指示你的山上，把他獻為燔祭。」（創世記廿二章1～2節）
　
我們的困難不在於不曉得神的旨意，我們的苦惱是明白神的旨意，可是不想做！當神第一次向亞伯拉罕說話時，祂的指示相當直截了當，祂說：「往我所要指示你的地去。」（創世記十二：1）接下來的許多年，神領亞伯拉罕經歷一些試驗。當亞伯拉罕等了廿五年，才等到神給自己兒子的應許，他學習到耐心。在與諸王的戰役和毀滅所多瑪、蛾摩拉這件事情上，亞伯拉罕學習到信任神。亞伯拉罕信心之旅的最頂峰，是神要他獻上自己最心愛的一樣東西。亞伯拉罕過去的順服，讓我們看到他願意立即獻上自己所有，而這回他是否預備好了？神並沒有在一開始，就要求亞伯拉罕作出偌大的犧牲，這是發生在亞伯拉罕與神同行三十年之後的事。在你的基督徒之旅中，神會逐漸向你顯明祂自己的作為。你對神的信任會愈來愈深，就像亞伯拉罕一樣。當你剛成為基督徒，你主人可能給你相當基本的指示，像受洗及改變生活的方式等。當你更進一步相信神，祂會培育你的個性，好讓你面對更大的試驗。那最大的試驗會讓你明白神的大愛，並更清楚神的作為。你是否預備好遵循神下一個指示呢？

西貢之旅

今日中午約左ivan，大家都唔知食咩好，諗左一輪……終於去左西貢。天文台一早就話今日會有狂風雷暴，但係決定入西貢時卻係風和日曬。

入到西貢，食完午飯就周圍行，行到西貢碼頭，見到有船去半月灣，因為我地都未去過，所以就想去玩下。這時個天都不錯o既……但係當船一開就發現個天開始落雨了。d雨仲要越落越大，嘩！！唔得點啦…真係好大……點知差不多到半月灣時卻又發覺停左雨喎！

不過，落左船行左一陣又……呀！個天好似穿左咁……直頭係倒水咁！！我地雖然有帶遮，不過太大，有都無用了！

終於都等到下班船，我地當然立即走啦！！不過，這時我地都已經濕到透啦！！返到屋企時發現我都真係濕得好緊要，我個袋濕到連入面個銀包都濕晒……對波鞋就更加不再話下啦！！真係慘！

雖然今日濕成咁，不過卻好開心好好玩o既！！

Dramatic Friday

今日真係十分dramatic，返工時都好開心，因為星期五啦！！太好了！！

不過，開心左一陣，又因為工作原因又跟余主任吵左一陣……吵完，當然大家都唔開心！唉！其實都係我有d過份左o既……對唔住呀！！(睇o黎，我都真係要好好學習控制情緒。特別係同余主任，我都有d學左佢，佢成日都發我脾氣，依家就到我成日發佢脾氣了！！) 我兩個吵完仲要繼續用email開戰……唉……好驚佢有一日都唔再理我啦！！

搞到今日中午都無心機食飯，留左係公司度打NDS。點知，發現陳強同chris吵架啦！唔知係唔係我同余生吵嘴的風吹左過去呢？！不過，睇見佢地係度吵我都覺得好好笑，真係好好笑o架！！佢兩個真係好似吵不停，由lunch吵到我放工。就係咁，我的心情就由谷底升番上o黎啦！！

夜晚又約左wendy食飯，我地真係好耐好耐無見啦！今晚我都好開心，因為又見到小朋友呀！佢個仔仔竟然話認得我呀！！真係令我好開心，因為我同佢其實都好耐無見了！！wendy依家搬左番去大圍住，真係希望以後我可以多d時間跟佢見面啦！！

你想點呢？

煩惱同懊惱又再出現！我真係很累了，C小姐又不停係度講，講來講去，我知道我要學懂接受。亦講真，我都已經接受了，但係我依家覺得日日不停講，只係好煩！真係好煩！

即使我應承過余主任，如果再聽到什麼都要坦白告知。講就容易，你知我，再講就只怕係自己變左是非精。就算余主任幾值得信任也好，我就係唔鐘意咁樣將是是非非講來講去。

唉！朋友，我又好唔開心！我唔係要人日日"乙水"我，但係點解我連平淡的生活都好似咁難！我又再次不太控制到我的情緒。

我今朝又向余主任發脾氣，不過，我覺得都係佢唔好，佢一早係度話我幼稚，我最唔鐘意人話我幼稚。你可以話我stupid，foolish或怎樣，但真係好唔鐘意人話我childish。啊…真係好對唔住呀！我知道要學習控制情緒，但唔知點解就係返到公司就一定做唔到。

============================================

新一年的工作又開始啦！又話二三村的AO會對口咁幫手，我同C小姐就應該part住 yvonne，其實都應該係幾好，但對面果個總是要有意見的。因為C小姐同 yvonne又係有牙齒印，其實佢同四週的人都有仇o架啦！但唔知點解就是d人看不出，大家都仲以為仲相信佢好可憐！

傻媽媽聽左好多，yvonne聽左好多，kitty姐姐又係聽左好多，甘美姐都聽了不少……大家又再為我擔心起來。佢地越擔心，其實我就更加唔想再講。你地都應該明白o架啦！依家係公司度仲叫做理解我的就得番這四位咋…其他的人唔係唔信，但開始對我有懷疑。tracy同我都仍然好fd，不過佢始終唔係K組出身，所以我跟C小姐的恩怨都唔想佢involve。原來幸福真係唔係必然！早幾晚余主任仲話我其實好幸福，我今日就覺得我真係好幸福，但除左係公司的時候。

C小姐，你其實真係想點呢？？！！

=============================================

有個人係公司成日話我知佢對我好好，我應該知道！又話我應該明白！我想話你知，我真係明白同知道，但係開心要付出的代價……我發現係好大好大！我已經係一個發現開心已經係離我好遠的人，如果依家這少少的開心還要付出咁多的話，我想講你知……我情願不要。

==============================================

每個人對每一個人都好似在背後計過度過，每一個人對每一個人/事都係有動機的。各懷鬼胎，真係用來形容我公司的人就最好不過了。

十一年前的五月十三日就係我入政府做的第一天，話咁快我今個星期開始就叫做踏入第十二個年頭了。這十一年裡真係有起有落，有歡笑亦有流淚。但係就真係好似開心的越來越少，簡直就係直線下滑……過多一個月度，傻媽媽都走埋，我的工作情緒一定更加低，簡直係低無可低了。

點解我好似真係仲未長大咁？！我仲係好似未適應這個商業社會咁？？還是我仍舊生活在我的溫室中呢？！我真係平淡的生活都可以，只要唔好有人不停係度扮可憐便可。聖經都教導人要保持孩童的心，我有呀！但無人會欣賞的。

五月十日

今日一早，老鄭send左個sms俾我︰
"此事此刻才是重要，
未見之事又怎能預測，
享受每一刻的優閒，
盡享搵錢的一天。"

嘩！享受每一刻的優閒，對我真係好遠好遠。每天都仍舊聽到好難聽的說話，我好努力去學習唔好去理會。我都發覺我真係唔再介意，但我介意的是我覺得好煩呀！點解C小姐要係別人面前扮可憐扮委屈呢？！日日去講，點解別人日日咁去聽都唔覺得佢煩，但只覺得係我不好？？點解大家日日都聽佢講又唔會覺得係佢這個人有問題呢？？

