Merry & Sweet Christmas

今個聖誕…收到好多禮物，又去左好多個party！！超開心！！基本上，成個12月都未停過，好多飯局，又好多party…哈…好開心！！！

24/12︰完全遊魂的咁工作到下午…三點多…收工啦！飛咁快去到康怡，睇左一套有d失望的神探伽俚珞！因為套戲cut左太多了…好…等出碟時再買o黎睇下先！跟住好開心咁同nicole返崇拜…真係好開心…因為好朋友自己開聲話想返崇拜喎！

25/12︰終於買到了我好想買的裙…嘻！又開始行親街都買到野…要節制下啦！跟住又去左又一城睇澳大利亞，都ok啦…如果唔係做三個鐘的話…哈！最開心係因為睇戲而收到SKII的神仙水呀！

26/12︰表兄弟姊妹短暫的相聚…最重要係…又係收禮物的時候啦！跟住又去左hullian的新居，好遠的大埔，不過環境超正呀！但行佢屋企入面d樓梯…絕對有行長城的感覺…又大級…又高呀！行得我好辛苦呀！想減肥都要多d去探佢了！

27/12︰一年一度的團契party，絕對係歡笑的一天了！哈…笑個不停…差d笑死左了！！

28/12︰去左睇萬千師奶賀台慶…雖然都有d悶位…但整體都好好笑，又係笑死左了！一整日都超開心，到晚上仲要差d笑死埋…睇怕這個聖誕都係最開心的一個…這晚都係happy ending了！

回看這個聖誕，收到好多禮物，而且都應該係我daddy最開心了…因為起碼收到十多枝crabtree的handcream呀！哈…好多都已經俾佢據為己有了！

一連幾個Christmas Party

未到聖誕就收到好多禮物，放滿成間房了！好開心…嗯…

星期六BB祝誕，雖然無同d boys一齊食野，不過睇住佢地玩都好開心呀！幾時都係咁…睇住人地玩我就已經好開心呀！！笑死我了…哈哈…估唔到黃家琪會送我一份禮物喎…不過收到時打左個突，因為份禮物好大份呀…(心諗…唔係o麻…我一陣仲要入去愉景灣…玩我咩？！嘻！)

夜晚就係家會，入左去愉景灣玩…正呀！同Ophe隻Toby玩…哈！好蠢同好傻的狗狗呀！笑死我！又可以打邊爐，又可以打機，超正呀！Wil fit都好好玩，見到Charade玩超開心！！玩完就好想買番部Wil，因為我覺得都好好玩，不過全部game都係日文，又好驚會唔識搞呀！(我好多野都想買，點好呢？買邊樣先呢？要好好計劃下先得！搵日了…近來太忙，忙到都無時間了，搵日再去搵日plan下啦！) 今個家會好開心，玩到都唔捨得走添！

星期日就係教會兒童祝誕，感覺好似比以前差左d，不過d跳中國舞o既小朋友好勁呀！阿牛仲睇到拍晒手添！可惜副堂太細，如果空間大d，佢地一定會跳得更加好！小朋友，努力呀！

=============================================

今日冬至，一家人又係圍埋食飯的日子，都好開心呀！今日聽到好多好開心的喜事呀…恭喜晒呀！這幾日起碼聽到三pair了…哈！

=============================================

今日兒童崇拜後，好意外咁收到個留言，原來係auntie，又原來發現你原來無同佢講？！叫我今日去食飯？唔想打都覆左個電話，不過又無咩喎…幾好！我都唔知點講好，但好彩佢都係一個明事理的人，又或者係妳一早都估到了，妳上次問我都已經…或者…估到了！講完個人都輕鬆了…嘻…最後應該要交代的人了！

=============================================

聖誕氣氛好強，放假的氣氛同感覺就更加強…今個聖誕仲忙碌，又係無得休息了！不過，我諗今年聖誕會過得好開心好開心！！！

=============================================

<----最喜歡搖下屋企個米奇水晶球，搖下就好開心，搖下就會願望成真架啦！

Happy Monday

星期一晚，又同Nicole食dinner，真係好…就我…係灣仔！諗住唔使咁趕，點知都係遲左，唔知點解咁多野做！年頭到年尾，我其實都快要支持不住了！我諗真係好似你之前同我咁講…堅持呀！

咩都可以講，我知這就是朋友！Nicole話︰"o依…你好似無事囉喎！"
係呀…都過左咁耐了，應該要recover了！而且有你地這班好朋友陪我，都已經忘記左好多唔開心的事了！

真架…放一個星期假真係好，真係無浪費架！因為可以俾我有時間咁好好去想，好好去問自己真係想點樣！這都係好，又係天父爸爸為我的預備！

好快又到聖誕，4年了…2004年12月25日我洗禮呀…咁快又過左4年了！

Trip to SZ

晨咁早就起身，因為約左 Jaclyn、Nicole、Isabella同Ming去深圳，不過…Isabella放左我飛機…嗚！Nicole同阿Ming又遲到，有無搞錯？！

上到去飲飲下茶，又講起Josephine，哈…原來佢已經返左香港，不過我地都好努力咁叫佢上番o黎，因為要陪我呀o麻…哈哈！佢真係乖啦…因為佢真係上呀！哈哈…

今日最開心的係…按摩！因為我真係太tired…按腳個師傅係咁講，按身個都係咁講！！個個都話我d肉好實好硬…大家都起勢咁按我，我就快痛死左…不過痛完又其實真係好舒服囉！正呀！成個人之後都真係鬆晒！yes！嘻…

Tea time係飲coffee，晚餐係食羊…其實同上幾個星期的團契行程都無咩分別呀！哈…

感恩

星期六團契係分享，分享要感恩的事！又一年了，點解咁快呢？！每年感恩節開始都會每天數算、每天去記下要感恩的，一路數到聖誕節，不過，今年好似都仲未做！

1. 工作要感恩了，因為得到我的好好report，長期被打壓的日子都過去！希望有一天可以更好！也都為了我有好多工見要感恩了，雖然仲未見得成一份，但起碼見多左，依家無咁驚了！

2. 我的健康要感恩了，忙到咁，都無咩大病！

3. 好好咁經歷了神的恩典要感恩了，特別這幾個月，好好咁明白和經歷了神給我的恩典有咁多！多到我都唔相信了！好好經歷了天父爸爸為我安排的、為我預備的，亦好好經歷了天父爸爸如何聽我禱告，如何的愛我呀！好多謝你！

4. 愛情都要感恩了，雖然最後都守不到！不過，兩年的相處，好好的學習！相處係學問，係我永遠都最失敗的，不過都學會了好多！因為你，我學懂去禱告、學懂去等候、學懂去祝福！而且都學會了、明白了我所需要的！雖然好痛，但學會的更多更多…也要好好感恩！

5. 數完愛情當然要講友情了，我都要好好感恩了！成年裡，所有朋友都總在身邊陪我過開心和憂心的日子！朋友的定義雖然有左新的定義，不過，失去一個朋友卻讓我知道其實誰才是朋友，咁都係好事，我相信這都是天父爸爸的心意，也是要好好感恩的！其實我真係有好多好好的朋友！

…… (數住咁多先！)

總覺得自已今年過得無2007年咁開心，或者係因為臨近假期時卻無左一個人係身邊，不過，細心想想，其實今年都過得比2007年時好的！2007的經歷又其實都係天父爸爸為我今年的生活而預備的，又或者咁講，無咁o既經歷我又點會知道神的恩典夠我用呢！

Shalom

Thank GOD !! I Love You !!

好擔心的日子又過左，又係諗多左嗎？應該係天父爸爸保守吧！第一日返工都係好擔心，大家對於我放假的原因都好好奇，這就是公司吧！一個無聊的公司文化…點解會咁架？！你的第一日返工都同樣…全公司也在好奇！不過…我希望天天都可以繼續開開心心咁落去！！

雖然放假一星期只為了十分鐘係好似…好似我放多左假咁…不過，真真正正的冷靜，亦都真真正正的想清楚，好清楚了…原來，我唔再需要你…哈…星期一打電話俾你，你好愕然…因為你話你從無諗過我會咁決定，係呀…我要堅強！多謝wendy的counselling…嘻…讓我真正地知道我地之間要什麼！

今日公司又出report，唉…今年我真係大墮後…死…又要開始諗下早d返工！希望多d時間做下野！我真係好攰了…又要教新人，又多extra野做…點算好呢？！又好大pressure呀！

仲有一個月就到2009啦…唔知出年又會點樣呢？！

基督徒的怒氣

經　　節： 生氣卻不要犯罪；不可含怒到日落。（以弗所書四章26節）

對基督徒而言，生氣所帶來的破壞力，往往甚於其他事情。怒氣使我們失去自制，說出或做出從未想到的事。聖經一再命令信徒要除掉怒氣，並且列出怒氣是肉體其中的一個罪（以弗所書四：31）。有時候，我們引用以弗所書四章26節為自己辯護。我們用耶穌潔淨聖殿是「義怒」，來爭辯「生氣是可行」的明證。以弗所書講到的是不犯罪的生氣。耶穌可以做到「生氣而不犯罪」（馬太福音廿一：12～14；馬可福音十一：15～18；路加福音十九：45～46）。我們一定要小心，不要以經文作為發怒的辯解。以弗所書四章31節命令我們，要除去所有的惱怒。這不代表不要有悔悟或不再追求公義，而是表示我們不願讓其他人的罪，惹動我們犯罪。生氣不能成就神的救贖大工，反而可能攔阻了神的工作。如果你自覺為某事而升起義怒，要檢查心中的怒氣是否有罪的成分。你的怒氣是否變成苦毒？怒氣是否讓你對人的態度，沒有基督的馨香之氣，甚至說別人的閒言閒語？怒氣是否使你為自己不敬虔的態度找藉口？憤怒是否阻止你在言行上表達愛與寬容的態度，及阻礙你仿傚基督呢？你一定要審察自己內心的怒氣，求神除去你因怒氣所產生的一切罪惡態度。