即使現在坐近余主任同chris係好開心的事，但開心的代價我覺得好大好大。每一天都總有事，就連kitty姐姐都好多時忍不到明天才告知而在放工後立即打電話俾我知……kitty姐姐對我好好，但係好怕佢都有一天會聽下聽下後變得好似其他人咁樣，就係相信我不好。

今日中午同我個傻媽媽食飯，佢都好擔心我以後會如何。唉！我都真係好擔心。佢都其實聽到好多好多，由於佢係我個阿媽，所以好多人唔敢問我就去左問佢係唔係。講真，依家仲會相信我的人都已經不多，可以令我安心分享的就更少。七月以後，傻媽媽調走埋，我都唔知點算好啦！傻媽媽今日都同我講，即使我唔介意別人點睇我，即使我真係學懂接受也好，這些事對我或對我主子其實都係唔好。我同意，但又可以點呢？！

個個朋友都話我太過細路女，唔適合係這世界生活，不如真係努力d去搵番個酋長嫁左去唔駛做啦……

Wil 的後遺症

剛過去的星期日去左carmen同阿基的新居探訪，又BBQ又打機。九叔帶左部Wil去玩，嘩…正呀！真係好好玩，而且我證實真係可以減肥！

這天同牛公同埋阿ken打左合共六場拳賽…我好勁呀！現實生活中一定唔會打贏佢地，但係虛擬世界中我竟然完完全全咁將佢地打低…KO左佢地…我好勁呀！！

不過，打得實左太用力，我成對手到今日為止都仲係十分十分痛…嗚！好慘呀！不過，望下番鏡，對手又真係好似結實左喎！！哇卡卡…減肥呀！！

NDS

我都好想要一部遊戲機，因為可以無咁悶，起碼有得玩下。不過，千幾蚊一部，成日都唔捨得買。但係……真係要感恩吧！

我主子今日竟然借左部NDS俾我玩，仲要話等我玩到厭先還番俾佢！！噢……太好了！！余主任對我真係好啦！！佢話見我無NDS，所以借俾我玩。正呀！！

部機入面有好多game，不過最鐘意玩的都係彈珠人同埋右腦之達人，因為夠易玩。好囉！！有機打，可以無咁悶啦！

最衰係公司唔放便擺部機係桌上打，唔係近來的苦悶日子都可以解決啦！因為係公司真係好悶呀！點算好呢？！

各位朋友…如果你地得閒o既話，記住係辦公時間打電話俾我呀！！我真係好悶呀！！特別這兩個星期，因為chris考試放左假呀！！

煲粥

嘩！煲電話粥都成日做，但好似琴晚咁講左都成四個鐘都好耐無試過啦！一路講到成兩點幾先收線，我都算強囉！其實我前晚已經陪老豆睇波到天光先訓左個多鐘，琴晚應該係好累，但又好奇怪，竟然無俾周公子急call喎！原來喜歡煲粥的我，真係會煲到覺都可以唔訓喎……哈！

可能係煲得太開心啦…我今日係公司都一樣好開心。希望以後的日子都可以好似琴晚同今日咁一樣開開心心啦！

放完假啦

咁又放完假！應該係話，放同唔放都係無咩分別……因為都係得個悶字！！不過，好的係放假就唔需要向著對面這位C小姐做人。

你地成日都話我太好，太過只顧對方的感受，而令自己唔開心。但係，我覺得真係唔可以成日只顧自己的感受。我都總係覺得如果一件事說了會令十個人唔開心的話，我真係會選擇唔講，因為唔講就只係得我一個人唔開心。其實，咁唔係真係仲好咩？！朋友係跟你分擔的人，但若是時常要朋友你地擔心的話，我真係會選擇自己去承受的。

我主子上星期五同星期一都放左假，對於我當然又係惡夢的開始。星期一都好d，因為對面都放假，但係星期五時又當然係聽左好多o野！唉……我真係好累啦！每一天返工都要跟人算著計著，真係好辛苦！點解人大左就要咁假呢？點解唔可以真係好似小朋友咁單純d去思想呢？我真係好想keep住我這個像小朋友思想的性格去繼續生活，但發覺原來係唔可以！！？？

我今日都忍唔住同余主任講左星期五的事了！講完之後，我發覺有些後悔！因為我講的時候，好似態度好差，唉！真係對唔住啦！我真係好努力去改善自己的脾氣，但我想講我真係返工好唔開心！

原來想開開心心去生活係好遙遠的事，我一路都以為努力做好自己的本份，別人就會認同。但原來唔係o架…這只會令別人以為你唔知想點樣。

悶

好耐都無寫blog，好多人都問我係唔係又唔開心呢？噢！我諗我係好悶好悶咋……返工好悶，放工後都係好悶！好悶好悶呀！

公司好悶，係因為水尾，無咩野做，日日都係度……坐。咁o既日子，以前會好開心，因為係可以溫習的時候。但係，依家又無讀書、又無試要考，所以……都唔知做咩好？！

其實，我都有唔開心！公司傳我的事都越傳越多，咁係我最唔鐘意的事。佢地越傳，我就更加唔想到人講野，費時講多錯多。

已經好多人日日都走o黎問我係唔係真，就連陳強都話不如就將佢變成真啦！！呀……咁都得？？

============================================

早幾日同老鄭傾左好多自己的事，我知道自己背了好多包袱。但係我真係想左好耐好多，我發現我真係好難將佢地放下。老鄭同我傾的，其實都係大家一路都同我講過的事。我知道大家對我的關心，我明白大家都好擔心我。我都真係不得不承認我真係好辛苦，但係……

點解我病咁耐

都病左成個星期，但係今日都仲未好番。把聲就開番，但係今日d血糖就低得好更要，今日成日都係暈舵舵，好辛苦呀！

搞到今晚學琴時都彈得唔好，又被阿sir話添！好彩，佢今晚都體諒我，唔係就麻煩啦！

唉……我究竟幾時可以身體強壯d呢？！

又開盤啦！

為左鼓勵 felix返工，大家每個星期都開出不同的盤口。上星期我就輸左全場的茶，今日又有人輸左每個價值$13的生果盒。

今日阿強自己開盤添…佢話如果佢由16/4至30/4可以返到十日工的話，我地七個人就每日就請食生果盒，如果佢輸左就請我地七人去福臨門食lunch！嘩！福臨門呀…有人話一籠點心要成$50…炒一碟飯都要成$100…嘩！好開心呀！因為阿強輸的機會率達百分之九十九啦……哈！

今次一共有七個人參與，大家聽見佢自己開的盤口，想都唔想就應承左啦！！嘩…好期待福臨門的午餐呀……

大家都病左啦

好快又放完五天的長假期，不過…一返工又病左！又發燒又流鼻水又喉嚨痛又頭痛…好慘呀！仲要係我同我主子阿余生一齊都係病左！大家o既病徵都係一樣添！

不過，我地今日都覺得好快會好番，因為我地好似已經成功咁傳左俾阿強啦！我今日放工時佢話佢已經又頭痛又喉嚨痛啦……哈！

感恩的一天

今日又落雨又凍，真係好唔想返工。不過，為了我同felix的打賭，今日點都要返。

上星期同felix講過，如果佢今個星期返足工的話，我就請全場飲茶。其實佢星期一已經break左，因為佢只係返左半日工，但見佢都係因為病先咁樣，我就同佢改左d rules。如果佢每日都俾我係公司見過佢一面，我都當佢返左工。就係咁樣，我今日就輸左了。但又好彩，好多人放左假，所以請全場都只係44杯茶咋……多謝盛惠$154。嘩…好耐都無試過請全場啦！阿強，我為左你就輸左咁多啦！你要努力d呀！

你話你知道我地每個不斷咁跟你打賭你返唔返到工，係想push你努力d返多d工。對呀！真係希望你身體健康！我覺得你已經好努力，但希望你可以再努力d，記住記住，唔好俾咁多壓力自己呀。繼續為你好好禱告！

今日又同余生吵足一日，我同你的八字係唔係真係相呢？！點解我地兩個好似每日都會吵一次？？對面個癲婆問你野，你唔鐘意咪同佢講囉，點解又要對住我發脾氣呢？我好似無做錯事喎…又好似我話我要跟felix，我都好似係講笑，點解你又要咁認真o架！？

好彩旁邊都有好多人看不過眼幫我講，否則……(難以想像開戰後的情境)
又好彩felix返左工，可以幫下我！所以話呢……阿強你好重要，因為只有你會幫我咋！

不過，點都係感恩o既…因為感恩felix可以返到工、感恩今日有人幫我啦！

仲有，今晚仲要繼續感恩……感恩我又可以順利完成兒童故事的錄音！又感恩食左一餐好飽飽的歡送大頭哥晚餐。

天父爸爸，好耐都無同你講︰"多謝你！我愛你呀！"

Last Day

今日由朝八到晚，好忙好忙…但係都係好忙咁不斷同人傾計。財政年度最後一天工作日，例牌唔駛做。所以個個人都不停係度週圍八，好忙好忙！

Trazy同我都八左好耐，佢好唔開心，因為佢成日都被 "5仔" exclude左出來。我都唔知點幫佢好，因為佢曾經無意間得罪左 "5仔"。睇怕佢都好難…唔知係唔係自己經歷過同事間的人事糾紛，所以都好唔想其他人去經歷？佢依家的日子真係好難捱o既，但係我除左同佢傾多d之外，我都唔知點幫佢好？！

甘美姐傾我的事都同樣傾左好耐。我星期四晚好遲先走，走前又係同trazy傾計時又聽到d八婆講我啦！其實，我都知遲早會出事，傳左我好耐啦！但係我一直都同自己講，我一日唔係親耳聽到，我就當佢地講緊個唔係我同佢。不過，你地講都唔好指住我地兩個講呀…甘美話齋，你有本事就行來直接問我地啦！我兩個就算係都光明正大，好過你地結左婚都係度……真係世界不好。我層樓都真係d人開放得好緊要，明明自己結左婚，又話自己有幾愛老公，但都可以係公司範圍內拖著另一個………究竟係我太保守還是佢地太開放呢？！甘美姐叫我發惡反抗，但係大家都知道係無用啦，我成個樣都係好蝦咁o既樣！所以甘美姐都話從來都無人咁傳佢，因為佢太惡了！其實，近來都多左係公司發惡，但係都仲係好似無人覺得我惡左咁！

不過，我都覺得真與假、對與錯，其實係唔係應該係由當事人去決定呢？！

=====================================

Felix︰以為你真係會叻仔返三日工，點知都係無！你要記住呀…我話過你下星期返足三日的話，我請全場茶呀！俾心機、努力d！我要為你好好禱告！

Ivan︰努力，希望你夢想成真，快d實現你想要的……哈！加油！我也會為你好好禱告！祝你好運啦！

Clover︰唔好唔開心啦！見到你驚到手都震晒，眼淚都快要流出來啦！我也為你好好禱告！

Happy Dinner

雖然返工唔開心、返cell又唔開心，不過今晚就好開心呢！因為同celila同nicole食飯，說東說西又一晚啦！時間真係過得好快，如果每日返工都係咁就好啦！

近來都發覺成個人都好無聊，點算好呢？越來越發覺係公司d人都各懷鬼胎，每個人的思想我都好似觸摸不到，我好難去理解大家想緊d咩…除左我個傻媽媽，不過，佢都好快要調section/unit啦！突然間覺得個個人都對我好好，但係好似背後都另有原因的。

返cell

今日係星期三，過往都開心o既，因為中午可以返cell。不過，今日返得來有好多唔好，因為我個"所長"竟然要轉返我這個cell…佢d煩音係公司已經聽到夠，估唔到連中午都唔放過我。最慘係今日個topic係我帶，佢不停係度問野…好煩呀！我預備的資料都講唔到三分之一，我覺得浪費晒我d心機，我預備左好多野，點知……kitty姐姐都問我係唔係好angry，我諗都無諗就答佢︰"係！"

完左個cell，kitty同我都好想轉返另一個cell，因為所長真係令我透不過氣，我真係老遠見到佢已經好想打佢。點算好呢？唉……

好悶呀

這幾日公司都好靜，因為埋數，好多野都唔可以update，大家都係坐係度，真係好悶！不過，咁o既日子，今年好似遲左。chris病左，放兩日sick leave，搞到我一個人係度發呆。好悶呀！

不過，係我今日悶到發慌的時候，突然間宣佈我公司的傻媽媽confirm左要調走！嘩！我咪變左孤兒仔囉…阿媽走左，我這個女咪無人要？！唔想呀…以後點算好呀？阿媽就可以離開這個K組，唔知幾時到我呢？！我都好想走，或者離開這組別會工作得開心d。

我依家係公司都總算可以時時刻刻都笑，除左我坐係個位度。因為坐係度望到對面個C小姐時，心情都唔知點解會低落d。今日佢又係度問余主任，點解我地唔放假？點解放三日變九日，我地兩個唔放？！唉！你話佢係唔係傻…有得俾佢放，佢又咁多hestitate。你想點呀！係唔係要我兩個一齊話你知︰"係呀！我地又要一齊放假呀！" 係唔係咁你先開心呢？！

盡情咁笑

又係星期四，下午時的歡樂時光又到。食完lunch返去，望望chris，大家無啦啦傻左咁不停咁笑。弊啦！我地兩個都傻左！

但真係唔知點解大家心情都好 relax，全個下午都只顧係度笑！

肥死啦

我發覺大家都為左"乙水"我開心，我最愛的蛋卷、曲奇餅、朱古力都不斷咁係我個位出現。肥死啦…但又真係好好好好味呀！要諗下減肥計劃先，唔係就慘！？一樣都未食完又有一樣，咁落去點得o架！

你想點呀？

嘩！我好勁呀…我今日終於爆左，係度不停咁鬧余主任……(你係唔係好討厭我呢！點解每次我好嬲時你都好似好開心咁喎！！)

癲婆話︰---
(1) 你地兩個又要唔要一齊放假呢？我好驚有人一定要俾人放而唔俾我放假囉！
(2) 點解每次輪到我要幫手聽電話時，余主任都行開左咁耐。但係到你時，佢就一定乖乖咁坐係度呢？
(3) 唉！我都唔明點解你同chris成日都亂咁做野！！都唔知有無諗清楚先囉…
(4) ……

救命呀！我今日聽完後忍唔住話余主任仲咩行開咁耐，點知佢竟然答我︰"我鐘意呀！" 係唔係你鐘意就大晒呀！你成日話我開心就可以，但我想話你知，我一d都唔開心喎！！黑人憎！！