冷靜以對

讀經: 箴言17章22-28節
金句: 「寡少言語的有知識；性情溫良的有聰明。」 （箴言17章27節）

我認識的一位基督徒，因在工作場合遇到一件看似不公平的事件，而感到生氣。一名同事聽過他的忿懟後，知道他仍在氣頭上，就勸告他在和那些相關的人對質之前要三思：「冷靜才能成事。」

與人相處難免有衝突。有明辨力的信徒明白自己的心，然後再圓融地採取行動。

箴言17章27節告訴我們：「寡少言語的有知識。」這是說要小心過多的言詞會帶來他人更大的怒氣。那些有智慧的人說話前會三思，而且是說帶給他人助益的話。

箴言也給予我們智慧的建議，控制受挫的情緒。「性情溫良的有聰明。」一個成熟的人能在衝突當中保持冷靜，以達成協議。情緒處理得宜更有助於問題的解決。

下次你在生氣的時候，停下來禱告反省片刻。求上帝給予平靜安穩的心，並說出適當的話語。
記得，冷靜方能成事。

憤怒讓我失理智，盡做愚蠢糊塗事；平心靜氣細思量，雷霆之怒實不當。

止住爭論的最好時機，就是在爭論開始之前。

相互扶持

經　　節：
兩個人總比一個人好，因為二人勞碌同得美好的果效。若是跌倒，這人可以扶起他的同伴；若是孤身跌倒，沒有別人扶起他來，這人就有禍了。（傳道書四章9～10節）

從世界被創造的起頭，神很清楚地表明，人獨居並不好（創世記二：18）。神的心意是要我們彼此合作。祂在整本聖經中，提及祂的百姓同心協力，比單打獨鬥能完成更多的成就。神並沒有將我們創造為隔離、互不相干的個體，每個人只要個別完成目標即可。更確切地說，我們的努力能否成功，取決於我們彼此互賴的關係。這就是為甚麼祂建立教會，並且釋放聖靈給祂的信徒們，給他們能力去傳福音。我們是一群祭司所組成的國度（彼得前書二：9）。在困境中，我們與其他信徒相交、同行天路，是很重要的。當危機來到，單獨面對困境會壓垮我們。如果我們培養了互相支持的友誼，就能在那些關懷的安慰與鼓勵中，找到力量。當我們受試探引誘時，彼此互賴也是一種安全警衛。我們一再看到許多在試探中跌倒的例子，他們跌倒是因為他們孤立自己，遠離其他的信徒，並且身邊也沒有其他可信靠的基督徒，來督責自己。如果你沒有信徒相互關懷的生活，你便錯失了神原本的計畫。不但如此，你也陷入犯罪的危險中。你必須將自己的生活，與其他尋求神旨意的基督徒，相互連結起來。要願意加入其他人的事工，實踐神所交付的任務，努力成為你周圍的人所需要的支持及鼓勵來源。

Times go fast...

Today is Friday la....three more days....still worries what will happen next week ??

mo liu photo

崇拜+唱K=開心

今日返左中堂，因為之後要幫主日學彈琴，不過…可能太眼訓，加上…講道太長太長了…我竟然訓著左！！不過，真係講得太長了，加上又有大家姐係度分享，搞到十一點先唱回應詩…加上見到係宋牧報告，快d撇了…

因為太長…搞到主日學都遲左開始…搞錯呀！

點知…午堂都係遲左，成一點鐘先完…又係…搞錯呀！要等埋isabella同jaclyn，搞到係大圓環等左一陣添！！

開心呀…因為又去左唱K，不錯呀！red box plus真係好抵！加上isabella用生日優惠，個姐姐都話會俾我地唱耐d，所以由三點未夠唱到成七點幾呀！唔係我地要去食飯想走，我諗佢地都唔會趕我地走！

之後去左德興打邊爐…嘻！開心開心！不過，josephine食得好少，大家都覺得佢應該有心事，因為食咁少…哈哈！

好Full

三個人叫左個四人餐，四人餐有咩？有一個湯、有一條魽魚、有一個雜菜煲、有半隻鷄、有一碟肉菘炒四季豆，都唔夠，再多加一個梅菜扣肉！套餐仲包一碟桂花糕…嘩…飽死左！

今日我都唔知仲咩…終於都識得咩叫肚餓，今日唔知邊鬼個請餅，平時唔食的我，今日竟然食左兩件，今晚更食得厲害！可能餓左太耐…今日short左！

同r sun同mig食飯都係咁開心，咩都講得一餐！好朋友同老朋友就係咁，總之坐埋就可以！

Saturday & Sunday

8/11︰參加左Helen的婚禮，好多人，好耐都未見過成過正堂都係坐滿人，佢地人緣都應該不錯…嘻！夜晚同Nicole去左朗豪坊食sushi，o麻o麻地…又係朗豪坊，一個星期去左兩次！Thanks so much ！！

9/11︰BB立願禮，人數一年比一年少！要多d、努力d禱告！見到班boys成長，好多感覺！夜晚就同Kennis慶祝生日，而且參觀左佢o既新居，希望佢快d搵到新工啦！為左同carmen傾計，搞到我推左wendy添…嘻！

============================================

時間真係過得好快，兩個多星期了，個心…好多了！我已經好努力令自己放下，叫自己要做到完全寬恕，不過，都唔知我係唔係真係做到！希望真係靠時間去過了…大家都日日陪我，不過我真係OK架，日後如何就由天父爸爸去帶領我吧！

希望天父爸爸繼續給我平安吧！！

Thank GOD

驚左成日，雖然做好心理準備要剝牙，不過都係好驚！琴日下午四點幾開始剝，唔知點解d麻醉藥到今日下午都好似未過咁！個人成日都好呆…呆到…我partner話我成日都唔知想做咩？！

唉…

不過，要感恩！因為我都只係琴晚開始有番d感覺時痛左一個鐘度啦…其餘時間都唔係痛！但就食野好麻煩，笑都唔得…希望快d好番！仲要食多三日消炎藥…o依…又要食藥…真係煩！

@_@

天氣好影響心情，今日好天時我好高興！天黑時又有些心up…唉！

同學仔話我知…個lower b繼續不停講佢好慘…慘到仲要話佢被人飛係因為有第三者介入！同學仔問我咁係唔係叫做擘大眼講大話！？哈哈…咁就更係啦！我都唔知究竟邊個先係第三者？唔通真係佢咁講…我先係麼？一堆八婆又圍埋教佢要點做…唉…好煩！女人都係好煩…唔掛得我daddy都成日話無聊的女人圍埋一堆就會有是非！肯定都係咁！

大家知道我星期六同日都發左好多個惡夢同喊左好耐之後，今日大家都不約而同約我食飯去街街！估唔到我都會咁受歡迎…不過最後都同左同學仔去街街！成晚流連係朗豪坊，以前好唔鐘意行o黎度，但估唔到今晚我地兩人可以流連成晚…仲要係間餐廳關門我地先走…

你地都成日叫我要預備佢兩個的回來，不過我要預備什麼呢？我唔會預備，因為我覺得無需要啦…冷靜左成個星期有多…肯定係我唔會俾機會佢地再傷多我一次，因為好似廣告咁講，不可一也不可再！

明天要去睇牙…唔知係唔係真係要剝呢？有d驚…會唔會跟住幾日都食唔到野…會唔會發燒架！最好都希望可以安排入院剝啦…因為除左可以claim保險，仲可以選擇全身麻醉，咁我就無咁驚啦！嘻…

Busy Sunday

2/11又係司事…又係主日學的司琴…又係團契旅行大日子！好忙好忙！忙都好，唔使諗咁多，時間已經全被佔據晒！正…

又感受到在主愛中的快樂和安慰！唱唱下詩歌都喊到隻豬咁！收奉獻時被Celia叫我，佢一個笑容又好touching！食聖餐時都一樣被Vera祝福時搞到眼都紅晒！互祝平安時都一樣，好鬼想喊！都係係度最warm o既…最放開心情o既時候…主日學時彈琴都一樣…好感動！今日所有詩歌都似要話我知︰"神與我同在！" 好似自己缺左你的愛，但身邊仲有更多更多o既愛係度！

去到天水圍，巴巴燒…好開心…但熱鬼死！直頭係溶左…好熱好熱呀…救命呀…唔係眼淚在心裡流，係d汗係我身上不停咁係度流！嘻…又係咁…燒左兩轉…又係坐係度等人燒俾我食…哇哈哈！雖然有d悶，有d熱，不過都好開心！因為有好多隻狗狗陪我…又有好多朋友係身邊…咁已經好好了。

完左以後，大家都好似仲未飽咁，又出左去旺角繼續下半場…去左雅蘭間發記食甜品，再去樂園食粉麫…嘩！我已經飽死左啦！不過文生仲好似未咁喎！食日引我去飲多杯coffee…佢真係傻左…雖然我今日未充電，不過我都飽到死左，水都飲唔落，莫講話coffee啦！

多謝Jaclyn陪我返屋企呀…嘻！你的說話，我會好好記住！都好多謝Josephine呀…估唔到你會半夜三更都仲未訓，仲send SMS俾我呀！哈…唔通你食唔飽？！一個msg，好warm呀！

今晚都真係好tired啦！終於可以好好咁訓，神探伽里略都未睇就上床覺覺豬啦…

哭泣

經文：他要往墳墓那裡去哭。（約十一31）

猶太人以為馬利亞出去是到墳墓那裡哭泣。不錯，她後來的確哭了，但她聽到耶穌已經來到，便先去迎接祂。耶穌和她一同來到墳墓，在那裡和她一同哭泣。但不久，耶穌就藉著死人的重獲生命，把馬利亞的哀慟，變成了喜樂。