癲婆，你short夠未呢！？！？我真係想死啦…

探訪

星期六團契由探訪變成我地組的家會，因為找不到組員屋企可以給我們作探訪佢地的家人，所以改為去左探訪新婚組員阿jane。

初時心諗屯門呀…好遠，不過，這日消費好超值呀！

我地初時去左仁愛堂打保齡，$90一個鐘，包八對鞋，嘩！超值呀！你知啦…出面d係每局計錢，但這裡卻是每個鐘計，我地一共打左兩個鐘，好開心呀！之後就去左食飯晚，又係超抵呀！全日都只係用左$90咋！$90又食又玩，你話係唔係好抵呢！！

大傻瓜

嘩！好潮濕…好驚又跌倒，所以今日都好小心咁行。今日返工搭車時見到d霧係飄過，好似仙景咁，好彩係日頭，唔係見到都好驚…

唔知係唔係大霧，今日公司d人都濕得滯，所以全部都傻傻地。你係唔係想問我點呢？ -->哈哈！我根本日日都傻下傻下咁o架啦！你地真係傻o既…

悶左幾日，今日都好開心。唔係因為係星期五，係因為今日好多大傻瓜陪我傾計。點解今日咁多人變左做大傻瓜，係因為我今日發現好多人都學左我講o野！好驚呀…全部係傻！我其實都無發覺，係因為"人地媽媽"問我點解余主任近來識得同人講"thank you 你啦"！(因為這少爺係從不會同人講類似thank you的說話) 而這說話係我成日係公司同人講的話，跟住大家又話 tracy都係成日講野好似我……仲有話大家都學左我講"拜拜"同……

呀！原來我的影響力咁強呀！傻媽媽就話咁係因為我好o者！真係咁好？！係就太好了…原來我係公司咁有影響力喎…哈哈哈哈哈！

天父爸爸，多謝你！你叫我成為你最喜愛的女兒，在地上亦成為各人喜愛的人。我成日都好怕re-org後因為C小姐的問題令人覺得我同chris係一個麻煩人，但今日卻發現唔係呀！原來大家都好鐘意我，唔係點會連我講野都學埋呢！？

開心 / 唔開心？

踏入第二星期的工作，但我發現好似係"豬"事不順。琴日返到公司已經好掙扎，好想好想遞urgent leave。但今日就更加worse，情緒十分差，又好唔開心，仲要係好想喊。嗚…

琴日真係由朝到晚都唔知自己想點樣？仲要係腦海中有好多好多問題，唔同範疇都有事要我去想、要我去決定。所以由朝到晚都係公司度…繼續發呆，好似星期一咁樣。呀！好大壓力呀！

諗得太多好辛苦，終於走左去第二層樓找Ada姐姐。多謝你呀…你犧牲左你成個鐘時間幫我。你真係好好呀！多謝你的禱告！

琴日諗野諗得多，所以九點半就已經累得要死，上左床"覺覺豬"。以為訓一大覺後，今天應該會好番。點知…仲衰過琴日。

又話今日係白色情人節係開心的一天，點知由起身開始就發現真係諸事不順。
(1) 明明琴晚訓前已經找好今早要著的衫同裙，點知…總之就要再找過，搞到今朝遲大到。
(2) 對面個癲婆打電話返來話請兩天sick leave，我應好開心。點知一拿起電話就問我點解我會聽電話？！呀…痴線o架！你咁鐘意余主任聽，咁你可以收線o架…痴線！
(3) 又有人打電話來要我立刻俾番個回覆佢，又係痴線o架！你有無記起你係琴晚先叫我考慮，點可以今日一早就俾到回覆你呀！
(4) 其實你知唔知我叫 mandy呢！你明知我心情欠佳，你又明知我唔鐘意你一日到刻叫我…"呀喂"，點解你今日仲要係咁樣叫我呢！
(5) 明明係你簽錯名，仲咩要話我！我實係唔係真係同你八字相沖呢！

天父爸爸，多謝你今日係我咁差的時候有Wendy，甘美姐和林+0跟我分憂。眼淚快要流出的時候，好彩林+0走過，多謝你跟我禱告五分鐘呀！

全人類都係傻

今日除左剛返到公司時笑過之外，我好似都無笑過。心情還十分十分低落，真係好悶呀！！其實都好多野做，但我最後都係選擇左……發呆！

有人為左唔想調位，係"所長"個廁格度賴死。最慘係佢拖埋佢AA落水，又最慘係這AA係一個contract的細路女，傻下傻下又幫佢去講數。我覺得佢真係傻又痴。故事發展會係點呢？！(不過，我都無興趣知，因為這人的問題都已經不是今年講，講左幾年都係咁，真係無興趣再知。)

Felix今日終於返工啦！我真係祝你身體健康，龍馬精神！！你一定要好番呀…我會為你好好禱告！你唔好再被自己咁大壓力啦！唔係你的病就會好難醫番好。Take it easy ！

Chris唔知點解又有心事，今日都無同我講過野，所以我都悶死左！

余主任仲更加黑人憎，成日叫我，但我行到埋佢位又話︰"呀！無事啦！"。玩野呀！

至於對面個癲婆，真係想送個口罩俾佢。咳到好恐怖呀！！又唔睇醫生、又唔食藥、又唔帶口罩…佢真係好黑心呀！好似想傳染我……嘩！我唔可以病呀！！今日成日又係度扮大家姐係度叫人埋數，係人都知啦！你真係好難頂……頂！再係咁落去，我怕我真係完全咁"謝"左！

朋友，你話我今日咁樣，係唔係真係全人類都係傻呢？！

====================================================

星期六查經pre-study睇到提前二章，入面講到話女子要沉靜、順服。回看我其實係公司都一路叫係不可沉住氣的人，但re-org後我卻真係沉靜了好多呀！今日都有人話我 re-org後靜左同溫柔左，但咁樣係好還是不好呢？！天父爸爸，我現在夠沉靜和順服未呢？我發覺現在返工都好辛苦，特別係對面個坐係度o既時候。呀……真係又好唔開心！

Happy Friday

好了…又星期五。好了…又係嘻嘻哈哈一天。

今日過得都可以話係…先苦後甜！苦係因為一返到公司時心情好差，(當然係因為想返工，而且係因為余主任放下午，好怕對面個癲婆係下午時發作)。但係好快就變得好開心啦！因為又係講是非的時候了！嘻嘻哈哈又一日，如果每天都係咁就好了！

到了下午時就更加好笑啦！因為對面個C小姐無端端坐係度喊……嘩！搞咩呀！我同chris想左好耐好耐，連clover都走埋o黎問，但係我都唔知仲咩！？！？大家想左好耐之後，得出一個結論。

結論就係︰余主任今日放下午，無人理佢，所以唔開心。另外，就係佢又再次想得太多。佢一定又諗起一d十劃都無有一撇的人。呀…唔係唔係，係連一點都無呀！！哈哈！！

由於對面又發癲，所以佢頓時成為了我同chris的話題。咁又消磨了一個下午了！

你地話我今日係唔係真係過得先苦後甜呢！！

不過點都好，我要感恩。多謝天父爸爸叫我開開心心咁返左一個禮拜o既工。

點解？！

今日放工時俾人問左幾個問題，今晚學琴後撞番個朋友又問左我幾個問題…

係公司時…
無聊人︰你今晚又約左人未夠鐘呀？點解仲唔走呀？
我　　︰係呀…今晚要學琴，過年時請左一堂假，今晚阿sir補堂。
無聊人︰你仲要學琴？你都彈得好好囉喎！
我　　︰係咩？！真係好聽？多謝晒呀！
無聊人︰你上次播俾我聽你係朋友婚禮彈的歌，真係好好喎…
我　　︰真係？不過，我知我自己唔學就唔會再彈琴囉喎！
無聊人︰但係你以前話俾我聽你學琴已經好貴，依家咪應該更加貴囉？！
我　　︰係呀…真係好貴。一個月成三千蚊。所以每天都好努力去練琴…
無聊人︰咁你咁辛苦仲去學，你係為咩呢？
我　　︰我都唔係好知為咩？

係啦！咁貴，考試又好難好難，我係唔係每個月都係度送錢俾阿sir呢？我真係要好好想下！


撞返個朋友後，大家一齊去左飲杯野…
朋友︰你點呀？！你知唔知我地成班人都好擔心你呢？由細到大，大家都唔知點解真係覺得你係溫室長大的花咁，要人保護。最奇的係，大家都好不自覺地會去好好保護你。而你係唔同的階段都總係要我地擔心。
我　︰係咩？
朋友︰係呀…好似你預科畢業後要找工作。個個都好擔心你這個要受保護的人點可以獨立地出來社會做事。
我　︰講開又係，我都記得。連學校的miss同阿sir都係咁同我講。
朋友︰仲有呀……
我　︰我知我知，總之我所有的事都總叫你們替我擔心…

飲完野，係返屋企的途中到現左為止。我都真係覺得不論我讀書、工作、感情、家庭…大家都總係好擔心我。而且我都想起最開心的日子就係讀書時，因為大家都對我係最真。好似依家我公司咁，每個人對大家幾fd都好，都其實係好假。

無無聊聊又一日

豬年都只係返左四日工，但就已經又係日日都唔想返工。好悶呀！四野荒蕪，真係蚊滋飛過都聽到。雖然有chris同余主任傾下計，但講大聲d都唔得。除了因為太靜外，就係怕俾"所長"聽到，佢真係又煩又八。好似問我個西安之旅，我都答左佢四日啦…問完又問，真係好煩呀！佢究竟知唔知我地真係想死呢？！

雖然這幾天都好忙，好多煩野同硬野要做，但我都要感恩o既！因為每天都好唔想返工，但返到去都叫做時間過得比早前快。

今個月開始，我對面個C小姐逢星期四下午都要去上"煲冬瓜"o既堂，為期四個多月，真係十個好啦！好似今日下午，我的心情就relax左好多。今日食完飯返到公司時，余主任就寸我話我望落去心情輕鬆左，個樣都靚左！呀…會唔會呀！咁神奇？ (不過，這刻我又真係覺得今日下午個人都充滿力量，起碼做野爽左同專心左) 點解會咁呢？

不過，今日係公司都真係好無聊好無聊！

生活偶拾

給別人比他們自己期許的更多，永遠不要忽視別人的夢想。
無論何時說我愛你，請真心實意。
無論何時說對不起，請看著對方的眼睛。慢慢地說，但要迅速地想。
當別人問你不想回答的問題時，請笑著說你為什麼想知道？
不要讓小小的爭端損毀了一段偉大的友誼。
無論何時你發現自己做錯了，竭盡所能去彌補。動作要快！
無論什時候打電話，摘起話筒的時候請微笑，因為對方能感覺到！
找一個你愛聊的人結婚，因當年齡大了以後，你會發覺喜歡聊天是一個人最大的優點。
找點時間，單獨呆會兒。
欣然接收改變，但是不要摒棄你的個人理念。

記住：最好的關係存在於對別人的愛勝於對別人的索求之上。

回頭看看你發誓取得的目標，然後評判你到底有多成功。
無論是烹調還是愛情，都用百分之百的負責態度對待，但是不要期求太多的回報。

開工大吉

今日係我係豬年第一個工作天，真係感恩，因為一點假期後遺症都無。今日話晒都係初十六，我返到公司都預左無利是逗，但各位都一早已經將利是放入我個drawer，有些就專登行過來俾我添，真係好了！都好開心呢！！

同各師奶媽媽拜年，又同余主任談天說地後，望番個鐘…死啦…放工啦…死啦…無output呀……開心過龍…好多野等住做……嗚…

但係但係，第一個工作天都係好開心，希望豬年天天都好似今日咁HAPPY 啦！

元宵節快樂

祝大家元宵節快樂呀！

我這幾天都十分快樂，好耐都無試過真係笑到合唔埋個口啦！這幾天遇見的人，又或跟我煲電話粥的人，又或陪我行街街騎單車的人，你們都給了我好多快樂呀！

當然最最最開心係返左舊公司逗利是，各位都仲係咁鍚我，真係收到手都軟呀！！哈！不過，今年我這個"細o靚妹"就最開心，得我一個逗利是，因為"大o靚妹"去年結左婚，今年無得收仲要派俾舊同事d仔女。我離開舊公司都有成十一年，不過各位都仲係對我好好。佢地每年過時過節都仲會叫我地兩個大細o靚妹返去食飯過節。我真係好想同你地講句︰"我愛你地呀！！"

這幾天仲有好開心的事，就係日日都去騎單車。屋企三個人都一人有一部單車，但係我就好耐都無踩啦！終於這幾天下定決心去踩下，因為老豆都話我部單車就快發霉啦……(真係俾佢激死啦) 但這幾天天氣都不錯，好舒服。或者真係要每個星期抽番一至兩日去踩下先！以前都會夜晚沿著城門河踩下咁，但早排病左之後就……我要加油！

明天就要返工，長假期後遺症一定會好嚴重，點算好呢？！今日係度睇個日曆，原來我二月只係返左八日咋…放左八日annual leave，又放左幾日病假…嘩！

唱唱唱

甘美姐為了唱K，專登放下午。兩個人去左銅鑼灣信和唱lunch K，好耐都無試過啦！一個set lunch + 一杯飲品 + 一杯extra的飲品，埋單都只係每人$55。都好抵，因為$55就消磨了一個下午，真係一個happy afternoon。

雖然人越大越唔太喜歡唱K，但由於得兩個人，無埋由得甘美姐唱晒，所以今日都算係唱得好多囉！不過，同甘美姐唱K，就會發覺我真係out。因為好多新歌都唔識，唔係唔識唱，係連聽都未聽過。

Cycling

今日下午見無咩做，踩單車入大埔。嘩！好舒服呀！好涼爽呢…正！由屋企出發，入到大埔都有成10km。一來一回有成20km，好足夠的運動量。

沿途都有好多路都在工程中，我想過多幾個月會仲正！特別係科技園條路，將來一定比今日更美更正！

春天的祝福

春天又到了…

花落花又開

Winnie & Raymond's Baby

好可愛的BB女，出左世五天…好cute呀！今日係醫院探佢時，佢仲望住我笑添！點解依家d小朋友咁醒？！出世幾日就識得笑架！？

利是逗來

去左咁多日旅行，今日一返來就當然係去逗利是啦！兩封咁大的利是，收到真係好開心！！因為係今年的第一封 (除左daddy 同 mammy)

但你估都估唔到，這大利是係我個ex俾我呢！收時個感覺都好怪怪咁，但都好開心o既……嘻！

新年快樂

五天西安之旅咁就完左啦！雖然都係每日都無啖好食，不過行程都 ok 呀！這五天都過得好快，話咁快又返來香港。好彩…旅程完左，但假期仲未完！仲可以放多成個禮拜，太好了！

upload左d相，你地可以去睇下呀！

狗年最後一個工作天

今日係年廿九，個個都話要將d cases全部做完，唔好留番出年。我今日都好努力咁去趕晒d野，因為漫長的假期快要開始啦！好耐都無試過咁豪，我將會放到初十六先開工呀！正…正…正！真正下個月先再開工。