親愛的朋友，不管你打自做什麼，且先見耶穌。

馬利亞為她的兄弟拉撒路哭泣，她的哀慟感動了耶穌基督。今天，失去了愛的丈夫的女人，當你在最親密的伴侶的墳墓上哭泣時，你有一個比拉撒路更親密的名字，靠著祂，可以向上主呼求，這就是主基督自己。祂願意向祂自己的人顯明，祂是何等溫柔、忠心地保護顧惜祂的教會。祂稱祂自己是教會的丈夫，是教會聖潔的、可愛的、珍貴的「丈夫」。「因為造你的是你的丈夫。」

傷心的人啊！我們的主知道你的憂傷和痛苦，祂知道你心靈的孤單，如何切望得到這世上不能給你的寧靜。

當你出去到你所愛的人的墳墓那裡時，不要讓你的眼淚阻住了你的視線，也不要把頭低得看不見主基督已經行近來扶持你，聽祂在墳墓邊發出的慈愛的聲音，「復活在我，生命也在我。」

你所愛的並沒有死，他那信靠主的雲魂，現在與基督住在天家；他的基督徒的肉身，現在甜蜜地睡著了。復活大日來臨，他要變成那不死的、榮耀的，和不朽壞的。基督的愛能把他帶入無罪無憂的天家，在那裡「不再有死亡，也不再有悲哀、哭號、疼痛，因為以前的事都過去了。」

你因此連接在一個超過世上的愛的大愛裡，這就是基督的愛，你將在這愛裡生活到永遠。把你的眼睛，從你屬世的憂傷的景象移開，矚目那有你永遠福祉的天家。基督曾經在墳墓埋葬過，祂讓墳墓變成馨香之地，讓你所愛的人的肉身可以在那裡休息。有一天，當你也來到墳墓中，你會看見這墳墓是已經打開了的，復活的主從墳墓裡打開一條通道，通過裂開的幔子，通過那永遠的天門，一直到達上主的樂園。你循著這條道路，行近那些來歡迎你的眾天使時，會看見有位比天使還光明的人，從他改變了形狀的外貌，你會認得他，明白原來你並沒有失去他，只是他比你先進到我們天父的家中罷了。

摘錄自《新荒漠甘泉》，海天書樓出版，蒙允刊登

W_W

中午同傻媽媽食飯，好warm呀！我知道時間會過，我都慢慢俾早幾日好了，起碼真係無左無啦啦心痛的感覺！傻媽媽話我成熟左，大個女左…當然啦！我唔似d低能仔，我會長大的！佢驚我撐得太恆…我都有d驚！但我信我的天父爸爸的，正如mig講…相信天父，相信自己！

在阿爸父中都係最好的，我相信遇到的一定俾你好！

從來都唔明白人地的見證所講…釋放！？點先叫做放開？！這幾日好好體會了，琴晚無聊地delete左一d email時睇番黃祖藍的見證，入面佢都有提過"釋放"，原來就係咁，我自己明白以後再睇番，終於都明白佢所講的釋放係咩啦！！哈利路亞！！

今晚心情又見好d，review下自己個blog寫的日記，日子真係好快……每日慢慢咁睇，原來每當有事時，不論係前一晚或果晚，原來神都有在提醒或給我預告架！因為有時候我都會記下一些靈修的文章，原來神都一直在我身o既！

===================================================

雖然我覺得你對我唔住，但其實原來你都有陪我好多開心的時候。我知道好o既野，開心o既野係好容易忘記，但我仍希望o黎d野唔會隨著你離開而離開啦！同樣，唔開心的野，就要快d忘記左佢！我這年都好angry好唔明點解你要成日叫白頭叔叔俾咁多野我做，星期日果晚仲傻度係度諗係唔係因為真係因為我忙所以你就可以在外任意妄為呢？但其實都知道你都是為我將來的路而舖路！你又成日叫我要忍耐、要堅持，係呀…我終於忍耐不了，堅持不到了！還是你叫我的忍耐係忍耐你在外的行為，堅持地相信你會醒悟回來？！哈…你當我傻咩！你問我有無恨你，我真係無，我真係希望你可以俾神祝福！因為我知愛的相反就係唔愛，唔會係恨！你唔守諾言，但我會，我曾答應過的野我一定會繼續的！你放心！

條女仲係度不斷扮可憐，好慘咁樣，我見到就想嘔！做了窺心事，所以好避我，今晚發現…facebook delete左我、msn delete左我…超低能！不過我擔心的係這lower b話過要報仇，我唔怕佢玩我，但都唔想佢做到一d會影響佢係公司上的野，因為始終你今天已成為高層了！

I'm OK

可能我真係一個太喜歡低調的人，所以這幾天遇到事時，大家都覺得…"嘩！咁都唔講我知呀！"，係…我都有些唔好意思，又或者係我都可能仲係好猶豫我地之間的事！不過真係唔需要再去諗咁多…因為真係諗多都o徒氣了！

其實琴日真係唔想返工，大家都叫我休息番一天，不過只有mig叫我點都要返！都岩o既…唔返，又點知我的EQ高左咁多！哈…上午都好想喊多一大餐，不過下午就好多了！nicole同r sun都話我長大了，而且都攞晒彩啦！嘻…要感恩！要多謝天父爸爸！正如carmen所講，一切都係天父的安排！回想這兩天，情節真係好似做戲咁做，但真係神慢慢地將所有事給我知，都好，一舖過我可能真係接受唔住！

我話過mig除了係我個best fd，更加係我個守護天使…星期日時最無助時，估唔唔佢會咁岩係附近，極短時間內陪左我一陣！哈利路亞！

大家叫我唔好angry，講真係無angry了，但是否寬恕了別人呢？！我想我還未做到，不過亦都覺得我好難去做到！以為朋友間講道義，but sorry ar…原來唔係架！一件事學會了幾樣野！幾好呀…天父爸爸的教導不錯呀！！

多謝你地，你地的禱告，你地的支持，我真係好開心，好warm！！放心，我真係無事，我雖然話大家要冷靜，不過答案大家都心中有數了！我會無事，我相信carmen所講，清心等候的賞賜，我亦都相信r sun所講，the best is yet to come！！

Times to go...

--> --> --> --> -->

感恩

今早如常禱告，但有好大的感動！好耐都無試過會係禱告中有這樣的感動！就係咁…成早就奇奇怪怪咁！我終於知道感動係因為神聽了禱告，你都今日正正式式坐正左！好了…我要感恩！我為你的禱告係唔係都停了！哈…

=========================================

今晚同nicole食sushi，又係至愛的峰sushi…正呀！仲要唔使等位果樣正o麻！而且今晚又買左對鞋，都係一樣正呀！

=========================================

今日真係太多要感恩的事！太多要多謝天父爸爸的事了！天父爸爸，我愛你呀！

學習祝福

要找的成日都總找不著，到你想放棄去找的時候卻又會俾你找到！不過呢…我的事就唔知點解又d人卻成日都想知！估唔到白頭叔叔都係二五，不停放料…真係吹…

岩岩路過朋友仔個blog，明白到一切都係經歷，知道除了每天去感恩，也要學習祝福！我希望我每天為你禱告，還要為你祝福吧！

走火警呀！

今日突然覺得我原來都真係有好多朋友架喎！當大家聽到新聞話我公司有人放火，大家都紛紛打電話問我燒熟左未？哈…

公司d火警鐘一日到刻都唔嗚，估唔到今日都終於o黎真啦！不過，我位處26樓，火警又係4樓，所以我無得走火警呀！不過，大家都突然間好緊張…因為曾一度誤傳話係有職員自焚，一陣又話係有人放燃燒彈…嘩！謠言又再一次證明係咁樣傳出來了…

中午食飯落街時先係最好笑，一出電梯…閃燈不停，總之每當有任何一部lift開門就一定係老遠o既相機閃過不停…哈！個個都話自己好似明星咁…嘻！！

不過，今次大家都又再證明電梯入面裝閉路電視係好架！好彩係幾個月前所有電梯都裝左，唔係今次都好難認到個放火者！

Dinner

So Happy to have Dinner with Mig and R Sun !! Thanks so much !!

Waiting

似乎…results會好快知道！這刻我唔再好想知道，因為今天的結局已經不再一樣了！九月又好快就完了！之前就好似d會考生咁，等放榜…(我指我心情！) 不過今日就好似會考零分d考生咁，即係完全放棄！

等的過程…好長！由好期待、再期待，到想放棄…都係好長！朋友仔話這叫做必經的過程！我都知…仲知道o黎d叫…講就容易做好難添！

個個都收到了results，係我未收到！心情好複雜…個人而言，為左生活都好想考到！不過，考到又即係表示我要繼續留下！點好呢！？

天父爸爸，我還是交給你吧！嘻…

This Saturday

總係咁busy，好tired…真係好想死！工作好忙，私事都好忙…忙過不停！為咩呢？！我都不斷問真係為咩呢！又好迷茫…

不過，俾我靜靜地休息下可能會好d，好似上星期病到講唔到野成個星期，仲要退唔到燒…其實都知因為我無休息過，可能真係痴左線，發緊高燒都走左去返工！但真係想知點解咁多野做！！

每個星期六妄想唔返BB，唔返團契，因為我真係好攰…好想訓一天！不過18號終於可以成真啦…因為BB暫停集隊一次！正！不過都仲有成半個月咁耐！又係你教果句…要忍耐同堅持吧！

=============================================

星期六好開心咁終於可以買到三條新裙子！嘻…好想買新裙好耐，不過都無時間去睇！咁岩教完琴行過，嘩！大減價…正呀！

=============================================

又係一大班人圍埋食晚飯，又係要見到B&D…唉！大家都好不想見到他們咁！應該係話大家都好唔想見到D！我真係好肚餓，你地食左個tea關我咩事呢？！我都話知你，大家同意下先叫左三個小食，不過又係咁樣，個D人竟然係最先夾，仲要係第一個食先囉！我好唔鍾意咁！既然大家都咁厭棄果D，不如大家下次ignore佢吧！真係好頂佢唔順！！！唉…

=============================================

我希望你下次唔好再對住我咁講，人有限度…我平時唔出聲，係唔想搞到大家好odd咁！但唔代表我唔介意囉！

My Happy Birthday

今年o既生日竟然係係香港過！大家都話好奇，無計啦！daddy話好多傳聞話九月中有海嘯，所以唔俾我去旅行！都好…慳番d！不過真正的海嘯就無，金融的海嘯就有一大個…甚至將有更多個！



15/9︰一班至愛親朋係carmen屋企為我慶祝生日兼中秋追月…哈！好開心呀！因為有BBQ，而且又可以係carmen屋企睇雜誌，又可以同carmen leung打機…不錯呀！當然，又係有順風車坐呀o麻！嘻…多謝班girlfriends買左個好好味o既天使蛋糕！正呀！好好味！





16/9︰三個傻婆走左去海洋公園，曬左一日，笑足一日！


P.S. ︰開心的生日過後…又病左一個星期，失聲左一個星期，個人仲要發燒左一個星期！點算好呢？仲有少少燒，點都退唔度…我會唔會燒壞腦架？！朋友仔，please pray for me !!