我諗我都要利用這假期好好休息同充電，唔係補充唔夠能量的話，我就會俾對面打沉啦！過幾日就會同daddy mammy去西安，唔知好唔好玩呢？！不過，好唔好玩都無所謂，因為慣左每年都唔係香港過年，總之唔係香港就會好啦！(<--這是我daddy時常講) 不過，今年就係初一先出發。這幾年都習慣左年廿幾就走，好似今年咁係初一先出發就好耐都無試過了。

不論點都好，又係年尾，又係時候同舊年講拜拜。希望真係真係…明年會更好！！

情人節快樂

今日係情人節，雖然無情人陪我過，但今日都真係開心到爆燈呀！！

因為個C小姐無返工，佢今日打電話返來話兩日sick leave。其實，全公司都知佢每年的情人節都會放假啦！佢每年都要扮晒要陪人過情人節，其實，係人都知……哈！但我同chris最諗唔到就係佢今年會放夠兩天o者……不過咁都好，因為我又見到chris可以開懷大笑。 佢今日同余主任都一樣笑得好開心好開心，真係好！當然，我就更加更加開心！

我們這至暫至輕的苦楚，要為我們成就極重無比、永遠的榮耀。(哥林多後書四章17節)

渡船上有個坐輪椅的男孩。一位女士同情他的無助，無意中對朋友說：「像這樣可憐的孩子，還能期盼什麼呢？」跛腳的孩子聽見這話，轉過頭興奮的說：「我期望有一天能夠展翅飛翔。」　　是的，他的志向高大，不求拐杖，寧求翅膀！

人生的重擔乃是化妝的福分，經歷戰爭、烽火、煙霧，我們將得天上獎賞。
榮耀的冠冕來自苦難的錘鍊；我的樂園是由荊棘轉變而成。
受苦的聖徒們，挑起艱辛的擔子吧！
因為重擔終將化為屬天的翅膀。
　
神哪！
賜我寧靜的心去接受我不能改變的事；
給我勇氣去改變我所能改變的事；
賜我智慧去分辨兩者之間的差別。

又係星期一

連埋星期五的病假，我都一共叫做放左三天。真係感恩，我今日都無假期後遺症呢！多謝天父爸爸啦！

點解咁好無後遺症？！我諗係因為一早返到公司，個癲婆又係度發癲！咁精彩的生活又點會…嘻嘻！其實re-org左都三個多星期，但真係每一天都總要有一事發生，仲要係無人理佢都要繼續係度癲同傻，要唔要帶佢去精神科check下呢？

如果我每天的經歷係神給我的磨練，咁我這三個多星期就大大學懂了忍耐和沉默，仲有仲有…我的EQ高左少少。之前，我的EQ應該負數，但三星期的學習後，我給自己的分數係……零至十吧！哈哈！

今日係公司個個師奶媽媽除左係度慰問我的病情外，仲同我講左句︰"唔怕唔怕，下星期又係新的一年，以你的生肖來說，明年一定好掂呀！你唔駛怕，即使個傻日日係度發癲，但下星期一定又會唔同啦！"　嘩！係唔係呀……我明年掂唔掂我唔知，但真係都希望個傻……

不過，話時話，月初時話2007日子好似過得好慢，但今日望望日曆，原來又係2月12日了。

病左……嗚嗚

無啦啦又腸胃炎，星期五晚臨天光又又嘔，嘩！好辛苦呀！今日個人都仲係好累，個肚仔仲係好痛呀！點解我近來好似成日都係臨近假期時病o架！？

好High呀！

今日以為得我一個會開心到爆，點知唔止我一個。今日我個位突然變得從未試過咁歡樂！！就連chris都笑得特別開心，好耐都無見過佢咁開心咁笑，佢笑時都好可愛o架！同余主任講是非都唔駛就住就住，都幾好！如果我對面個位小姐日日都唔返工就好了！

好耐都無試過何為"光陰似箭"，今日就再次體會到了！

苦悶的一天

今日就係咁又過左，真係好悶。因為依家坐係個孤島，仲係"無雷公"咁遠，好多好友都唔太方便來探我。就連行去影印都特別遠過人，真係好慘！

不過，好彩有Trazy，我地兩個人係公司真係無時無刻都用"貓貓"傾計，就連tea time買唔買茶都傾。好彩係咁，唔係日子真係好難過。

但…我好期望明天呀！因為……對面個C小姐on course唔返工兩天呀！太好了！

默默回望

Hillhill送給我的歌呀︰

望見星星心裡感安寧，回望主恩說不清，
每天帶領，細心傾聽，痛苦心靈有共鳴。
曾遇挫折，困險也不驚，危難裡仍心冷靜，
憑著信靠，願作精兵，神慈愛會為我傾，
上帝恩手，不斷帶領，待我恩義難算清，
來讓我效法，今願見証，奉獻出我生命。
在這今天安慰滿心寧，無盡過犯已洗清，
主恩厚愛，令我心中敬，痛苦憂愁變無形。

Crazy

日日都係度癲，究竟佢係唔係傻o架？！我都俾佢搞到個人就o黎癲啦！！為左一個out tray的擺位都會係度癲。我選擇唔出聲，佢就越來越癲，不停係度講。唉！救命呀！(朋友呀！你地唔係話我唔出聲，佢就會無癮咁收聲咩？點解佢仲可以日日係度……

re-org 左一個多星期，點解日日都有一件事發生呢？！點解每一天都會找到一件事係度噪呢？佢唔煩，我都覺得煩。

佢又搞到chris好嬲，今日佢都快要爆炸，仲要捉埋佢AA去"所長"度投訴。我見到都好擔心，真係好擔心chris的情緒。由開始話要re-org到今天，我都未見過chris開心過，真係好擔心！

一件芝麻綠豆的事都可以係度發癲，真係好難想像日後"開波"時會點樣呀？！？！

星星好靚呀！

今晚抬頭望天有好多好多星星，好耐都未試過係香港的天空看見咁多呀！

終於都……星期五

好漫長的一個星期又過去了。真係感恩！

這事出於我 (王上十二章廿四節)

我的孩子，今天我有一個信息傳給你；好叫你上面的黑雲消散，前面的嶇路變平。這個信息是很短的，只有五個字，但是我要你銘刻心中；又把它當作一個枕頭來安放你疲倦的頭，使你真能高枕無憂。這個信息是甚麼呢？就是『這事出於我』。 　你有沒有想到過：凡與你有關的事，也與我有關？因為『摸你們的，就是摸我眼中的瞳人』（亞二章八節）；『我看你為寶、為尊』（賽四十三章四節）。所以，我特別喜歡訓練你。 　當試煉攻擊你，『仇敵好像急流的河水沖來』（賽五十九章十九節）的時候，我要你知道『這事出於我』，你的軟弱需要我的剛強，你的平安在乎讓我替你爭戰。 　你是不是正在艱難的環境中，四圍的人都不了解你，都不逐你的心意，都看不起你？『這事出於我』。我是管理環境的神。你所處的境遇並非偶然的，都有我的美意在其中的。 　你不是曾求我給你謙卑嗎？你看，我已經把你放在一個學習謙卑的學校裡了；你所接的觸的人和環境是被我利用來成全我的旨意的。 　你是不是正感覺經濟缺乏呢？『這事出於我』，因為我是經管你用度的，我要你向我支取，完全仰賴於我。我的供給是無限的（腓四章十九節）。我要你證實我的應許，我不願意你『在這事上卻不信耶和華你們的神』（申一章三十二節）。 　你是不是整夜憂愁呢？『這事出於我』。我是憂患之子，常經憂患，深知怎樣擔當憂患的。當你向世人尋求安慰時，我故意叫他們不給你同情，好叫你轉向我尋求永遠的安慰（帖後二章十六節、十七節）。你是不是渴望為我作些偉大的工作，結果反倒臥病在床呢？『這事出於我』。在你忙碌的日子，我不能引起你的注意力來；我要你學習一些更深的功課。事奉不是體貼自己的熱心，乃是遵行我的旨意。我有許多頂心腹的僕人，都是關在最冷僻的地方，用禱告事奉我。 　今天我把這個信息當作一瓶香膏送在你手裡。你可以自由敷用。我的孩子，不順的環境、扎心的毀謗、無故的逼迫等等，臨到你的時候，你就放上這香膏。如果你能在一切事上看見『這事出於我』，所有的痛苦便會立時消失了。司諾－（Laura A. Barter Snow）