Thank You

好耐無寫野，因為忙到嘔！去旅行前已經忙得要死，去完返來無見好轉，情況好似仲衰過之前！好多人叫我快d upload埋其他相俾佢地睇，sorry，實在無時間！

我都好想好好記下我的北京之旅，也實在係無時間…這個旅程只可以話係正！所有到過的地方都好好咁記係我個腦入面啦！另一個好正係我真真正正咁relax…正！

無幾耐之前，有個人同我講…忍耐、堅持，你就會好快得到你應得的！那刻我只係覺得，無可能！因為大個果一定唔會俾我得到我應得的，因為佢相信咁樣的話，我會有離開的一天！雖然係咁，不過我都聽你講我去忍耐和堅持，我亦都每天禱告，希望我應得的是由天父爸爸親自給我的！不過，禱告左好耐…好似無回音，仲要好似自己每天亦在一個又黑又暗的地方努力咁自閉地不停咁去做…不過，今天係五點多的一刻…我突然間打左個突…因為我真係得到我應得的！多謝你！天父爸爸，我都同樣多謝你！我又要去感恩啦！嘻…

早兩日見左個面…好唔開心！因為你明知我這刻苦況…不過你竟然覺得我講緊大話！超級唔開心！！

8/9︰開心的生日飯，多謝holly、nicole、celila同埋阿夢！應該要特別嗚謝阿夢啦…果晚食飯講下講下，原來大家都好耐無見阿夢啦！上次見面就係上年我的生日飯啦！嘩…真係好耐了！佢都算係咁，同埋helen一齊出來！多謝你地呀！開開心心又一晚了！

10/9︰又係即興咁同阿mig食飯，又係係新城市行…雖然好攰，不過都好開心！因為可以relax下，唔係我果晚又唔知會係公司做到幾點鐘啦！朋友真係好！

講下講下，原來o黎近星期日就中秋節啦！！又原來我又就o黎生日啦！！咁快又一年了！！真係好快…

多謝！

見完工啦…多謝天父爸爸！雖然今次都肯定係衰，不過都感謝他的保守和帶領！！你知唔知今次問我咩？！竟然問我…CEPA…噢…痴線！！你話我今次係唔係衰梗，而且整體表現都麻麻地！但都要說句感恩，因為係第二個人問問題時，竟然俾左個option我，就係任我講一個關於profits tax的，都算係咁啦…你話邊有人見工會俾佢揀野答！哈利路亞！

嘻…無所謂啦！一直都預左無，今次有得2nd in 都算係咁啦！係未？！

好…心情好輕鬆！預備明天去旅行啦……哈哈！

感恩讚美！

諗得多可能真係會諗壞腦，天父爸爸都可能知道咁係對我無益，所以星期三無啦啦多左一日假！我可以不停咁係度打機打機…早幾日九叔仲問我近來打緊d咩，我仲答佢好耐無打機了，點知話都無咁快，打足一天！！今次個八號風球真係掛得好，這個北冕吹得時間太好了…Yeah…Give me five！！

放完假，又有新消息！嘻…上兩個星期的interview以為唔得，點知琴晚又會收到信叫我second interview！奇呀！上次一d都唔似見工，但偏偏又過到關！多謝天父爸爸！我愛你呀！！

你問我的心情，開心！雖然我到這刻都仍係覺得我係陪跑，不過有得2nd in都算係咁！或許這就是我"信而見"的見證！

今次2nd in都幾好架！係指時間，因為我下星期六就出發去北京旅行，神就讓我係出發前，即係十五號就2nd in…嘻…幾好幾好！

我老細同我partner仲緊張過我，今日不停咁係度叫我放假預備…哈！你地比我屋企個daddy mammy仲要緊張！

雖然仍然覺得我都係無望，不過都會好好預備o既…因為這個2nd都係神為我預備呀o麻！

朋友仔，Please pray for me ！！

August is ....."thinking"

又八月啦…點解時間過得咁快呢？！不經不覺又過左咁多年，點樣過也好，八月初都總係好難過，心情又開始好複雜……希望過埋今個星期會好些！其實都過左成六年了……或者係因為這六年你都在這幾日提起這件事，其實都過左咁耐呢？！成日都覺得八月係下半年的開始，亦都係因為當日你話我知，八月就係我的新開始……

==================================================

希望心情快d好番些，因為我下星期就要出發去北京啦！好好的休息和充電，因為工作令我真係好攰好攰…就o黎會死啦！今個trip都應該係最無planning的一個，只係知道我要去北京，plan左去食700蚊人仔有六道菜的分子菜，plan左一日落去天津，又plan左一日去長城，就係咁啦…係唔係好兒戲？我覺得有d架！！呀…唔係…好肯定係每日要訓到自然醒先出發，而且要每日返去午睡片刻…嘻！(俾幾千蚊去不停咁訓…)

琴晚叫做同朋友仔討論一晚，就係編左個咁o既行程吧了…

=================================================

這幾日不停話我知你同你都其實有苦衷，不過這個苦衷不止係你同你苦，其實我也好苦！就算我知道，不過每次你咁樣調頭咁走，心都會覺得好煩厭！究竟係唔係連係你身邊無聲地行過都唔得呢？！原來你同你都一樣覺得我失禮麼？

知道答案係唔可以再問，因為這就是答案了！只係唔明點解所謂"等"都係一個大家以為理所當然的……答案！

================================================

又記起…

"我們都忘了，這條路走了多久…
心中是清楚的，有一天，有一天都會停的，讓時間說真話！"

希望你無騙我吧！！

Finished

之前見工緊張到要死…因為太耐無見過工，加上好想考到，所以……

今日又係見工，不過由琴晚到今日都完全唔覺得自己要去見工！點解呢？！唔知，Tracy琴日都問我好似好唔想見咁…嗯！都有d，而且都覺得今次一樣係陪跑……

你話呀…in成千人，但只係請十個…我仲唔係係度陪跑？！

不過今日的經歷真係好搞笑……

琴晚無再去溫書都不在話，仲可以係咁耐以來訓得最好的一晚……奇！今朝起身著住套suit，到上埋巴士……一路都唔覺得去見工！仲以為自己係平時返工咁…不過，你要知道我今日係九點幾先出門口架！

落在車又未夠鐘，去左我最愛的pacific coffee飲左枝好難飲的orange juice …就係咁又hea左幾個字，之後就返左自己公司啦！不過，這刻我終於清醒，因為我要去十樓，唔係我平時返工的廿六樓呀……哈哈！

全程都係好輕鬆，好開心！這刻真係要說感恩啦！多謝天父爸爸的保守！

這幾日收到的風係話第一輪的interview係問好general的稅例…but i'm sorry……我一句都無問過！只係不斷問我遇到難搞的caller點去處理…真係好奇怪！

全程只係十分鐘！你話奇唔奇？我見其他department，閒閒地都見成個鐘，我這間公司？所有第一輪都只係見十分鐘而已…short short地！好奇怪！

我今日係pacific coffee hea的時間仲長過我係個interview room逗留的時間！！

好奇好奇呀……

講真我今次真係好平常心，平常到完全一d壓力都無！我當然要好多謝天父爸爸，再者我這星期中深深感受到我一直在神的懷中，好平安呀！這幾日都不斷記起有一次崇拜中聽到的信息，就係要順服，順服在神的旨意中去行。當時聽到覺得好難，要去學習，不過今次的經歷又話我知其實好容易去行，而我，亦已學到！仲有，琴晚靈修中的信息，就係要做一個"信而見"的人，而不要做"見而信"的信徒！嗯…我會努加呀！

嘻嘻……我愛你呀！

『凡事……常常感謝父神。』（弗五章二十節）

如果你是在主裏面的，你就是被主包圍著，如同被空氣包圍著一般，不論甚麼災禍，必須先經過祂，然後纔能臨到你身上來。所以每一件臨到你身上的事情，都是值得感謝讚美的。願神叫我們的生活充滿感謝讚美的聲浪！這樣，祝福就會多多加給我們。 可惜有許多時候，我們看不出一件事情是值得感讚美的，正同有一次我看見一個人在畫黑點，我看了半天，看不出這一群黑點是甚麼意思。後來他畫了幾條直線，加上幾個停音符，在開頭的地方加上一個音部記號，那時我纔看出這些黑點原來是音樂上的音符。 我們的生活上也有許多黑點，我們不明白為甚麼要有，這些黑點，為甚麼神容許它們留著。但是如果我們讓神進到我們的生活裏來，讓祂將黑點按照適當的方法調節起來，畫上一些祂所要畫的直線，在適當的地方加上一些停音符；祂就要從我們生活的黑點裏編出一首美麗和諧的音樂來。－C.H.P.