態度是最好的EQ

copy from http://new.ccea.org.tw/excel/information/devotion/newdevotion.asp#D , 今天在這web site中有好多得著。

===============================================

「有時候你以為天要塌下來了，其實是因為你站歪了！」一位哲學家說。

一天之內，我看見三張年輕的容顏，這三張臉令我有些悟得。

一日清晨，我在超商買了東西，正準備附帳時，一位小姐竟然插隊先付錢，那位年輕的店員立刻面有難色，看了我一眼，表示歉意，我笑笑說，沒關係，我並不趕時間，等到這位小姐付完後，我趨前去付帳。

「小姐，你耳環好漂亮，很少看到這麼簡單，造型又好的銀質耳環！很貴吧？」店員問我。她的微笑讓我覺得，她真的欣賞這副耳環，另外讓我感受到的是，她用讚美「緩和」了之前的氣氛。「不會很貴，但在台北可能不好找，因為我是在新竹的地攤買的！」

有時候，買東西是一種緣份，像人與人的相遇，不也是一種緣份嗎？這一日下了班，我先到住家附近的書店看書，書店是在一家百貨公司內，走進電梯時，我發現電梯小姐，是一位笑容可掬、姿態優雅的漂亮女生，不禁多看了她一眼。我身後的男士突然說起話來：「小姐！不要這麼假仙，我看了很不習慣，聽說你們公司最近來了一批建教合作的學生，妳是不是其中之一？」這男士語氣輕挑地對電梯小姐說著。只見電梯小姐，不改笑容地望著男士點頭微笑示意，神情一點也不受影響。

接下來，我看見每一位走出電梯的客人，都對這位電梯小姐點頭微笑：「謝謝！」一個小時之後，我搭上另一位電梯小姐的電梯，一進入我發現這位電梯小姐可能是累了，神情有些不耐煩，動作也慵懶無力；於是我聽見身旁一對母女的對話：「如果妳這學期不給我好好念書，我暑假就把妳送來當電梯小姐！」此話一出，只見電梯小姐眉頭皺得更緊了，整個臉都快要塞到電梯按鍵裡去了…我不清楚每個人面對工作時候的態度是如何？

我只看見，你用如何的態度面對工作，別人就用如何的態度來對你！

快樂一天，就是賺一天，不快樂一天，就是賠一天。一位年近八十的老翁對我說他過日子的態度~~好的生日，是記錄活過的年歲，還是記錄快樂的日子呢？成熟擁有快樂的態度，讓你一天過的圓滿，每日都有領悟的喜悅……在平凡的日子裡，珍惜週遭的人事物，敢於快樂，做自己！

很累了

這星期都算係難過，不單心情難過，日子都好難過、好漫長咁！每天返工都要鬥智鬥力，嘩！會唔會死左好多腦細胞呢？！我已經有d蠢蠢地，咁會唔會搞到我再蠢d呀！

這兩天都有人不停係度扮晒大家姐，真係好難頂！真係好想同佢講……"頂"！今日一早係又係咁樣，搞到chris都再忍唔住係度同"所長"投訴。或許這幾天都看透，佢今日一早係度發癲的時候，我竟然異常平靜。不過，chris忍唔住都真係可以諒解。C小姐都真係好似下命令咁叫chris做野，我在旁邊聽到都真係……有d……頭頂出煙！

佢這幾天都有好多次都係度放蕉皮俾我踩。車！佢真係當我傻！？我當然係話知佢啦！(你地係唔係覺得點解我好似這幾天d EQ高左呢？我都覺得係，唔知係唔係因為余主任真正坐係我背後撐住我……哈哈！)

但係日日咁樣係度要計住佢做咩真係好累呀！咁樣俾我係度做隻hard cases仲要累呀！re-org先開始左四日我已經累得想死，點樣捱下去呢！？！？

Trazy今日仲係公司email問我︰"朋友，你寂寞嗎？"哈！唔寂寞，因為我要不停係度計住/諗住佢下一步，真係…… (不停係度計住人，這個都好似唔係我喎！)

Carmen叫我要努力禱告求出路，Wendy又叫我要多依靠神，阿瑩又叫我要多多禱告求力量。但係，我其實都一直有咁做，但都好似……

雖然神好似還未有實際的回應給我，但我就真係因這事要叫我與神的關係親近左！天父爸爸，我愛你呀！

單純的喜悅

有一個小女孩每天都從家裡走路去上學。一天早上天氣不太好，雲層漸漸變厚，到了下午時風吹得更急，不久開始有閃電、打雷、下大雨。
小女孩的媽媽很擔心，她擔心小女孩會被打雷嚇著，甚至被雷打到。雷雨下得愈來愈大，閃電像一把銳利的劍刺破天空，小女孩的媽媽趕緊開著她的車，沿著上學的路線去找小女孩，看到自己的小女兒一個人走在街上，卻發現每次閃電時，她都停下腳步、抬頭往上看、並露出微笑。看了許久，媽媽終於忍不住叫住她的孩子，問她說：「妳在做什么啊？」她說：「上帝剛才幫我照相，所以我要笑啊！」

新的開始

終於都要坐新位，part住新的partner。但其實這幾天都好唔想返工，星期一都係十分不情願下返工。好彩要重新執拾，所以執好都快要放工了。到左今日…呀！又好唔開心！其實都只係今日叫做正式開工，點知就俾C小姐係咁係到話我。好煩呀！俾佢話完，又俾余主任對住我發脾氣！真係又是情緒低落……開工兩天就咁樣，點樣挨落去呢？！？！