=======================================

很好的提醒，這幾天個人都病到傻左，仲要成個人都腫左，腫到……今日返工，好多人都話係遠處見到我都唔認得我！死！又發脹左，不過唔係肥的發脹，係病到脹大左！！

雖然病左，不過上面的文章又是一個好提醒，我相信我這幾天無啦啦病鬼左，一定都係神的意思呢！

朋友仔，我星期五又有工見啦！今次見番自己公司，係另一個post！上星期五先收信通知，咁鬼快就要今個星期五見啦！今次無咩希望或期望，因為見成千人，但只係請十個人…有無搞錯呀！加上，可能係度做得太耐，簡直唔想再係度，所以心情平淡得好緊要！

點都好啦！我知道我將一切交託俾天父爸爸，佢一定會睇住我架……哈哈！我自己都有溫過下d稅例，其餘的都交俾天父爸爸啦！

哈利路亞

我要感恩！哈利路亞！天父爸爸聽禱告，公義在公司裡彰顯！哈…多謝天父爸爸呀！由於二五事件，成個公司都好似唔同左，不過…我其實都仍然好似坐係孤島咁！希望日子會一天比一天好了！

不過，依家返工都係開心左，因為好充實……哈！N咁多樣野要做，又N咁多樣野要顧，又要教新人……真係好鬼死攰！！

======================================

我仍舊每天為你禱告，天父爸爸給我的回應亦每天不同。我曾經以為我明白你的行為，但每次的回應/反應又話我知我錯左。

打個招呼都好似錯，究竟我係唔係變左你仇人呢？我曾經係咁諗我又係唔係又做錯左，不過我無呀！好努力叫自己見到時唔好再望、唔好再想……努力學會好似你咁…點行點過，不過你又覺得我無禮貌？！

你究竟想點呢？！

=======================================

天父爸爸，我愛你呀！！

Carmel Gathering

Nice and happy !!! So happy to see Caroline.....really long time no see......actually for almost 8 yrs la....since I moved.

Don't you know why we met ?? It's because.......FACEBOOK !! haha.....it's really the Greatest web site.

Holly's Daughter is so cute and beautiful !! Do you agree ??

身心靈都好疲累

我今天係公司都係一樣由朝忙到晚，不過係唔知忙咩？！因為自己都唔知自己做過d咩！晨咁早返工就開始教新人，就係咁又無左一個早晨……

下午要上course，E貓貓都出左話要自已print埋d briefing notes，竟然全世界都話無收過個email…天呀！係唔係咁呀！就係咁又無啦啦花左十多分鐘時間係個影印機度，因為係度影左十幾份…痴線！

一個上午就係咁就無左，仲要這刻先發現我成朝未飲過水又未去過廁所…死！我好驚我就o黎會病…因為我已經又開始有好大的壓力在身上！

食完飯返去又要做埋d我都唔知點解又係我做的野……好辛苦……人都癲！痴…

==========================================

上course咁多人，又俾我碰個正著…我真係好想同你講︰"你死啦！" 唔知點解，我已經對你到了不能再容忍的程度，包容你我做不到了！！你如果認為這個選擇是正確，那我只可以同你講︰"我祝你好運！" 你令我明白到，你係一個超小氣的人……仲有，你令我覺得好討厭的人！

===========================================

今晚終於都約到阿爺食飯，約左成個星期有多，今晚終於都食左一餐！又係我喜愛的Japanese food……yummy！這晚飯都算係我成日最開心的時候，阿爺就係咁好，每次我有事都終會出現，今次都不例外，大家又傾左好多野！好呀…yeah！

This Week

3/6: 請左半日假搞d私務，完左就同betty去vist wendy……媽媽真係辛苦，見到兩個阿媽真係好似傻婆咁…哈哈！不過這都不重要，重要的是這晚的晚飯係由我親自操刀呀！我係唔係好勁呢？！嘻…佢地都話好好味架！我的廚藝都唔係流o既！

5/6: Happy Dinner.....So Good....Japanese Food........I LOVE it !! hehe.....Thanks Uncle Brian to have dinner with me wor!!

7/6: 星期六個天真正落雨落到好似穿左咁，又大雨又行雷閃電…不過我都仍然在被窩中睡覺！訓足一天，終於都訓夠啦！GREAT！！

9/6: 真正吃喝玩樂的一天！正呀！

訓唔到

近來都唔知做咩，每日天開始光就忽然醒左，有時五點都未夠就醒左！唔通又係壓力？唔好掛…

不過以前訓少左就一定個人好鬼心煩氣燥，但感恩，這陣子雖然唔夠訓，但又無咁o既情形，都算係咁囉！希望快d有改善！

假期又完結，我講我公司個大老細，下星期佢又返工，白頭叔叔都話我地的假期都一樣要完結，十分忙碌的生活又來啦……死……痴鬼左線！

基本工作已經開始忙碌，另外的額外野又好似疊山咁高等住我做……又要教新人，我睇怕係可見的日子都仲係無得放工。其實我都真係好累，因為平日好多時放唔到工、又教唔到琴，有幾個學生已經要我個朋友幫手，又有幾個堆埋係星期日……唉！真係一星期七日都要做！

Yummy !!

Fat BB -- Travis

Travis: " 我係唔係好肥好可愛呢？"

GOD Bless

These days........really tired.........bcs so much work to do !! Doubtful.......bcs........report.......so important to me ?? YoU said it is, but i dun think so !!

GOD Bless !!

YoU.....had changed.....your behaviour, your attituide etc......YoU believe it is the image you need to bear.....but i dun think so !!

GOD Bless !!

Promotion board......wish YoU can get what YoU want....wish YoUr dreams come true.....asap !!

GOD Bless !!

感恩

天父爸爸，多謝你的公義和權柄都在公司中展現，這幾天一切都好了！你叫我要忍耐、要順服、要學習……這幾天都有著很好的機會……真係要感恩！多謝你呀…天父爸爸！

全國哀悼

四川地震，今日開始全國哀悼三天，香港政府都有參與。今日下午二點二十八分，全幢大廈都默哀三分鐘…counter都暫停辨工三分鐘…全公司都突然靜下…

不過，寧靜中都聽到告士打道的汽車不停係度"響安"……

平時聽到汽車"bb"聲都覺得好煩，不過今天聽到的又是另一番感受！

天父爸爸，求你親自去安慰這些災民，又求你堅固這些還能生存的人，叫他們要繼續好好生活下去。亦求你親自去醫治、去安撫這些身體和心靈受傷的人。阿們。

I come from JAPAN

"Hello！你好嗎？呵呵…我來自日本北海道架！呵呵…"

o黎隻米奇係唔係好可愛呢？係唔係好靚仔呢？哈…係Isabella送俾我架！好開心呀！！好多謝你呀！！

Wendy & Victor's Lovely Daughter

好可愛的BB女呀！好似wendy，又好似"黎澤澤"細個時呀……嘻！希望b女身體健康！快高長大！你睇下我幾勁…單手抱住佢，又單手影佢相…勁呀！係唔係？！仲要係抱得佢幾舒服！佢訓得幾香甜呢…

Please Pray for me

今日都算係驚心動魄，晨早搭車返工，去到差不多灣仔差館時，我架巴士突然飄左去右邊架城巴度，仲要唔識停，兩架車擦住行左一陣……好驚呀！嚇死我！我睇住我坐果邊撞左去隔離架車……真係好驚！

返到公司，個人坐係度都仲好驚…喊左成朝！嗚嗚…

其實，我真係仲好驚！個人成日都凍冰冰，暈舵舵！朋友仔，希望你為我禱告呀！

Busy - Tired - Lost

仲係好忙，得閒完幾日，又有一份ad hoc等緊我！唉…又係日日做到無停手，做到唔知幾點，做到人都癲左！今日終於都做到眼蒙，對眼真係好痛…慘啦！好驚呀！就係咁…今日終於六點未夠就走左了…因為真係頂唔順！中午飯都無食就訓左，再唔訓下，我諗我會死左…

回看四週，得我同我老細係咁係度做，不公平永遠都好似發生係我身上……又係果句，唔係為左個report，…唉！真係要努力去求神的公義同神的國度降臨在公司中！

==============================================

今個月終於都停學啦……我講學琴呀！實左做到唔記得左放工，又唔記得左要學琴，所以……只好停番一排啦！希望這黑暗的工作生活快d可以重見光明，因為我仲要考琴架！！

==============================================

究竟係邊個將麻雀的game帶入NDS當中，又究竟係邊鬼個話俾我阿媽知NDS有d咁o既game…好想將佢拖出來打呀！因為大家成日爭住部機，終於星期日買左部機俾阿媽啦！好貴呀！

這份母親節禮物，真係…貴！自己借左朋友部機成年都唔捨得買，估唔到就要買左部俾阿媽！不過都好，依家唔使爭機打！

==============================================

4/5去左聽任賢齊concert，本人o黎講就覺得麻麻地啦…好彩唔使錢有得睇！不過，"success"就應該用左唔少錢啦！多謝晒呀！一個人包左幾行，你真係偉大！為左老豆，買左個仁濟總理o黎做，哈…我覺得好似電視賭波廣告咁…"等於將錢倒落海"！你地這些有錢人的世界，我真係唔太理解。

不過，我都唔係睇足全場，有成個鐘走左出去講電話……chris仲係咁…down…我同佢講我聽緊演唱會，但佢竟然叫我唔好聽同佢講電話！算啦…橫掂個concert都有d悶…唔係真係睬你都傻…嘻嘻！

==============================================

講真，這排太忙，我覺得自己好似lost左，lost左方向，lost左自己咁！！天父爸爸，我要點做好呢？！

Chris調走左啦

chris係星期一就去左第二組acting啦！依家得番我一個，真係有點孤軍作戰的感覺！不過，只係兩天，我深覺得chris走得一d都唔開心，琴晚仲同我講左好耐電話…

你唔好咁啦！我相信你一定可以應付得到，努力呀！

人都走左，不過死肥仔都好似條氣仲係唔順，仍舊提起這事…超無聊！就連星期一都無幫過手去搬野，白頭叔叔開聲都若無其事，人就係咁煩……o黎個department o既人真係好煩……死！

不過，這刻卻提醒我要更加努力、要儆醒、要順服呀！

This Week

今日只係星期二，如果星期日係一個星期的開始，咁這幾天我覺得已經好似過左好耐，因為發生左好多好多事。

星期日發現我又有少少發燒，點解成日都係放假先發燒呢？！醫生的解釋係因為我平時太忙同太大壓力，無點樣好好休息過，所以……死啦！我都覺得好似好耐都無好好咁休息過！其實星期六又打風又落雨，我都無出街，已經好好咁訓左成日架啦！我諗我應該要冬眠下……

星期一發燒都返左工，因為知道今日有大事要宣佈！係啦…就係正式公佈chris下星期一去另一組acting，努力呀…希望你act完有得升！主人家chris知道後好唔開心，因為佢竟然話唔想升，佢鐘意計數，但唔鐘意管人。唔好咁啦…點都係一個可以離開這組的機會o麻！

她是我欣賞的人，所以我無唔開心，而且還戥佢開心。不過，以前個癲婆同肥仔輝，哈…唔講你都諗到佢地又係度講是非啦！好討厭！點解d人咁煩呢？！自己唔去檢討下點解無這機會，反而走圍去講人！no good no good！

唉…最後一個星期跟這舊partner一齊啦！今次真係變左孤兒仔了……嗚！

星期二的今日，晨咁早以為係黑色星期五，一返到公司樓下就撞個正著，啋！點解做人咁唔大方架！讀書都有講逃避唔係辨法，你知唔知架！點知之後又係買茶時撞個正著！死…

下午無端端又收到電話，daddy落樓時被個電單車輕微撞到，入左A&E！好彩，骨無斷，人無事，只係個左邊膝頭哥腫左！哈利路亞！又好感恩，我老豆見番以前學校做野時識到的同學，佢又咁岩係骨科實習緊……真係朝中有人好辨事，所有事都快d！好呀！

就係咁，今晚就同唔到ophe食佢的生日飯啦！我好想去…因為係打邊爐呀！

感謝主

今次真係由心要向天父爸爸說句感謝呀！Trazy的媽媽星期六中午同家人失散左，大家都不禁緊張，大家都出動努力幫手尋找！不過，我這幾星期都病到暈舵舵，都未能跟大家一同出去幫手。真係有些慚愧，我只可以不停咁係屋企度禱告，同埋不停咁send email俾d朋友仔。

好感恩，我send完之後個個都回覆，個個都話會幫手一同去找，其實佢地都唔認識trazy，我只可以說係因為神的愛！仲有好多都唔係基督徒，但佢地都一樣幫忙不停去叫朋友留意…嘩！原來這個香港仲有愛！哈哈！

點都好啦！終於琴晚係大潭找到了…mammy都話見我笑番…哈！係呀…有些不開心，因為自己病倒又幫唔到手，但眼見大家又好努力去尋找，其實真係有些慚愧架！但係…都要講句哈利路亞！

嘻嘻！(不過，我今日都仲係好暈呀！)

Hin's Concert @ 5-Apr 2008

朋友仔留言話唔見我睇張敬軒演唱會時影相？！我有呀…你睇唔到o者！其實，都唔係影左好多張，幾張咁啦！因為坐得太高太遠了…嘻嘻！

十分豐富的dinner

今晚都食得好豐富好飽呀！見到R sun咁唔開心，身為老死的我當然要陪下佢啦！係唔係？我都好開心佢今晚肯係灣仔食飯，咁我返完教會就唔使咁趕去meet佢啦！朋友就係咁好…哈哈！

今晚去左食韓國燒烤，大家都食左好多，又傾左好多……幾好呀！咩都講，大家都講晒所有唔開心的事…嘩…大家都舒服晒！嘻…

食飽飽又去左銅鑼灣行街街，想去睇戲又無咩好睇，我想去食雪糕架…不過又好飽！車…算鬼數！走左去IKEA，大家都好似要買到野為止，我就買左枝蛋糕刮，R sun就買左張冷氣被！都好都好，心情又再好些！yeah！

希望我的朋友你心情會快些好d，記住不要去懷疑你自己呀！我地一家人都是打不死的…yeah！

4月4日

一連三天的假期又開始，好多人今日去拜山，不過我屋企都唔會正日去拜山…因為怕人多，大家都怕我見到人多會暈，所以從來都唔會清明正日去！咁都幾好，起碼唔使同人逼，人多煙又多，你都唔好話，都真係幾驚架！

今日都真係訓足一日…啋！因為今朝起身發覺個人成身發滾，唉…又發燒！只係發燒，又無其他病徵…好驚呀！又唔知我又有咩事呢？！

我就訓足一日，我mammy就打機打足一日，奇呀！平日只會係我同我daddy打機，今日我阿媽竟然會打機？仲要打到部機無電都要义住隻火牛繼續打……痴鬼左線囉！

=========================================

明晚就去聽張敬軒concert了…嘻嘻！部相機要义電先，等我影番d靚相呀！(病到傻左！)

=========================================

今日係兒童節，多謝你的sms呀！我會如你所說，努力加油！我諗我會快高長大呢！嘻嘻…你都努力啦！夢想會成真，所有事都會是好的。我講過，you're always in my prayer !!

忙完…發呆

兩份ad-hoc終於都忙完了！哈利路亞！忙左成個月有多，個人已經累得要死…好多晚啦…放左工或教完琴都搭的士返屋企！因為真係好累…累得只想以光速的速度回家！真係賺埋都唔夠搭的士…死未！

忙的時候又好掛住優閒的日子，但到了這幾天又好掛住有野做的日子。做人真係麻煩！這兩日要埋數，所以全公司都無電腦用，咩都做唔到…

而我…就係度發呆！大家係度齋坐，吹水都吹唔到咁耐…

唉！係唔係好矛盾呢？！有野做又話有野做，無野做時你又話悶！哈…

Busy Weeks

這幾個星期係公司忙得要死，以前忙極都無今次咁慘！放工都好似偷走咁，唔知點解？！到左復活節以為可以休息下，不過都好忙，其實這幾個星期都好似無休息過咁……十分攰！死得啦！

=========================================

22/4原本團契大旅行，又原本係去陽明山莊，不過…最後都係去左…教會三樓平台BBQ！由於太攰，全程都只係燒左兩次，我成日都食其他人燒的食物…都好似有d賴添…不過，我真係好攰！

23/4返完崇拜去左飲茶，原本又諗住食完返屋企訓陣先，不過又抗拒唔到行街街，所以又同左hullian同阿牛去銅鑼灣shopping，雖然買唔到野，不過好開心！因為近來太忙，好耐都無行過街啦！晚上又約左mig同R sun，點解你地次次都遲架！

24/4今日約左哲亮，好耐無見啦！大個仔左好多好多，成個年青人咁o既樣了！好彩有佢，今日我唔使湊蕭仲延，哈哈…真係太攰，好唔想幫人湊仔了！嘻嘻…

=========================================

放完四日好似無放過的假後，變態的工作生活又開始，又係好忙碌的一個星期……做做做，係咁係度做…

又聽到老細這陣子成日同我講的話，就係︰"唔趕架！慢慢做，不過做快d啦！"

唉…我絕對有理由相信這句子已經犯了語病啦…哈！

=========================================

30/3去左好友屋企巴巴燒，好開心呀！因為有得燒野食，但又係果句…太攰了，所以無咩mood！不過大家都好似一樣好攰咁…下午先開始燒，但夜晚未夠八點就走人啦！

我又搭順風車回家，不過架車開左無耐我就訓左。好眼訓呀！

====================================

31/3 往時的今日，一定係發定的躲懶日，因為今日基本上係無電腦用，無野可以update，但我都仲係要努力趕工…唉！真係好似有d　…都係唔好講啦…

=========================================

返多幾日工又有三日假期，希望我今次真係可以好好休息下啦！

假期開始啦

四日的復活節假又開始啦…嘩！正！因為屋企又無人，得番我一個，今次返轉間屋都得啦…哈哈！

今日都唔知仲咩鬼，晨咁早就醒左…於是乎落街買野煲湯，再整曲奇餅餅，係香橙檸檬脆脆曲奇餅，好好味呀！真架…下午見到betty都有俾d佢食，佢同歷蘇都話好好味架…哈哈！一定好味過兒童崇拜整果d…嘻嘻！

下午就去左cheryl屋企，BB Travis又肥左呀…婆婆度一定係好食好住呀！佢隻腳仔仲肥過我隻手呢！

今晚就去左九龍城食飯，因為joanne生日飯，今晚食潮洲打冷，都好味呀！而且都好平好抵食呀！之後，當然係必去合記食糖水啦！我喜愛的綠豆馬蹄沙清心丸，正！

完了

真正一個答案，原來對我真係好重要。這個星期工作已經好忙好攰，不過心情更攰。大家從未可以鼓起勇氣去面對，可能係我逼得太緊了，你終於都說了…

男人失蹤可能真係有古怪，直覺我知道有事要發生。今日又終於被甘美姐說了一件事我知，你是好心說，但其實我一早就知道了，謝謝你！

就係囉…揀好咪好囉！唔好拖拖拉拉，我真係唔鐘意咁樣。一年多了，真正的畫上了句號。

反而咁樣，我無喊過，好奇怪，但我反而好驚！因為我怕我之後會更加唔開心…

每日靈修

經節：
你們要嘗嘗主恩的滋味，便知道祂是美善；投靠祂的人有福了！(詩篇三十四篇8節)

通常你不容易在困難的情況下，做得恰如其分，結果圓滿。即使你禱告，也不如預期的那麼釋放。這時你會期盼主給你明確的應許。從聖經上你找來找去，似乎也沒有一個應許合乎你用。你不死心，再三尋求，終於如願以償，找到你所需要的應許。此刻你才知道，神的應許是針對某一特殊情況發出的，正如你必須持正確的鑰匙，才能插入相符的鎖孔。一旦找到永生神所給的應許，你就趕快呈在主前，說：「主啊，這是你美善的應許，求你讓它早日實現。」
重要的是結局，因為禱告得蒙垂聽，憂愁就化為喜樂。　　　　─司布真