個新位又悶又焗，熱死我啦！開晒d風扇都仲係好焗，但吹得風扇耐又好頭痛。我依家個頭都仲係好痛，個人又想嘔，好辛苦呀！冬天都焗到咁，夏天點算好呢？！

俾人話完已經開始頭痛，跟住又俾人對住我發脾氣，加上又焗又悶，我成個頭真係痛到快要裂開啦！

點好呢？

昨天真係累得要死！一早就返左屋企，仲要係九點未夠就去左"覺覺豬"，嘩！真係小學時候的我才會九點鐘去訓覺。

昨天由朝到晚都係係度pack野，大家都好努力。昨天大家都話係英皇御準唔駛做，不過整日都仍是好多開心同唔開心的事。係大家除了要努力pack自己野，還被下令要幫自己老細packing。好彩余主任話佢自己可以搞點，我同chris不用幫手，太好了！雖然我唔駛幫自己老細，但就要幫好多師奶d電腦拆線同mon好一set。真係拆到頭暈暈，面都青左，大家立刻都好驚呢？！好彩坐一陣就無事啦！係大家努力的時候，chris就突然好唔開心。因為佢都仲未知坐係邊個位？！係我旁邊還是我斜對面呢？佢又好唔開心？！我都真係好怕佢有事呀！佢這陣子除了仲肯同我講野外，其他人都只係做身體語言，一言不發。我真係好擔心佢會有事，會有病呀！chris琴日仲同我話佢好擔心我新的工作安排，但我想同你講︰"我仲擔心你呀！"我地不算得上係好要好的朋友/同事，但正如T.O.單話齌，我地都算係一同係公司經歷苦難的好姐妹吧！

下星期一公司就係一個全新的面貌啦！不知到時會點樣呢！講左好耐、擔心左好耐的日子都真真正正地要去面對？！真係好驚呀！

執到傻…真係累死

今日係公司由朝執到晚……好累呀！真係好累呀！

預備搬位啦！！

大家今日都努力執拾，我都幸好找到一個大紙箱，又幸好我係唯一一個可以有worker幫我搬我的私人物品到新的坐位。太好了！

今日心情都時好時壞，基本上係好，但見到chris就有些心傷。佢到今日為止都唔肯再同余主任或所長講野。佢真係十分唔開心！見到佢都唔知點講好！我都係好擔心新的位置同partner，但整體都算係好過上星期，不過chris就未好過，只係一天心情差過一天。真係好怕佢有事呀！

明天就係同chris最後一天做partner啦！以前我都好怕佢，因為佢為人都破難相處，但這幾年大家互相扶持咁對抗阿太，大家都變成朋友。我都真係不忍心見佢咁樣。

終於都到了搬屋的日子啦！終於都要面對新partner啦！又終於都到了星期四啦！

只係星期三

日日都覺得時間過得好快，但係今個星期又好似好長咁！今日都只係星期三咋！細細個時覺得要過一個星期真係好長好長，人大左就覺得光陰似箭。不過，唔知係唔係因為公司的調動，今個星期又好似返左細路時，時間過得好慢好慢。

其實這幾日我同chris同余主任都係無咩心機做野，可能係大家都病晒，又有可能係re-org的事。我同chris一同part住的日子還有兩天咋！有d唔捨得，雖然佢都係坐我旁邊，但已經唔係我partner啦！原來做野part住一個岩key的人真係好重要o架！真係好擔心下星期的……每個人都仲係好擔心我，大家仲講笑話我地三個人都病晒係因為大家唔開心而屈到病左！不過，我諗唔會係咁掛？

=====================================================

今日做左好多hard cases，真係已經好頭痛。點知個"所長"仲要係度煩我，"喃麼"的聲音加埋我本身個頭已經痛到爆，又肚瀉，這刻我真係想死！？真係唔知"所長"點做assessor，所有事都話唔知點做/點決定好，其實我地仲唔知點算好？！唉！煩完我一輪又係屈我要教新人，真係想死！不如真係調我去另一組好過，這個K組都真係"K怪"過人。唔通我真係"好蝦"d咩？！

======================================================

我寫blog曾經係好多人都覺得好奇怪的事，但係原來依家大家都係靠睇blog而知道大家的近況。原來大家最近都有好多煩惱，係唔係好似d人咁講…"人大左就梗係多野諗啦！"

我都覺得係會多野諗，但同時原來大家都會收埋唔講。不過，好彩有blog，大家唔想講的事都可以透過文字表達出來。

真理必叫你得自由

你們必曉得真理，真理必叫你們得以自由。（約翰福音八章32節）
　
神的真理永遠不會限制你，神的真理總是叫你得自由！你是否沮喪？生命中是否有任何被捆綁之處？是否無法勝過某些過犯？是否被毒癮所奴役？你可能尚未瞭解神某方面的真理，而這真理必叫你得到自由。如果你覺得無力去面對前面的挑戰，要看看腓立比書四章13節的應許：「我靠著那加給我力量的，凡事都能做。」你將可得到激勵。如果你因環境受挫，要持守羅馬書八章28節的真理，就是上帝能使萬事互相效力，叫愛神的人得益處。如果你正被某項罪行所奴役，要將約翰一書一章9節應用在你的生命中。這段經文應許你，我們若認自己的罪，上帝是信實的，是公義的，必要赦免我們的罪，洗淨我們一切的不義。聖靈期待將所有真理實踐在你的生命中。知道真理是一回事，在生命中經歷神的真理又是另一回事。除非接受並相信它，否則神的真理不會產生半點影響力。也許你讀過或聽過神在其他人身上的奇妙作為，但你是否容許神將這些真理實行在你的生命中？你想在你的生命中經歷神的哪一項真理？請祂今天就將這項真理實行在你的生命?。

全部都病晒！！

今日成條team都病晒！我都好唔舒服，但算係全team最好果個，因為得番我仲講到野！全部人都失聲，所以今日答電話都答到傻！！

但唔知係唔係大家都怕這動盪時期放假會連位都無埋，所以大家病成咁都唔放假，當然包括我啦！

終於都re-org

等左好耐的日子都等到，22/1都算係大家等左好耐的日子。大家今日返到公司，更覺得我層樓似一間工廠多過寫字樓。四處都係垃圾同垃圾，有些table同chairs又搬走左，得番d吉位係度。望落去真係好似貨倉咁！！相反，polly的新工作地點就……簡直一流！起碼似番寫字樓！真係無得頂！polly成日話我係佢秘書，點解咁都唔帶埋我走呀？！你的環境真係好正呀！

我層樓真係十分混亂，而且仲要多認一個星期，真係慘！我講我，因為今日公司仲更加塵土飛揚，搞到我都開始有d病的癥狀。我下午開始就好頭痛、又發冷、個臉仲勁紅添！！呀！我唔想又病呀！

第一次

今年有一個新的事奉崗位，就係中堂的司事員。今年都好多第一次喎……上星期日係第一次係兒童崇拜做詩琴，今個主日就係第一次做司事。唔知跟住還有什麼呢？

搬位啦！

今日真係忙到想死！Polly 好努力執拾自己的行裝，佢真係好多野！早幾日前已經叫佢執又唔聽，今日由早執到放工都未執好！仲要一路執一路發現好多urgent未做，pass左過來俾我，搞到我忙到死！

其他人都好努力去執，我就要幫手做 urgent野！因為條腰唔好，所以大家都叫我安坐我個位度。公司今日真係塵土飛揚，個個都做左蒙面超人。而我又邊可以真係安坐坐位，我成日都係度左走右走去趕埋d cases，搞到我成身汗。累死了！公司已經好熱，仲要出埋汗，你話同焗桑拿又有咩分別呢？！

因為請不到咁多worker，所以我的組別要下星期先正式搬新位。但星期六就先搬一些 table同chairs上去新的組別。嘩！好混亂呀！點解開新組別唔係應該買一些新的傢俱？點解要調走的同事連這些傢俱一齊帶埋去呢？27/1就到我層樓move傢俱，一定仲煩！！依家的sitting plan唔係好好咩？仲咩事要move呢？

再過一個星期就要坐一個我唔想坐的位啦！到時會係點呢？？


Polly........... 希望你到新section有新的開始！我深信一定會好過係K組呢！？