只要單單仰望上帝，這應許必使你看見大信心；惡者說「不可能」，你且不要聽信，大聲說：「我只相信必然成就！」

不用灰心，試試你所有的鑰匙，神絕不會故意把寶庫鎖住，不讓我們進去。

攰死

這個多星期裡我都真係無好好休息過……簡直係……攰！

又要做ad hoc，有無咁多野做呀！又有無理由要我一個做晒呀！？好慘！你叫我要忍耐，因為這是考驗的時候，但要咁趕…我真係好攰！幾百張單，都係我一個人做晒……一個字……死！

幾晚都要OT，每日十多個鐘不停係度計，真係所有精力都俾晒公司！放工又要去教琴，真係好眼訓呀！

死到今晚都未死完，希望明天真係可以搞點晒佢了！

===============================================

星期六都唔係好想返教會，因為我真係好想訓覺，當然…最後都返左，因為BB要開會呀！不過，都可以叫好彩返左，因為enoch又係澳洲返左來，好耐無見啦！

開完會都會同一班阿sir去食飯，星期六晚都唔例外，我都好開心，因為有酒飲呀！都戒左酒好耐了，不過，今晚都只係飲左兩杯啤酒，都唔係好多咋…嘻！溫sir仲話，不如復活節camp帶枝紅酒去，嘩…好呀！嘻…

================================================

星期日兒童崇拜，我絕對要向神感恩了！從未試過未練過就做司琴，因為stella ee之前俾唔到琴譜我，所以到星期日朝先可以練下幾個字咁！好驚呀！不過，真係要說哈利路亞！因為有份譜係我最唔慣睇的數字譜，不過完全可以彈好了…哈哈！多謝天父爸爸呀！

I'm OK ga !

多謝你地呀！我這兩日好好多了，同betty傾左好耐，我真係明白了！知道我地兩個的相處方式各有不同，又知道忍耐了咁耐，我只有繼續忍耐，如果我選擇繼續等待的話。

有時都覺得好無用，因為話唔等但又繼續等。好似可以獨立番幾日，但一個電話或SMS或email後，我又繼續好以之前一樣。為咩呢？都唔知，為一個朋友，還是真係想為一個伴呢？都係一樣唔知！

以前好怕好怕承諾，因為我覺得係一個包袱，但這一年我知道我改變左…又或是神覺得這是時候要我去改變了！我真係咁覺得，我好覺得這陣子的經歷在當中有受傷，但亦同時深深感受到神在當中讓我學習和他的教導。學習去愛，學習去承受……我深信一定有得著，不過這刻真係好痛！

從來都好在意別人如何看待我自己，所以任何人對我有任何不同了的動作/思想/眼神…我都會好緊張，可能係咁成日都困擾了我自己。我想這都仍是我要去學習的。

其實，收到審計署的信後，我好失望…因為我曾經氣言地講我唔會轉到工，結果…又真係如我所言。唉…其實點樣也好，我都好想走o架！因為這公司畢竟做左咁多年，真係好悶了…好想轉換下環境。我要努力…希望快d又會有其他department請人，等我又可以申請呀！不過，走…一定唔係因為你！

==========================================

To: Carmen

好呀！飲番杯呀…哈！放心，這兩天真係好多了！星期六下午呀…因為夜晚BB開會！除非你等我呀！

Wow

好唔想食中午飯，但星期五都無奈地食過！你又要食，出到來又對我不揪不睬，點解呢？四個人食飯，但我好似搭枱咁！要放，但又放不開了！問我想點，不如你想好過！審計署終於都知道result，又係衰左，都其實預左啦！不過，你只當又係我錯囉！唔通我離開這公司真係咁重要麼？！

…就係咁又失蹤了兩日，你唔通咁叫做有禮貌嗎？我，就要立刻回覆，不過，你好似唔會，仲會覺得煩！但我話你知，我仲煩呀！

胡思亂想了幾日，就算唱埋K，不過都好似還未發洩到…忍唔住打俾Betty喊左一陣！呀……

不過，星期一同今日你又可以當無事發過…其實…你究竟想點呢？！

唱唱唱

今日做完司事，食過早餐後就同Isabella、Nicole同Jaclyn去左唱K！唱呀唱…由下午兩點唱到夜晚八點，仲要四個人係間好大o既party房，嘩！正呀！四個人、四枝咪，不用爭…哈哈…加洲紅的red box plus真係好抵…每人盛惠$91！Good…

Feeling DOWN

不同的溝通方式都總給人不同感覺，好似有人會覺得SMS好sweet，又有人會覺得好煩好冷冰冰的感覺，又有人會覺得講個電話好煩，但同時有人總覺煲粥係開心的事！

做咩都好，大家都有不同的睇法。一個msg你很在意(覺得古怪)，但別人呢…也很在意(覺得開心)！

=======================================

Ada姐姐話我要學習憑信心去向前行，要相信神的預備，我相信呀！但好難行，可能正如你一早所說，放手容易但做起來是會困難的。

=======================================

仲咩事呀…這幾天成日都會碰到，原來真係唔捨得！點呀…你！

Visit Wendy T

今日放左下午，同Betty去左探Wendy，好耐無見啦！佢都岩岩開始放產假了，時間都好快，咁快就十個月，歲月好似真係不留人！

Wendy呀…你開心d啦！你同另一個Wendy真係兩個性格，笑多些人會靚d架！而且我相信個BB都會靚仔d呢！

抱歉我都無好好咁同你傾呀…你這幾天待產的悶日子就打電話俾我啦！OK？

開工大吉

嘻嘻…今日終於都返工了！每年農曆新年都會放好多好多，今年又放完啦！

今年公司無咩利是逗，好多師奶媽媽屋企都白事過左無耐，所以今年都唔派得利是！呀…蝕左幾封呀！

不過，今年意外的係陳強老豆俾左封開工利是我呀…嘻！好開心！調走左，去左另一層樓，都仲俾利是我，太好了！仲要係愛護動物協會利是封，有兩隻狗狗，雖然係我最憎的西施，不過穿起d中式打扮又幾可愛呀！

仲有一個意外，就係"所長"送左盒米奇老鼠曲奇餅餅俾我！雖然佢無俾開工利是，不過有盒餅餅都好過無！因為全條team得我有咋……話雖如此，我的曲奇餅數目有增無減，過年前收到的都未食完，依家又有一盒啦！真係食極都有！

Travis BB

中午又無啦啦做左湊仔婆，不如我轉行做保母呀！？你地話好唔好呢？

我今日同cheryl個仔仔玩左好耐呀！三個月，肥B一位，但十分得意可愛！佢好似好鐘意我咁呀，可能係我都係一個可愛的大BB！

抱左一陣，隻手痛到傻！要塗番d藥膏先得啦！

Dinner with Carmel's Fds

星期六好趕好趕，趕住去拜年同逗利是！哈…哈…哈…

今晚又同中學同學圍埋一齊食飯啦！幾好呀…因為好耐無見o既阿量終於出現了，不過好多口o既阿夢又無出來喎！但man健老婆又有出來呀…好耐無見佢老婆，差d唔認得添！

大家食完就散左，除左我同nicole，因為又係時候食雪糕啦！好好味呀…多謝你呀nicole！記住下次係我o架！

好Hot的情人節

雖然外邊好寒冷，不過今個情人節都好hot呀！因為今晚一大班人圍埋打邊爐，雖無情人陪我過，但係一大班人一齊食飯都好warm好開心呀！而且……哈哈……又逗到利是呀！！哇哈哈…

我一入到酒樓，人都未坐低，阿ming就問左我一條我都唔識答的問題…"你個blog近來寫埋d野唔係好明？"係…我都唔係好明，不過，米奇老鼠年已經來到，我都有了肯定的答案啦…就係我唔會再唔知自己想點，因為我真係已經好好咁決定左啦！希望係這個米奇老鼠年裡找到我真正的米奇老鼠啦！！

今晚仲有一件事一定要好好咁記下呀…就係朱生呀！佢食果粒醬爆牛丸，完完全全將入面d醬飛晒來我件米奇老鼠T-shirt囉……唔制呀！ 唔制呀！雖然大家都唔想再想起米奇老鼠，但係大家都唔可以因此而將我的米奇弄髒o架！我仍舊最愛米奇o架！我的米奇唔係你地當日經歷的米奇呀…

得如酒樓

唱完K就約左mig同R Sun食晚飯，今日行程都好緊密呀！一家人食開年飯？唔係，係無啦啦變左我的補足生日飯…雖然遲左好多，不過，有心唔怕遲！但最搞笑係…佢地每人俾$100，而我要俾$20，咁其實係唔係即係請我架！哈…


本約係旺角等，但唔知去邊樹食好，就一路行行行…行行下又話大街多人，轉左入後街行，又繼續行行行…無啦啦行到去一間古舊的"得如酒樓"。


係好古舊，d野又好舊，但都叫做乾淨的，而且d野好好味又好平，三個人叫左四碟dishes，兩個白飯，都只係$220，又係好抵呀！我今日的所有消費都好抵呀！

卡拉OK

病左幾日，係時候出動啦！(當然係逗利是啦……哈！)

今日約左carmen一班人去唱K，嘩！都好抵呀！加洲紅red-box plus，食埋lunch，唱到下午四點…多謝承惠每人$73……一個字…抵！

今日都好多人，有carmen lee、carmen leung、九叔、alex、joanne、trazy、dicky、牛姐同我，唱K的話，十人之內就係最好！好呀…dicky好勁呀…男的又得，女的又得！

唱完仲同carmen同牛姐去行左陣街街，飲埋coffee…好滿足！雖然岩岩病好，不過都唔理咁多，飲番杯coffee先…好多日無啖好食…好poor呀！

飲coffee就當然又係講是講非的時候，哈！好開心！同你地傾計真係好開心！好warm呀！

身體健康

今個新年，真係…啋！大年初一病到大年初三！有無搞錯呢？！喉嚨痛完，又肚瀉…訓係床到幾日，真係慘！！

我要身體健康呀！

What Does My Birthday Mean ??

朋友係facebook send左下面個生日分析，都好似幾岩喎…嘻嘻！


You always follow the good and the right instead of listening to your heart. Another word, you are a perfectionist. You care for every word people say about you. You often seen isolated while you are, by nature, curious and a dreamer who is ready to get over the edge to make your dream comes true. Your Love, You often fall in love with a person who is much different from you, in age and other aspects. Your relationship grows on friendship. Love at fist sight is not your style.

Your greatest WEAKNESS ...Pessimistic, haughty and sometimes unsociable and miserly.

Your greatest STRENGTHS ...Strongly loyal to family values.

凍僵

這幾日，我好掛住……>
這些日子，簡直係十個正！

<……因為這幾日我就o黎凍死左啦！

明天仲話市區低過十度，我這個住在鄉下地方的人……一定凍死啦！

Am I wrong ?

明明話左拜拜，明明話左唔見，唔再聯絡，不過因為一杯茶同一件餅，我又忍唔住找了你。是是非非又係咁講來講去，就係唔忍心見到有人話你，e貓貓講完，點知就係被人知我話左俾你知…唉！大家又係到嘈，為咩呢？唔知，都覺得有些無謂。

我問你係我唔相信你會咁做，但估唔到你會因此去投訴，為咩呢？

點解我用e貓貓告密會有人知？！唉…日防夜防，又係死肥仔！呀…你死得咪呀！我想死呀！

星期五發生的事，一直嘈到今日，我今日知唔係你篤我出來，所以立刻又向你道歉，(可能同mig食完飯，記得佢話好guilty)係呀…我今日知道係死肥仔時，我都覺得好guilty，因為早幾日以為係你我blaming左你好耐，所以都向你道歉，不過…原來仲衰！

我真係唔想再番口講誰是誰非，因為好似沒完沒了咁，好鬼死煩！但你原來唔接受我的apologize呀！點解你係都覺得我錯呢？我以為我講你知係我錯，不過你卻認為我唔講誰人卻又是我錯！

點解又係我錯呢？

不過，算數！我想你原諒我係因為我錯怪你，不過我唔想再跟你有任何involve，所以算吧！

Dinner with Mig

每次同mig食飯，總係臨時決定，今晚都係一樣。其實，見到電話來電係mig，真係明白佢可能係我的守護天使呀……哈哈！當刻係巴士度都想喊出來，每次有事，佢都唔知點解會打電話來，唔遲又唔早！

我咩事又想喊暫時唔講，不過今晚同佢食飯真係好開心呀！除左因為係佢請之外，另外係因為我真正終於係佢身上看到佢…真的戀愛了！哈…

從細到大，見佢拍咁多次拖，但都無看見過佢真係愛一個人，從來只是看到他喜歡一個人、又或係習慣了有一個伴係佢身邊，但係今晚終於聽佢講得出佢真係真正愛上了一個人啦！聽佢講今次的經過，我發現我識左近廿年的朋友，原來我係一d都唔認識。好驚呀…佢竟然做左一堆我從來無諗過佢會做的事呀…哈！

阿爺，你要努力呀！我成日都聽到你口中說感恩，說哈利路亞，但從無聽過你口中說出因著感情而講的哈利路亞！不過，今晚聽到你講好多次呀，咁係好事…加油呀！

死肥仔

從來都覺得肥仔好黑人憎，因為識親d肥仔都好衰，衰d講…無個好人！不過，我認識的這些死肥仔，係講緊果d肥到個肚突晒出來，好似人地有左幾個月咁！

死肥仔今日又係公司度行來行去，你究竟有無咁多野問呀！？有咩理由，做一隻case問一隻case，成日係我個位後面行來行去。好煩呀！簡直就係煩死！今日好無聊咁計過，佢一個鐘就係我後面行左十三次…痴線架！

白頭叔叔問我野，你又走過來八，你中bingo，又走過來叫人簽名…你可唔可以留番放工時先一次過架！你知唔知你自己好煩架！

最衰係…又係行過的時候係度偷睇我send e-mail，勁無禮貌！我已經因為上次而醒水，今日估唔到你會突然間走出來……

886

有人話Never say never，又有人會話It's too late。不論再是怎樣，今日都終於說好了！

星期三見完工，唔知點解又再發現世界真係好大！即使你的反應係俾我再緊張，但我卻明白我真係如你所說…已經快高長大。見完工，成個人真係完全放鬆左！見完工果晚，同nicole食飯，俾佢問左我好多，但回家的途中，思想了更多呀！

其實，聖誕節的話叫我已經放低了！又或者，一早都已經講左好耐要放低，不過這天的話俾我知道我要決絕d啦！你覺得我唔等，但其實係我知道我根本唔會有等到的一日。相處好似天氣咁，時時刻刻都要睇天睇心情的話，我覺得日子真係會係苦。

我想今次真係88啦…所有野都還番晒！所有大家要講的都講晒！今次真係唔會再見了！我諗會係幾好！無咩唔開心…只係中午一班人食飯時，有些尷尬！無所謂啦…都係最後的午餐了！

驚完啦…麻麻地，但好感恩

驚足幾個星期，個胃又痛又抽左成晚，害怕的日子又過去了。好多謝你地呀！我今日收到好多SMS又或電話的打氣，我都唔得閒覆番你地！

終於驚完，當中有驚到答到口窒窒，好似口吃咁！但其實當刻我無心跳加速，反之係十分平安。事情終於過去，我都立刻鬆了口氣。無再去諗了！一切就交給我的天父爸爸啦！

今日真係一個好好的經歷，我明白到即使我今次唔得，但今天的經歷叫我再次記起究竟見工/面試係d咩囉！所以真係要感恩架！

今日Wendy同Ivan都被我搞到個人都緊張埋，好對唔住呀！我地都可以一齊鬆一口氣啦！哈…

Panic

我可能真係一個超級緊張的人，平時考試都會擔心到成日肚痛和肚瀉，今日仲要個胃勁痛，到左下午仲開始抽筋添…死啦！

咁大個人，依家又有份工，但十幾年無見過工……個壓力真係好大呀！死啦…明天仲要下午先見，我會唔會就係咁樣痛死左架！？

都係你啦…我今晚返到屋企食飯後好似好d，你又打電話來，我知你出發點係好，但你係咁幫我溫書，我仲緊張過日頭時。

多謝各位朋友仔呀！你地今日打電話或SMS給我的鼓勵叫我好感動呀！

多謝天父爸爸呀！我今日真係好辛苦的時候，我跟你禱告，我心中唱詩歌之時，你叫我看見你與我同在呀！

Feeling

永遠都唔知你究竟諗緊咩！忽冷忽熱，感覺總是令人好難受，永遠我是留又或是走，問題都永不可以我決定。我其實係唔係真係咁唔可以見人呢？點解唔可以大大方方呢？pass番d野俾你o者…有問題麼？人與人之間，究竟係靠咩維繫呢？

我其實都唔知想點，天父爸爸，你其實又想我點選擇呢？我好想離開，你卻叫希望存在，但到我想留下時，你又忽然叫我要難受。

每次思想在爭扎又或和你argue的時候，mig都會打電話來！好朋友就是這麼好，識左咁耐，唔只心照，而且心靈相通…哈！

carmen琴晚都問我點？係啦…點選擇好呢？

我無希望過人會/要點對我，我從來都知道和明白每個人都有選擇，大家的選擇都係公平的，大家的選擇都係要尊重的。人有感受，係唔係就係我從來都太顧人感受呢？！所以這刻我唔識處理自己呢？！

一月十號

放左兩日假，終於都叫做溫晒我要溫的！要感恩！果d咁o既報告書，好鬼死長呀！睇死我啦！但點都好，真係要感恩！多謝天父爸爸給我智慧呀！多謝你！

====================================

相安無事了一排，你又無端端short左！真係唔知你想點呀！！你有無諗下我的感受呢？當然係無啦…你從來都唔會諗下我o架喎！不如你認真d想清楚，然後俾番個答案我啦…好唔好？

====================================

神又為我預備，神的供應真係好充足！天父爸爸，我愛你呀！

====================================

2008年真係看似有個好的開始呀！哈哈……

是日休息

今日放假，因為……一早要去威爾斯醫院覆診，中午要等Dell送電腦，之後就諗住要努力溫習！當然，諗住的……就係做不到！其實，都唔算做不到，只係做得不太好吧！！

一早覆完診返屋企，都有溫過幾個鐘，下午都溫左一陣咁啦！

最衰都係你啦…開始起turbo想溫習，點知你又打電話來，搞到我溫得咁少！下午時又係咁！你唔好再引我講咁多電話啦！！

明天都仲放多一日，希望明天會好d啦！！

===================================

部新電腦真係好好，因為個monitor有成19吋，仲要係寬影幕，個case又好細，都好好呀！不過，個window vista真係唔係好識用！仲要install番好多野……不過，先裝番個MSN同acrobat先，其他的都唔搞住，努力溫書先！

太好了，可以還番部電腦俾mammy公司的同事，我可以用番我自己的電腦上網，明天又可以好好利用佢去審計署的網頁睇下d資料啦！！

Thank GOD

好耐無寫blog啦！因為屋企部腦終於成功退役……其實真係好衰，係聖誕前壞鬼左！係dell訂左部新的，但係又未送到！好彩mammy公司有個同事好好人，佢肯借部腦我用住先…太好了！要感恩！今晚mammy都好辛苦咁幫我帶部機返屋企，太好了！

電腦其實我又唔係成日要用，平時都係check下E-貓貓，不過，就o黎要見工，上網突然間對我好重要呀！因為要上下佢地個web-site睇下野，起碼要認識下人地department的架構呀！

我明天開始要努力溫習啦！好緊張！明天仲要係另一份工的筆試，說真，我已經幾晚無好好訓過啦！因為我真係好驚！我今日都無返工，因為個頭痛得要命，daddy同mammy就話我係因為緊張，唔知呢？！不過，禱告過後，我心中又再有平安了！

====================================

各位朋友仔，多謝你地的禱告和留言，你地給了我力量！我會努力啦！！